Marko 8
8
Vsv̀ng 4,000 shvá:mò we
Mat. 15:32-39
1Wenila taq vsv̀ng loksok lokga vrá kø̀m ráì nø̀, v́mlv́m pàgø màv́laò rvt, Yesuí coqcv́nrì sv̀ng goò dá:ngí, 2“Vsv̀ng loksok yarì kaq Ngàí mvréngòe. Àngmaq nø Ngà nv̀ng tiqdø vshø̀m ni v̀l daqshà nø̀ v́mlv́m pàgø màv́la bǿà. #Mak. 6:34-44 3Àngmaq sv̀ng màshvv́mshaq shvlongò kvtnø, tvrà ramø svrí bangvme. Kadø íe wani vrúm kèní dì ráì we gø tiqmaq vle,” a:lòe.
4Coqcv́nrìí Àng sv̀ng, “Yadø rvgaq mvgung tiqyv́ngø, vsv̀ng yadv́ngte kaq shvv́mlv́m zidòng nø kayv́ng kèní lvlú:nini?” wa vtá:nòe.
5À:ngí, “Nàmaq yv́ng zidòng kadv́ng chv̀ng vle?” wa rø:tnò kvt, àngmaqí, “Shvngøt chv̀ng vle,” a:lòe.
6Wekvt À:ngí vsv̀ng loksok sv̀ng vbatø̀mø rúnglv́m dvká:mòe. Yesuí zidòng we shvngøt chv̀ng lá:ngò sórí, Gvray kaq oqà wa dá:ngí, vmø:tnò nø̀ àngmaq sv̀ng zílv́m Àng coqcv́nrì sv̀ng tvleòe. Àngmaqí rá vsv̀ng loksok kaq túnaòe. 7Ngacè tiqgola gø àngmaq yv́ng vle. Yesu nø werì rvt Gvray kaq oqà wa dá:ngí, àngmaq sv̀ng túnalv́m dvká:mòe. 8Àngmaq vm nø̀ vgàá:mì. Vchéò rì nø, coqcv́nrìí jvng gvbà shvngøt chv̀ng taq dv̀n rvkul bǿà. 9V́m bǿì we vsv̀ngrì nø vbì kíng gǿ dv́ngte íe. À:ngí àngmaq sv̀ng shvloò dá:ngí, 10Àng coqcv́nrì nv̀ng tiqdø kùngshí taq chàng zv́ngshì nø̀, Dalmanuta rvgaq sv̀ng dìá:mì.
Mvshv́lpvrá láò vsv̀ngrì
Mat. 16:1-12
11Parisirì dì ráì nø̀, Yesu nv̀ng vzǿng pv́ngshì nø̀ Àng kaq cip lálv́m rvt, “Muqlàng#8:11 “Gvray kèní” wa gø rø daqe. kèní mvshv́lpvrámè tiqlòng dètanshà,” wa rø:tnòe. #Yoh. 6:30 12Yesu nø shaqmè vhéshì sórí, “Pàwálv́m yamvrilcèrìí nø mvshv́lpvrámè láòe má? Ngàí jø̀ngjǿng vla:tnìni, yamvrilcèrì nàmaq sv̀ng nø mvshv́lpvrámè mvzílv́m íe,” a:lòe. 13Wekvt Yesu nø àngmaq yv́ngkèní búng nø̀, kùngshí taq kupa sv̀ng léshìá:mì.
Butdvshi kàshvbóng
14Coqcv́nrìí zidòng rív́mlv́m vná dárà nø̀, kùngshí vdòngø àngmaq taq zidòng tiqchv̀ng wa vle. 15À:ngí àngmaq sv̀ng, “Parisirì butdvshi nv̀ng Herot butdvshi sv̀ng pán vshat nàyáshìnø̀ng,” a:lòe.#Luk. 12:1
16Wekvt àngmaq wa vrùng nø̀, “Nøngmaqí zidòng rív́mlv́m vná dv́rshà rvt wa pà íe,” wae.
