Luka 3
3
Tìløp Yohaní tvrà dvgø̀ò we
Mat. 3:1-12; Mak. 1:1-8
1Tiberiu dàni wáshì we tiqcé pungwà nǿng taq, Yuda rvgaq nø Pontu Pilat, Galili rvgaq nø Herot, Iturea nv̀ng Trakoniti rvgaq nø Herot àngnvmpè Pilip, vrá, Abilin rvgaq nø Lisania maq móngwál øpshú wáshì dvgvp, 2Annaq nv̀ng Kayapa nø shvrúngshú vgo wáshìe. Wenila taq, rvgaq mvgungø vl we Zekaria àngcèpè Yohan yv́ng Gvray mòngkà tuq daqì. 3Yohan nø Yordan Tìwàng gùrhøm rvgaq vriqò nø̀, mvrà chutna lúnlv́m dvpvt, nøt língshì nø̀ tìløpshì rà we mvshǿl dvsha:ngòe. 4Yalòng nø kàdvtutshú Esaya kàru bok taq,
“Àng nø rvgaq mvgung yv́ngø, ‘Kàngpè dvpvt tvrà dègǿanø̀ng, Àng dvpvt tvrà mèdónganø̀ng,’
5Vkung kvroq vrv̀m dvzǿ:ngò nø̀ shìgùng nv̀ng mvrùl í dv́ngte lip bǿòe.
Tvrà mvkwiq rì sv̀ng mvdú:ngò nø̀, bvnì bvlut tvrà rì shvrá bǿòe.
6Svngpv̀n shvngbeí, Gvrayò chutchv́ng lòng sv̀ng yv́ng lún lú:ngòe,’ wa vkiqe,” #Esa. 40:3-5
wa vru yà:ngà dø bø̀ná:mì.
Yohaní mvshǿl shø̀:nò we
7Yohaní àng yv́ng tìløpshìlv́m di ráì we vsv̀ng loksokrì kaq, “Bø̀naq shvràngcèrìé, tuqlv́m wa we Gvray shv̀mná høpnøt kàngélv́m lòng kèní vtshìlv́m kagǿí dèshat bǿshà? #Mat. 23:33; Yoh. 3:36 8Nàmaq jø̀ngjǿng nøt èlíngshì bǿshà we sv̀ng bv̀nlìí dètannø̀ng. ‘Nøngmaq vkop vkàng nø Abraham íe,’ wa mèlv́nshìnø̀ngni. Ngàí vla:tnìni, Gvrayí nø Abraham dvpvt lóng yarì taqkèní àngcǿ àngcèrì dvbung ngu:tnòe. 9Wvrdi nø shǿngtø̀ngrì àngrø taq akvtni dvcínshaq íe. Àngshí shvlá mvshí we shǿngtø̀ng shvngbe kaq rǿ:mò nø̀ svmi vdòng gur bǿòe,” a:lòe.
10Vsv̀ng loksokrìí, “Ínìnø, nøngmaq kadø wáshàì ni má?” wa rø:tnòe.
11À:ngí, “Bèlaq vnídùng vdá gǿí nø màdá gǿ sv̀ng laq vwv́naò. V́mlv́m vdá gǿí gø màdá gǿ sv̀ng laq vwv́naò,” wa vtá:nòe.
12Kùyà gúnshúrì gø tìløpshìlv́m dì ráì nø̀, “Svrapèá, nøngmaq kadø wáshàì ni má?” wa rø:tnòe.
13Yohaní, “Gúnlv́m dvdushaq mvdv̀m vché dø mègúnnø̀ngni,” a:lòe.
14Cìlcèrìí gø, “Nøngmaq nà, kadø wáshàì ni má?” wa rø:tnòe.
Yohaní, “Mvhø̀ mvhut wa we mø̀íni màdvrá dø mvrà shvri weí kagǿ yv́ngkèní gø gv̀msùng mèlùv́mnø̀ngni. Nàmaqí èlúnnø̀ng we zìbè taq nøt èshø̀mnø̀ng,” a:lòe.
Yesu didaq lòng Yohaní dvtáò we
Yoh. 1:19-28
15Bashàrì nø Kristu di daq we sv̀ng vlǿmshì nø̀ caò rvt, “Yohan nø Kristu í má?” wa dvtiqshìe.
16Wervtnø̀ Yohaní àngmaq shvngbe sv̀ng, “Ngàí nø nàmaq sv̀ng tì taq løpmìe. Ngà mvdv̀m jórnònggùn te pè di daqe. Àng híshvnam svnhǿng pǿna we vshuq wáshìlv́m gø màpǿng. À:ngí nø Shànshér Pvlàcè nv̀ng svmi taq nàmaq sv̀ng èløpmvtnø̀nge. 17Àng wur taq làwøt gø̀m lá:ngò sórí, Àngò làkòn tø̀m sv̀ng langlangwa dvshèr daqòe. Zongshí nø Àng vzá taq rvdaò nø̀ àngpv́l nø maq mvdv́ngshì we svmi taq wv́r bǿòe,” a:lòe.
