मरकुस 13
13
देऊरे रे बिनाशा री भविष्यवाणी
(मत्ती 24.1-2; लूका 21.5-6)
1जेबा यीशु देहुरे का निखल़ी करे नाहंदअ लागअ थी, तेबा तेऊरे एकी चेले में का बोलू, हे गुरु, भाल़अ, केहडे बड़े पाथर होर कैहडे बड़े घर साहा। 2यीशु तेउ वै बोलू, कैह तमे याह बड़ी-बड़ी कोठी भालदे अखे एक पाथर भी नांई रहणे सभे ढुल़णे।
मूशिकला होर दुःख
(मत्ती 24.3-14; लूका 2.17-19)
3जेबा सह जैतूना रे पहाड़ा पैंदे देहुरे रै सामने बैठअद थी, तेबा पतरस होर याकूब होर यूहन्ना होर अन्द्रियास तेऊ सेटा वै नाशी करे तेऊका पुछु, 4हामा वै खोज यह केव्रे हुणा? होर जेबरे या सारी गला हुणी तेतका कैह चिन्हा हुणा? 5यीशु त्याह वै बोलदअ लागअ, ब्याते रआ कि तमा कोही नांई लोड़ी ठगी। 6बोऊ मेरे ना का ईछी करे बोलणाा, हाऊं सह साहा होर मेरा ना का बोऊ ठगणे। 7जेबरे तमे झगड़णे होर लड़ने री गला शुणले, तेबा तमे नांई डरे, किबेकी याह गला रा हुणा जरूरी साहा, पर तेवरे भी अंत नांई हुणा। 8किबेकी जाति पैंदे जाति होर राज्य पैंदे राज्य लड़ाई करणी। बोऊ ज़ागा ज़ाज़री हुणी, होर रुड पड़णी। यह दुखा कष्टा री शुरुआत साहा।
9पर तमे आपणे बारे में ब्याते रहा; किबेकी ठींगा तमे महासभा में खड़े करणे होर तमे प्रार्थना घरा में चिकणे। होर तमा मेरी बज़ह का साहवा होर राजे सेटा वै निणे, तखे तमा मेरे गुआही हुणे। 10पर जरूरी साहा कि पहिले सुसमाचार सभी जाति नेणे लोडी खोजू परमेश्वरा रअ वचन। 11जेबा त्याह तमा नी करे त्याह साहबा सेटा वे नीले, तेबा तमे नांई डरे की हामा कैह बोल़णा; जोह तमावै तेबरे बोलणा तेता बोले किबेकी बोल़ण आल़ए तमे नांई हुणे पर पवित्र आत्मा हुणी।
12भाई रअ भाई होर बापू रअ शोहरू दुशमण हुणअ, होर शोहरू आपणे आमा बापू रे बइरी होई करे त्याह मारी पाउणे, 13होर मेरे ना री बज़हा संघे तमे सभी ठीगा रे बईरी हुणे पर जोह लास्ट तणी बूशाह मे रहलअ, तेऊ रा उद्धार हूँणा।
काल़ होर बखे माुश्किला
(मत्ती 24.15-28; लूका 20.28)
14जेवा तमे तेसा खत्म करण आली बुरी चीजा जासू देहुरे सह नांई लोडी तेबा तखे हेरे। तेबा जोह यहूदी में साहा त्याह जोता बे ठुरे; 15जूणा छापरे होले त्याह आपणे घरा री च़ीज़ा आणदे नांई नाहे होर नांई घरा मीतर नाहे; 16होर जोह खेचे होले त्याह आपणे झिकड़े आणदे पीछे नांई फिरे 17त्याह धयाडी जोह सुईन्दिी बेटड़ी होर जोह शोहरू बे दुधा पिलाउदी होली त्याह पैंदे हाय त्या बखे माुश्किल हुणी! 18होर प्रार्थना करदे रहा कि ठानडे धयाडे नांई लोड़ी होऊ। 