17Welòng sv̀ng Yesuí shá bǿà nø̀, “Zidòng mèv́lanø̀ng rvt pàwá nàrùngnø̀nge má? Akvt høq nàmaqí mèdǿmnø̀ng nø̀ mècíngnø̀ng má? Nàmaq nøt shèngarshìnø̀nge má? #Mak. 6:52 18Nàmaq nø ne nàdánø̀ng nìgø mèyv̀ngnø̀ng má? Vnà nàdánø̀ng nìgø mètánø̀ng má? Ngàí wedv́ngte wv̀ng bǿngà rì mèmèsøngnø̀ng má? #Yer. 5:21; Ezk. 12:2 19Vsv̀ng pungwà kíng dvpvt zidòng pungwà chv̀ng vmøtnangò ke vché rì kadv́ng jvng dv̀n rèkulvpshà?” a:lò kvt, “Tiqcé vníjvng íe,” wa vtá:nòe.
#
Mak. 6:41-44
20À:ngí rá, “Vsv̀ng vbì kíng dvpvt zidòng shvngøt chv̀ng vmøtnangò ke, vché rì kadv́ng jvng dv̀n rèkulvpshà?” a:lò kvt, “Shvngøt jvng íe,” wa vtá:nòe. #Mak. 8:6-9
21Wekvt À:ngí àngmaq sv̀ng, “Íni, akvt høq mècíngnø̀ng má?” wa rø:tnòe.
Nemàn tiqpè dvba:nò we
22Àngmaq nø Betseda mvrìng sv̀ng tuq ráì nìnø, vsv̀ngrìí nemàn tiqpè shøla:tnà nø̀, àng sv̀ng lvshupma:tnò dø Yesu sv̀ng kórshìe. #Mak. 6:56 23Wekvt À:ngí nemàn pè wur zø̀:mò nø̀, mvrìng vtv́ng lap sv̀ng shøl bǿà. Àng ne sv̀ng tølí dvshaqò dá:ngí, àng mvdv̀mø Àng wur hapshì nø̀, “Nàí pà èyà:ngòe?” wa rø:tnòe. #Mak. 7:32,33; Yoh. 9:6
24Àng kang ngángshì nø̀ dvjaq sórí, “Ngàí vsv̀ngrì yv̀ngòe. Shǿngtø̀ng dø vshv́m nø̀ tvrà die,” a:lòe.
25Wekvtrá Yesuí àng vne sv̀ng wu:rí shu:pmòe. À:ngí dvjaqò nìnø, àng ne baná:mì nø̀, shvngbe shàn wa yv̀ng bǿà. 26Wekvt Yesuí àng sv̀ng, “Mvrìng rv́m sv̀ng mègòngni,” a:lò nø̀ àng chø̀m sv̀ng shvloòe. #Mak. 7:36
Piterí Kristu vchà:ngò we
27Weyv́ng kèní Yesu nø Àng coqcv́nrì nv̀ng búngá:mì nø̀, Kesaria Pilipi rvgaq rvwárì sv̀ng gòngá:mì. Tvrà ram À:ngí Àng coqcv́nrì sv̀ng, “Ngà nø kagǿ íe wa nø̀, vsv̀ngrì shø̀ne má?” wa rø:tnòe.
#
Mat. 16:13-28; Luk. 9:18-27 28Àngmaqí, “Tiqmaqí nø Tìløp Yohan íe. Vrá tiqmaqí nø Eliya íe. Dvgá tiqmaqí nø kàdvtutshúrì kèní tiqgǿ íe, wae,” a:lòe. #Mak. 6:15
29À:ngí, “Íni, nàmaqí nà? Ngà nø kagǿ íe, èwànø̀nge má?” wa rø:tnòe.
Piterí, “Nà nø Kristu èíe,” wa vtá:nòe. #Yoh. 6:67-69
30Wekvt kagǿ sv̀ng gø Àng nø Kristu í we#8:30 Àngké kà taq “Yesuí Àng dang kagǿ sv̀ng gø” wae. mvshø̀nlv́m rvt, Yesuí àngmaq sv̀ng mvgvmkaq dvká:mòe.#Mak. 9:9
Yesu shìlv́m lòng nv̀ng zunlv́m lòng dvtáò we
31Wekvt À:ngí coqcv́nrì sv̀ng, “Vsv̀ng Àngcèpè nø, dvshàlv́m mvme pv̀n tønshì rà longe. Shaqré shaqtvngrì, shvrúngshú vjìrì nv̀ng dvrá svrarìí ngá:lò nø̀ shvt bǿòe. Íwe, vshø̀m ni wa ni taq#8:31 Àngké kà taq “vshø̀m ni mèpvng” wa nø̀ vrue. zun longe,” wa shvngøt pà:ngòe. 32Yesuí yadø chaqdap shø̀n bǿà kvt, Piterí Yesu sv̀ng tiqtong kaq shø:lò nø̀ nga:nòe.
