लूका 19
19
चुगी माँगणा आलअ जकई
1तेबा यीशु यरीहो होई करे नाहनद लगदअ थी, 2तखे एक जक्कई ना रअ एक मणश थी, सह चुगी लउण आले रअ सरदार थी। 3सह यीशु हेरना चाहन्दा थी, पर भीडा हुणे री बजा कअ सह यीशु नांई हेरी सकतअ थी, किबेकि सह होच्छ थी, 4तेबा सह यीशु हेरने री तणी गुलरा रे बूटे डाले चडू, किबेकि यीशु तेसी बाता हीण आलअ थी। 5जेबा यीशु तेसा जागाह पूजअ, तेबा यीशुये उझे हेरी करे बोलू, हे जक्कई बूटे का उदे निखल किबेकि आज महा तेरे घरा वै नाहणा जरूरी साहा। 6सह तेवरी खुशी संघे यीशु संघे आपणे घरा वै नाठअ। 7एता हेरी करे होरा लोका छुपे-छुपे आपु मै बोलदे लागे सह एकी पापी मन्शा रे घरा बे चालू। 8जक्कईये खडे होई करे बोलू, हे परमेश्वरा हेर हाऊं आपणी आधी कामई कंगला वै दिन्दा, होर ज़ासरे माईए बुरे करी करे कठे करूदा साहा तेऊ हाऊं चार गुणा बापिस करा 9तेबा यीशुये बोलू, आज एउ घरे उद्धार आउआ, किबेकि यह भी अब्राहम रअ एक शोहरू साहा। 10किबेकि मणशा रअ शोहरू गोझीदे बचाउंद आउअ साहा।
दस मोहरा री दृष्टान्त
(मत्ती 25.14-30)
11जेवा त्याहे याह गला शुणदे लागे, तेबा यीशु ये एक दृष्टान्त खोजू तेबा, किबेकि सह यरूशलेम सेटा थी, होर त्याह समझदा थी, की परमेश्वरा राज्य एवा ईहंणे आला साहा। 12तेऊकी यीशुये बोलू एक सेठ मणश दुरा देशा वै नाठअ की सह राजा बणी करे ईछे। 13तेऊ आपणे नोकर शादी करे त्याह वै दस मोहरा दीनी होर त्याहा वै बोलू मेरे ईहंणे तक एतका लेन देन करे। 14पर तखले नगरा रे रहण आले तेऊ संघे वैर डाहदा थी, होर तेऊ पीछे फयाडा भेजू की हामे नांई चाहन्दा की हांमा पैंदे कोई राज करे। 15जेबा सह राजा बणी करे आओ, तेबा एडा होऊ की तेऊए त्याह आपणे नोकर शादी जासुवै तेऊए मोहरा दीनी दी थी, की तेऊ पता चले की त्याहे मोहरा रा केह करू 16तेबा पहिले नोकरे ईछी करे बोलू, हे मालका माय तेरी मोहरा का दस मोहरा होर खटी। 17तेऊये तेऊवै बोलू, हे नोकरा तूह बहू होच्छी गला में बुशाह लायक निकदअ एबा तूह दसा नगरा रअ राजा बणअ 18तेऊकी दूजे नोकरे ईछि करे बोलू, हे मालका माय तेरी मोहरा कअ पांज मोहरा होर खटी। 19मालके तेऊ बे बोलू तूह पांजा नगरा रअ राजा बण। 20तेऊकी एक होर नोकर आओ, तेऊये बोलू, हे मालका तेरी मोहर यह आसा जोह माये अंगोछे में बनधी डाही दी साहा। 21किबेकि हाऊं ताकअ डरा, किबेकि तूह कठोर दिला रअ साहा, जोह ताए नांई डाहुदा तेऊ तूह निंदा होर जोह ताए नांई बउदा साहा तेऊ तूह काटा। 22तेऊये तेऊवै बोलू, हे दुष्ट नोकरा, हाँउ तेरी ही गला का हाऊं ताह दोषी ठहराउदा, तूह महा जाणा, कि हाऊं कठोर मणश साहा, जोह माये नांई ढाऊ तेऊ हाऊं निन्दा, जोह माये नांई बउ तेऊ हाऊं काटा 23तेबा ताए मेरअ रपई ब्याजा पैंदे किवै नांई ढाहु, जेबरे हाऊं बापिस हीलह तेवरे बयाजे संघे बापिस देलअ 24तेऊये त्याहक बोलू जोह तखे खडे थी, एउका मोहरा ओरी मागा होर जासु सेटा दस महोरा साहा तेऊवै एक महोर होर देया। 25त्याहये तेऊवै बोलू मालका एउ सेटा पहिले कअ दस मोहरा साहा। 26हाऊं तमावै बोला की, जासु सेटा साहा, तेऊबै होर दीणा, होर, जासु सेटा नांई आंदा तेऊका सह भी नीणा जोह तेऊ सेटा साहा। 27पर मेरे जोह शत्रु साहा त्याह नांई चाहन्दा की हाऊं त्याह पैंदे राज करू त्याह अखे आणा होर मेरे सामने घात करा।