19किबेकी त्याह धियाडे ऐडा दुखा रे हुणे की जोह धरती रे पहिले का जोह परमेश्वरे बणाई दी ऐबर तणी जोह नांई होई होर कधी नांई हुणे। 20जेबा परमेश्वर त्याहा धयाडी थोड़ी नांई करलअ तेबा एक भी मणशा रा प्राण नांई बचणअ। पर त्याह चुनीदे री बजहा का तेऊ थोड़ी धयाडी घटाऊणी। 21त्याह धयाडी तमावै कुछ बोले, हेरा मसीह अखे साहा! यह हेरा तखे साहा तेबा तमे त्याह री गला रा बुशाह नांई करे 22किबेकी झूठे मसीह होर झूठे भविष्यवक्ता खड़े हुणे होर बड़े-बड़े अदभुत चिन्ह रिहाऊणे, ज़ेबा होई सके तो चुनीदे लोका भी ठगणे 23पर तमे ब्याते रहे किबेकी माए तमावै सारी गला पहिले खोजी।
मणशा रे शोहरू रा भिआका जिउणा
(मत्ती 24.29-31; लूका 21.25-28)
24त्याह धयाडी तेऊ दुखा बाद धयाडी निहारा हुणा। ज़ोथा प्रियाषा नांई दिणा, 25होर सरगा का तारे पडणे शुरू हुणे होर सरगा री सामर्थ्य शक्ति हिलाउणी। 26तेबा मणशा रअ शोहरू बड़ी सामर्थ्य होर महिमा संघे बादला में इच्छदअ हेरणअ। 27त्या धयाडी तेऊ आपणे दूत भेजी करे धरती रे एकी कुणे का होर सरगा रे दूजे कुणे तणी चोहू दिशा मेजा का आपणे चुनीदे लोका आपु सेटा वे कठे करणे।
अन्जिरा रे बूटे का सिखा
(मत्ती 24.32-35; लूका 21.29-33)
28अंजीरा रे बूटे का यह दृष्टान्त सिखा कि जेबा तेता मेंजे नऊई डाली होर शाणी होर पाच़ निखदे लागा, तेबा तमे जाणा की गर्मी रे धयाडे नेड आउये। 29एई साबे तमे जेबा या गला हुन्दी हेरले, तेबा जाणे की सह वक्त नेड साहा मतलब दुआरा सेटा साहा 30हाऊं तमा का सच बोला की जेबरे तणी या सभे गला नांई होली तेवरे तणी या लोका नाहदे नांई रहणे 31सरग होर धरती बदलणी पर मेरी गला कधी नांई बदलणी।
ब्याते रहा
(मत्ती 24.36-44)
32तेसा धियाड़ी तेऊ वक्ता रे बारे में कोहे नांई जाणदे नाह स्वर्गा रे दूत होर नांई शोहरू पर एक बापू जाणा 33हेरा ज़ागदे रहा होर प्रार्थना करदे रहा किबेकि तमे नांई जाणदे की सह धिहाड़ केबरे इहणी 34यह तेऊ मणशा री दशा साही साहा जूणी आपणे घर छाडी करे प्रदेशा बे नाहंदे वक्ते आपणे नोकरा वे सारा अधिकार दे होर सभी बे त्याह रा काम खोजे होर चौकीदारा वै ब्याते रहणे री आज्ञा दे।
35एतकी तणी ज़ागदे रहा, कि तमे नांई ज़ाणदे कि घरा रअ मालक केबरे इहण ब्याल्के या आधी राची या जेबरे मुर्ग बाशण या दोतके फेरे। 36एडा ना हो की सह एकदम इच्छी करे तमा सुतदे हेरे 37होर जोह हाऊ तमा का बोला, सह सभी वै बोला ब्याते रहा!
Terpilih Sekarang Ini:
मरकुस 13: ISJNT
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