33Ínìgø, Yesu wv́l poshì nø̀ Àng coqcv́nrì sv̀ng dvjaqò sórí Piter sv̀ng, “Satané, Ngà yv́ngkèní èsarshì! Nà nø Gvray gvcvt taq mènàdǿnshì, vsv̀ng gvcvt taq wa nàdǿnshìe,” wa nga:nòe.
34Wekvt vsv̀ng loksokrì nv̀ng Àng coqcv́nrì sv̀ng goò nø̀, Yesuí, “Ngà coqcv́n wáshì mvyǿ we kagǿ gø, vdè sv̀ng ngálshì nø̀, vdè wurgang baqshì sórí Ngà mèpvng cv́n ràe. 35Pàwá wani vdè gø̀nshaq chv́ngshì mvyǿ we kagǿ gø, dvciqlvpat gø̀nshaq vmvngvme. Íwe Ngà nv̀ng Dvbùshv̀ngkà rvtnø̀ vdè gø̀nshaq vmvng we kagǿ gø, dvciqlvpat gø̀nshaq lún lú:ngòe. #Mat. 10:39 36Vsv̀ng tiqgǿ nø mònggàng køp washì lú:nò nìgø, àng gø̀nshaq vmvngvm nìnø à:ngí kapà vjú lú:nòe má? 37Vsv̀ng tiqgǿ nø àng gø̀nshaq sv̀ng kapàí chv́ngshì lú:nò má? 38Kv́mnøt màvl we, mvrà wàò we yamvril dvhø̀ø, Ngà nv̀ng Ngà kàrì sv̀ng shvraqshì we kagǿ sv̀ng gø, Vpè ngø̀rdvgùng vdòng taq, shànshér we muqlàng dvzv́rrì nv̀ng tiqdø Vsv̀ng Àngcèpè langshø̀ng dak dvgvp, wegǿ sv̀ng Ngà gø shvraqshìlv́m í longe,” a:lòe.#Mat. 10:33
Terpilih Sekarang Ini:
Marko 8: GSM
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 8
8
Vsv̀ng 4,000 shvá:mò we
Mat. 15:32-39
1Wenila taq vsv̀ng loksok lokga vrá kø̀m ráì nø̀, v́mlv́m pàgø màv́laò rvt, Yesuí coqcv́nrì sv̀ng goò dá:ngí, 2“Vsv̀ng loksok yarì kaq Ngàí mvréngòe. Àngmaq nø Ngà nv̀ng tiqdø vshø̀m ni v̀l daqshà nø̀ v́mlv́m pàgø màv́la bǿà. #Mak. 6:34-44 3Àngmaq sv̀ng màshvv́mshaq shvlongò kvtnø, tvrà ramø svrí bangvme. Kadø íe wani vrúm kèní dì ráì we gø tiqmaq vle,” a:lòe.
4Coqcv́nrìí Àng sv̀ng, “Yadø rvgaq mvgung tiqyv́ngø, vsv̀ng yadv́ngte kaq shvv́mlv́m zidòng nø kayv́ng kèní lvlú:nini?” wa vtá:nòe.
5À:ngí, “Nàmaq yv́ng zidòng kadv́ng chv̀ng vle?” wa rø:tnò kvt, àngmaqí, “Shvngøt chv̀ng vle,” a:lòe.
6Wekvt À:ngí vsv̀ng loksok sv̀ng vbatø̀mø rúnglv́m dvká:mòe. Yesuí zidòng we shvngøt chv̀ng lá:ngò sórí, Gvray kaq oqà wa dá:ngí, vmø:tnò nø̀ àngmaq sv̀ng zílv́m Àng coqcv́nrì sv̀ng tvleòe. Àngmaqí rá vsv̀ng loksok kaq túnaòe. 7Ngacè tiqgola gø àngmaq yv́ng vle. Yesu nø werì rvt Gvray kaq oqà wa dá:ngí, àngmaq sv̀ng túnalv́m dvká:mòe. 8Àngmaq vm nø̀ vgàá:mì. Vchéò rì nø, coqcv́nrìí jvng gvbà shvngøt chv̀ng taq dv̀n rvkul bǿà. 9V́m bǿì we vsv̀ngrì nø vbì kíng gǿ dv́ngte íe. À:ngí àngmaq sv̀ng shvloò dá:ngí, 10Àng coqcv́nrì nv̀ng tiqdø kùngshí taq chàng zv́ngshì nø̀, Dalmanuta rvgaq sv̀ng dìá:mì.