18Yohaní nø dvgá dø dvshat kà mvmeí bashàrì sv̀ng Dvbùshv̀ngkà dvsha:ngòe. 19Íwe móngwál øpshú Herot sv̀ng nø, àngnvmpè Pilip chø̀mmè Herodia ó shvzøngshì we nv̀ng à:ngí wà bǿà we dvgádø bv̀nlì mvgv́m rì shvngbe rvtnø̀, Yohaní ngvna:pmà. #Mat. 14:3-4; Mak. 6:17-18 20Wervt Herotní Yohan sv̀ng tung taq rú:ngò weí, àng nø mvrà werì mvdv̀m mvrà shvluqshìe.
Yesu sv̀ng tìlø:pmò we
Mat. 3:13-17; Mak. 1:9-11; Yoh. 1:29-32
21Yohaní bashàrì shvngbe sv̀ng tìløp bǿà kvt, Yesu sv̀ng gø tìlø:pmòe. Yesuí vjú rø:tnò ke, muqlàng vtáná:mì. 22Wekvt Shànshér Pvlàcè nø kaø dø í we góng mv̀rshà:mí Àng mvdv̀m lashì daqì nø̀ muqlàng kèní kà shø̀n daqì nø̀, “Nà nø Ngà shóngshø̀ng we Ngàcèpè èíe. Nà sv̀ng Ngà gvzà nøt shø̀me,” wae. #Shz. 2:7; Esa. 42:1
Yesuò dvcì gù:nò we
Mat. 1:1-17
23Yesu nø Gvray bv̀nlì wá pv́ngshì dvgvp, Àng vbat nø 30 nǿng ram íe. Vsv̀ngrìí nø Yesu sv̀ng Yosep àngcè íe lá:nòe.
Yosep nø Eli àngcè íe. #Luk. 4:22 24Eli nø Matat àngcè,
Matat nø Lewi àngcè, Lewi nø Melki àngcè,
Melki nø Yannay àngcè, Yannay nø Yosep àngcè,
25Yosep nø Matatia àngcè, Matatia nø Amos àngcè,
Amos nø Nahum àngcè, Nahum nø Esli àngcè, Esli nø Nagay àngcè,
26Nagay nø Maat àngcè, Maat nø Matatia àngcè,
Matatia nø Semein àngcè, Semein nø Yosek àngcè,
Yosek nø Yoda àngcè, 27Yoda nø Yohana àngcè,
Yohana nø Resa àngcè, Resa nø Zerubabel àngcè,
Zerubabel nø Shealtiel àngcè, Shealtiel nø Neri àngcè, #1Dg. 3:17; Ezr. 3:2; Neh. 12:1
28Neri nø Melki àngcè, Melki nø Addi àngcè,
Addi nø Kosam àngcè, Kosam nø Elamadam àngcè,
Elamadam nø Er àngcè, 29Er nø Yoshuya àngcè,
Yoshuya nø Eliezer àngcè, Eliezer nø Yorim àngcè,
Yorim nø Matat àngcè, Matat nø Lewi àngcè,
30Lewi nø Simeon àngcè, Simeon nø Yuda àngcè,
Yuda nø Yosep àngcè, Yosep nø Yonam àngcè,
Yonam nø Eliakim àngcè, 31Eliakim nø Melea àngcè,
Melea nø Menna àngcè, Menna nø Matata àngcè,
Matata nø Natan àngcè, Natan nø Dawi àngcè, #2Sm. 5:13-14
32Dawi nø Yeshi àngcè, Yeshi nø Obed àngcè,
Obed nø Boazi àngcè, Boazi nø Salmon àngcè,
Salmon nø Nashon àngcè, #Rut. 4:20-22 33Nashon nø Aminadab àngcè,
Aminadab nø Admin àngcè, Admin nø Arni àngcè,
Arni nø Hezron àngcè, Hezron nø Perezi àngcè,
Perezi nø Yuda àngcè, #Nnp. 29:35; 1Dg. 2:1-5 34Yuda nø Yaku àngcè,
Yaku nø Isak àngcè, Isak nø Abraham àngcè,
Abraham nø Tera àngcè, Tera nø Nahor àngcè, #Nnp. 21:2-3; 11:22-26; 1Dg. 1:24-27
35Nahor nø Seruk àngcè, Seruk nø Reu àngcè,
Reu nø Peleg àngcè, Peleg nø Heber àngcè,
Heber nø Shela àngcè, 36Shela nø Kaynan àngcè,
Kaynan nø Arpakshad àngcè, Arpakshad nø Shem àngcè,
Shem nø Nowa àngcè, Nowa nø Lamek àngcè, #Nnp. 4:25; 5:25-32; 11:10; 1Dg. 1:1-4
37Lamek nø Metusela àngcè, Metusela nø Enok àngcè,
Enok nø Yaret àngcè, Yaret nø Mahalalel àngcè,
Mahalalel nø Kaynan àngcè, 38Kaynan nø Enosh àngcè,
Enosh nø Shet àngcè, Shet nø Adam àngcè,
Adam nø Gvray àngcè í yà:ngì. #Nnp. 4:25; 5:1-3
Terpilih Sekarang Ini:
Luka 3: GSM
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.
