रोमी 2
2
परमेश्वरोन धोरमीन नियाव
1आखरी, हे गुणू लागाळने वावा, तू कुदुबी काहा नी होय, तू रिकामा छे; काहाकि जिनी वातोमा तू दिसरा पोर दोष लागाळे तिनी वातोमा तू खुदो काजे बी गुणावू ठेरावतलु, इनान कोरता कि तु जू गुणू लागाळलु खुद बी चो काम कोरतेलू. 2आमु काजे मालूम छे कि ओसला-ओसला काम कोरणे वावा पोर परमेश्वर भूनी गोथू खोरला दोंडन आग्या होयतेली. 3हे माणसो तु जो ओसला-ओसला काम कोरने वावा पोर गुणू लागाळतलु एने तू खुद चो काम कोरतेला छे. काय तू यो सोमजे कि तू परमेश्वरोन दोंडोन आग्यासी वाच जाय? 4काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे? 5बाकीन तू आपनी रीसोमा एने होट्टी मोनोन वोजेसी तेरा रीसोन दाहळान कोरता, जीनामा परमेश्वरोन खोरलो न्याय प्रगट होयसे, तेरेन कोरता रीस कोमाय रोयू. 6चू होर एक जोना काजे तिंदरे कामोन अनसारे बदलू देसे;. 7जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे; 8बाकीन जू विवादी छे एने खोरला काजे नि मानतेलु बाकीन अधोरमोन काजे मानतलु तीनु पोर रीस पोळसे, 9एने तोकलीत एने सोंकट होर एक माणसोन जीवो पोर जू बुरो कोरतेलू आवसे, पेहेले यहुदि पोर ओवतेन युनानीपोर;. 10बाकीन महिमा एने आदर एने कल्याण होर एक काजे जोळसे जे वारलो कोरतेला छे, पेहेले यहुदा काजे ओवतेन युनानी काजे. 11काहाकि परमेश्वर कुदान भेदभाव नि कोरतेलू.
12इनान कोरता जे बिना शास्त्रनियमोन पाप कोऱ्या, चे बिना नियम शास्त्रान नाश बी होयसे, एने जे नियम शास्त्र काजे लीन बी पाप कोऱ्या, तिंदरू दोंड नियमोन अनसारे होयसे. 13काहाकि परमेश्वरोनचा नियम काजे सोमोवनेवावा धोरमी नि होय बाकीन वचनोन अनसारे चालने वावा धोरमी ठेरायसे से. 14ओवतेन जेतार दिसरा जातीन माणसे जिंदरे जू नियम शास्त्र नि होय, तिंदरा स्वभाव सी नियम शास्त्रान वातो पोर चालतला, ती नियम शास्त्र तिंदरे जुव नि होयनेन वोजेह बी चे तिंदरेन कोरता खुद नियम शास्त्र होता. 15चा नियमोन वाते आपना-आपना मोनोमा लिखलो देखाळे एने तिंदरा विवेकोण बी गोवायी आपे एने तिंदरी चिंता तीनुक गुणू लागाळे नीती निरदोष ठेरावे. 16जीने दाहळे परमेश्वर मारा वारली खोबरोन अनसारे येसु मसिहन लारे माणसोन डूकायला वातोन नियाव कोरसे.
यहुदि एने नियम
17अगर तू खुद काजे यहुदि कोये, नियम शास्त्र पोर भुरसू कोरे, परमेश्वरमा घमंड कोरे. 18एने तेरी मोर्जी जानतू एने नियमोन शिक्षा लीन वारला वातो काजे वारू जानतलु छे. 19एने आमरेपोर भुरसू मेके कि मे आंदवान अगवू एने आंदारलामा पोळला वाटू विजावो, 20एने बिन बुद्धी वावाक भोनावनेवावु, एने पुऱ्याक सिकाळन्यू छे. एने ग्यान एने खोरलायीन नमुनु, जो नियमोमा छे मेसेक जुळलो छे. नी अविस्वासी होईन परमेश्वरोन वायदा पोर शंका कोऱ्यु. 21आखरी काय तू जू दिसराक भोनावे, तू खुदो काजे नि भोनावे? काय तू जू चुरी नि कोरणेन प्रचार कोरे? 22तू जो कोये “भुंडला विचार घन कोरे,” काय तू खुद भुंडलो काम कोरे? तू जू मूर्तीसी रीस कोरे, काय तू खुद मंदीर काजे लुटे. 23तू जू वचनोन. बारामा मे घमंड कोरतेला छे, काय नियम नि मानीन परमेश्वरोन अपमान कोरतेला? 24“काहाकि तुमरे वजहेसी दिसरा जातीमा परमेश्वरोन नाव बोदनाम होयतो होतो,” जोसो लिखलो बी छे.
खतना फायदु नि होयनो
25अगर तू नियम शास्त्र पोर नि चाले ती सुंतामा फायदु ते से, बाकीन अगर तू नियम शास्त्र काजे नि माने ती तारो सुंता, नि सुंता वावा सारखु गीनायसे. (यिर्म. 4: 4) 26ती अगर सुंता वावा माणसे नियमोन विधी काजे मानतु रोये ती काय तेरा बिना सुंतान हाल काय सुंता वावान सारकी गीनायसे. 27एने जू माणूस डीलोन रूपमा बिना सुंता रोयू अगर चू नियम काजे पुरो कोरे, ती काय तुसेक जो लिखलो लेने एने सुंता कोरायने पोर बी नियम काजे मानतला नि, गुणावा गीनायसू 28काहाकि चे यहुदि नि जा निसता बारथेला रुपमा यहुदि एने नि चू सुंता छे जू सामने बी छे एने डीलमा बी छे. 29बाकीन यहुदि चा छे, जा डीलमा छे, एने सुंता छे, जो मोनोन एने आत्मामा छे, नि ते लेखोन, असो कि बोडाय माणसोनचा गोथा नि, बाकीन परमेश्वरोनचा छे.
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.