Mvshv́lpvrá láò vsv̀ngrì
Mat. 16:1-12
11Parisirì dì ráì nø̀, Yesu nv̀ng vzǿng pv́ngshì nø̀ Àng kaq cip lálv́m rvt, “Muqlàng#8:11 “Gvray kèní” wa gø rø daqe. kèní mvshv́lpvrámè tiqlòng dètanshà,” wa rø:tnòe. #Yoh. 6:30 12Yesu nø shaqmè vhéshì sórí, “Pàwálv́m yamvrilcèrìí nø mvshv́lpvrámè láòe má? Ngàí jø̀ngjǿng vla:tnìni, yamvrilcèrì nàmaq sv̀ng nø mvshv́lpvrámè mvzílv́m íe,” a:lòe. 13Wekvt Yesu nø àngmaq yv́ngkèní búng nø̀, kùngshí taq kupa sv̀ng léshìá:mì.
Butdvshi kàshvbóng
14Coqcv́nrìí zidòng rív́mlv́m vná dárà nø̀, kùngshí vdòngø àngmaq taq zidòng tiqchv̀ng wa vle. 15À:ngí àngmaq sv̀ng, “Parisirì butdvshi nv̀ng Herot butdvshi sv̀ng pán vshat nàyáshìnø̀ng,” a:lòe.#Luk. 12:1
16Wekvt àngmaq wa vrùng nø̀, “Nøngmaqí zidòng rív́mlv́m vná dv́rshà rvt wa pà íe,” wae.
17Welòng sv̀ng Yesuí shá bǿà nø̀, “Zidòng mèv́lanø̀ng rvt pàwá nàrùngnø̀nge má? Akvt høq nàmaqí mèdǿmnø̀ng nø̀ mècíngnø̀ng má? Nàmaq nøt shèngarshìnø̀nge má? #Mak. 6:52 18Nàmaq nø ne nàdánø̀ng nìgø mèyv̀ngnø̀ng má? Vnà nàdánø̀ng nìgø mètánø̀ng má? Ngàí wedv́ngte wv̀ng bǿngà rì mèmèsøngnø̀ng má? #Yer. 5:21; Ezk. 12:2 19Vsv̀ng pungwà kíng dvpvt zidòng pungwà chv̀ng vmøtnangò ke vché rì kadv́ng jvng dv̀n rèkulvpshà?” a:lò kvt, “Tiqcé vníjvng íe,” wa vtá:nòe.
#
Mak. 6:41-44
20À:ngí rá, “Vsv̀ng vbì kíng dvpvt zidòng shvngøt chv̀ng vmøtnangò ke, vché rì kadv́ng jvng dv̀n rèkulvpshà?” a:lò kvt, “Shvngøt jvng íe,” wa vtá:nòe. #Mak. 8:6-9
21Wekvt À:ngí àngmaq sv̀ng, “Íni, akvt høq mècíngnø̀ng má?” wa rø:tnòe.
Nemàn tiqpè dvba:nò we
22Àngmaq nø Betseda mvrìng sv̀ng tuq ráì nìnø, vsv̀ngrìí nemàn tiqpè shøla:tnà nø̀, àng sv̀ng lvshupma:tnò dø Yesu sv̀ng kórshìe. #Mak. 6:56 23Wekvt À:ngí nemàn pè wur zø̀:mò nø̀, mvrìng vtv́ng lap sv̀ng shøl bǿà. Àng ne sv̀ng tølí dvshaqò dá:ngí, àng mvdv̀mø Àng wur hapshì nø̀, “Nàí pà èyà:ngòe?” wa rø:tnòe. #Mak. 7:32,33; Yoh. 9:6
24Àng kang ngángshì nø̀ dvjaq sórí, “Ngàí vsv̀ngrì yv̀ngòe. Shǿngtø̀ng dø vshv́m nø̀ tvrà die,” a:lòe.