यरूशलेमा बे जीती करे नाहणा
(मत्ती 21.1-11; मरकुस 11.1-11; यूहन्ना 12.12-19)
28याह गला बोली करे सह जेह-जेह यरूशलेमा वै हानडद लागअ 29जेबा सह जैतूना रे पहाडा बैतफगे होर बैतनिय्याह सेटा पुज़अ, तेबा तेऊ आपणे चेले में का दुई चेले एता बोली करे भेजी की 30होर बोलू, सामने रे गराएँ नाहा, तखे नाहंदे ही तमा एक गाधी रअ बच्च भेटण जासू पैंदे कोहे नांई वैठद हुणअ। तमा बानुद भेटण। तेऊ खोली आणा। 31अगर तमे कअ कोई पूछे कि तमा एउ किवै खोल्दा, तेबा एडा बोले कि परमेश्वरा एउरा काम साहा। 32जोह भेजीदे थी, त्याहे नाशी करे जेड़ा यीशु बोलूदा थी, तेबा त्या तेडा ही भेटा। 33जेबा त्याह गाधे रअ शोहरू खोलदे ही लागे थी, तेबा तेऊरे मालके त्याहक पुछु, यह किबे खोलण लाउ? 34त्याहे बोलू, प्रभु एउरा काम साहा। 35त्याहे सह यीशु सेटा वै आंणू होर आपणे झिकड़े तेऊ गाधी रे शोहरू पैंदे पाई करे तेऊ पैंदे यीशु बशयागू। 36जेबा सह नाह्न्द लागअ, तेबा त्याहे झिकड़े वाता छयाऊदे लागे। 37होर नेड इच्छी करे जेबा सह जैतूनतु पहाडा रे ढलाना में पूजअ, तेबा सारे चेले तेऊरे सामर्थ्य रे काम जोह तेऊ करी दे थी, खुश होई करे जोरे-जोरे परमेश्वरा री स्तुति करदे लागे। 38धन्य साहा सह राजा जोह प्रभु रे ना कअ इछे। स्वर्ग शांति होर सरगा में महिमा हो। 39तेबा भिड़ा मेजा कअ एखा फरीसी बोलदे लागे, हे गुरु आपणे चेले बोल डांट। 40तेऊये उतर दिना, हाऊं तमावै बोला अगर याह चुप रही तेबा पत्थरा बोलणा।
यरूशलेमा में दुःख
41जेबा सह नेड आउअ तेबा नगरा भाली करे लेरु। 42होर बोलू, कैह रामबडा होला, कि तुह ही तुह, एसा धियाड़ी कुशल गल्ला जांणा, पर एवा त्याह तेरी आछी में गोजी। 43किबेकि त्याह धियाड़ी ताह पैंदे इहंणी तेरे शत्रु ताह घेरे, होर चहू तरफ कअ तुह घेरनअ, होर चहू तरफा कअ तुह दवाऊणअ, 44होर ताह होर तेरे शोहरू जोह ताह मेजा साहा माटे में मिलणे होर ताहवै पाथर भी नांई छुटण, किवकी ताई सह गल्ल तेऊ वक्ते नांई समझी तेवरे ताह पैंदे परमेश्वरा री कृपा होई, ताई नांई पछेणी।
देऊरे का व्यपारी काहडने
(मत्ती 21.12-17; मरकुस 11.15-19; यूहन्ना 2.13-22)
45तेबा सह देहुरे नाशी करे त्याह बेचण आले बागे काहडद लागअ, 46होर तेऊ बोलू लिखुदा साहा, परमेश्वरा रअ घर प्रार्थना रअ घरअ हूणअ, पर तमे यह डाकू री खोह बणाऊ दअ आसा। 47सह रोज देहुरे उपदेशा दिंद, होर प्रधान याजक होर शास्त्री होर लोका तेऊ ढाकणे रे मोके लोडदे लागदे थी, 48पर किछे वजह नांई काहडी सके कि एउ केई साबे ढाके किबेकि सभे लोका तेऊरी शुणा थी।
Terpilih Sekarang Ini:
लूका 19: ISJNT
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