25Wekvtrá Yesuí àng vne sv̀ng wu:rí shu:pmòe. À:ngí dvjaqò nìnø, àng ne baná:mì nø̀, shvngbe shàn wa yv̀ng bǿà. 26Wekvt Yesuí àng sv̀ng, “Mvrìng rv́m sv̀ng mègòngni,” a:lò nø̀ àng chø̀m sv̀ng shvloòe. #Mak. 7:36
Piterí Kristu vchà:ngò we
27Weyv́ng kèní Yesu nø Àng coqcv́nrì nv̀ng búngá:mì nø̀, Kesaria Pilipi rvgaq rvwárì sv̀ng gòngá:mì. Tvrà ram À:ngí Àng coqcv́nrì sv̀ng, “Ngà nø kagǿ íe wa nø̀, vsv̀ngrì shø̀ne má?” wa rø:tnòe.
#
Mat. 16:13-28; Luk. 9:18-27 28Àngmaqí, “Tiqmaqí nø Tìløp Yohan íe. Vrá tiqmaqí nø Eliya íe. Dvgá tiqmaqí nø kàdvtutshúrì kèní tiqgǿ íe, wae,” a:lòe. #Mak. 6:15
29À:ngí, “Íni, nàmaqí nà? Ngà nø kagǿ íe, èwànø̀nge má?” wa rø:tnòe.
Piterí, “Nà nø Kristu èíe,” wa vtá:nòe. #Yoh. 6:67-69
30Wekvt kagǿ sv̀ng gø Àng nø Kristu í we#8:30 Àngké kà taq “Yesuí Àng dang kagǿ sv̀ng gø” wae. mvshø̀nlv́m rvt, Yesuí àngmaq sv̀ng mvgvmkaq dvká:mòe.#Mak. 9:9
Yesu shìlv́m lòng nv̀ng zunlv́m lòng dvtáò we
31Wekvt À:ngí coqcv́nrì sv̀ng, “Vsv̀ng Àngcèpè nø, dvshàlv́m mvme pv̀n tønshì rà longe. Shaqré shaqtvngrì, shvrúngshú vjìrì nv̀ng dvrá svrarìí ngá:lò nø̀ shvt bǿòe. Íwe, vshø̀m ni wa ni taq#8:31 Àngké kà taq “vshø̀m ni mèpvng” wa nø̀ vrue. zun longe,” wa shvngøt pà:ngòe. 32Yesuí yadø chaqdap shø̀n bǿà kvt, Piterí Yesu sv̀ng tiqtong kaq shø:lò nø̀ nga:nòe.
33Ínìgø, Yesu wv́l poshì nø̀ Àng coqcv́nrì sv̀ng dvjaqò sórí Piter sv̀ng, “Satané, Ngà yv́ngkèní èsarshì! Nà nø Gvray gvcvt taq mènàdǿnshì, vsv̀ng gvcvt taq wa nàdǿnshìe,” wa nga:nòe.
34Wekvt vsv̀ng loksokrì nv̀ng Àng coqcv́nrì sv̀ng goò nø̀, Yesuí, “Ngà coqcv́n wáshì mvyǿ we kagǿ gø, vdè sv̀ng ngálshì nø̀, vdè wurgang baqshì sórí Ngà mèpvng cv́n ràe. 35Pàwá wani vdè gø̀nshaq chv́ngshì mvyǿ we kagǿ gø, dvciqlvpat gø̀nshaq vmvngvme. Íwe Ngà nv̀ng Dvbùshv̀ngkà rvtnø̀ vdè gø̀nshaq vmvng we kagǿ gø, dvciqlvpat gø̀nshaq lún lú:ngòe. #Mat. 10:39 36Vsv̀ng tiqgǿ nø mònggàng køp washì lú:nò nìgø, àng gø̀nshaq vmvngvm nìnø à:ngí kapà vjú lú:nòe má? 37Vsv̀ng tiqgǿ nø àng gø̀nshaq sv̀ng kapàí chv́ngshì lú:nò má? 38Kv́mnøt màvl we, mvrà wàò we yamvril dvhø̀ø, Ngà nv̀ng Ngà kàrì sv̀ng shvraqshì we kagǿ sv̀ng gø, Vpè ngø̀rdvgùng vdòng taq, shànshér we muqlàng dvzv́rrì nv̀ng tiqdø Vsv̀ng Àngcèpè langshø̀ng dak dvgvp, wegǿ sv̀ng Ngà gø shvraqshìlv́m í longe,” a:lòe.#Mat. 10:33
Terpilih Sekarang Ini:
:
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.