लूका 14
14
फरीसी रे घरे यीशु
1तेबा सह सब्ता री धियाड़ी फरीसी रे सरदारा में का एकी रे घरे रोटी खांदअ नाठअ होर त्या तेऊरी घाता में थी। 2होर हेरा, एक मणश तेऊ सामने थी, जासू जलोदरा री बीमरी थी। 3एता वै यीशु ये व्यवस्थापक होर फरीसी वै बोलू केह सब्ता री धियाड़ी कानूना रे सावे राम्बड़ा करना ठीक सहा कि नांई? पर त्याह चुप-चप रही। 4तेबा यीशु ये तेऊवै हाथ लाऊ होर सह चांगअ करू होर तखा कअ नाहणे दीना। 5होर त्याह कअ बोलू, तमामें एढअ कुंणहं साहा, ज़ासरे गायी या बलदअ कुंए भीतर पडलअ होर सब्ता री धियाड़ी तेऊ बागे नांई काडहले। 6होर त्याह ऐसा गला रे उतर दीणे लायक कोहे नांई थी।
नम्रता होर पराऊणे रा स्वागत करना
7जेबा तेऊ हेरु, कि छांदे आले लोका मुख्य-मुख्य जागा चुन्दे लागे तेबा त्याहे लोका वै एक दृष्टान्त देइ करे बोलदअ लागअ। 8जेबा कोई तअ ब्याहा वै शादे तेबा तूह मुख्य जागाह में नांई वैशे कंही एडा नांई हो कि तेऊ ताहका भी बड़े वै छादंअ लाऊद हो, 9होर जासु तावै होर होरी वै छादंअ लाऊ, ईछी करे तावै बोले कि ऐसा जागा एऊ वैषणे दे, तेबा शार्मी करे ताह सभी का पिछली जागा वैषणा पडे। 10पर जेबरे ताह शादे, तेबा तूह नाशी करे सभी का पिछली जागा वेशे, कि जेबरे सह जासू ताहबे छादंअ लाऊदअ तेबा बोला कि हे दोस्त जेह वैशे, तेबा तेरे सामने वैशण आले संघे तेरी बड़ाई हुणी। 11किबेकि जोह कोई आपणे आपू वै बडअ बणलअ, सह होच्छअ हुण होर जोह आपणे आपू वै होच्छअ मनलअ सह बडअ हुणअ। 12तेबा तेऊ आपणे छादे दीण आले वै बोलू जेबरे तूह धियाड़ी या राची रा धाम करलअ, तेबा तूह आपणे दोस्ता, होर भाई, टबरा यह पडोसी नांई शादे कंही एडा नाई हो कि त्याह भी छांदअ देई तेरा बदला होए। 13पर जेबरे तूह भोज देलअ तेबरे, तूह कंगाला, टुंडे, लेगड़े होर काणे शादे। 14तेबा तूह धन्य हुणा, किबेकि त्याह जेह दीणे वै किछे नांई हूंणा पर धर्मियों रे पुनरुत्थाना पैंदे ऐतका प्रति फल भेटणा।
बड़े धामा रा दृष्टान्त
(मत्ती 22.1-10)
15तेऊ संघे रोटी खाणे आले मैंजा कअ एकीए यह गल शूणी होर बोलू धन्य सा त्याह, जोह परमेश्वरा रे राज्य मैंजा कअ रोटी खालअ। 16यीशु तेऊकी दृष्टान्ता; मे तेऊबे बोलू एकी मणशे एक भोज करू होर बहू लोका शदाई। 17जेबरे रोटी त्यार होई, तेबा तेऊ आपणे नौकरा वै बोलू कि सभी छादे आले पराऊणे बोला रोटी त्यार साहा। 18पर त्याह सभे माफी मागदे लागे, पहिले मणशे बोलू, मांई खेच लाउदअ होर यह जरूरी साह कि हाऊं पहिले तेऊ भालऊ, हाऊं ताका बिनती करा, की महा माफ कर। 19दूजे बोलू, माई पांज जोड़ी बलद लई दे होर त्या हाऊं त्याह परेखदअ चालूदअ, हाऊं बिनती करा महा माफ कर। 20एकी होरी बोलू, माई ब्याहा करूदा तेबा हाऊं नांई इच्ही सकदअ। 21तेऊ नोकरे सारी गला आपणे मालका वै खोजी तेबा घरा रे मालके गुस्से मे बोलू, बाजारा वै नाह, होर सारी गली मे कंगला, लेगड़े, टुंडे, होर काणे शाद। 22तेबा तेऊरे नोकरे बोलू, हे मालका जेड़ा ताई बोलू माई तेडा करू, पर जागा मची भी खाली साहा। 23मालके नोकरा वै बोलू, सडका वै नाह होर सभी लोका जोह कोही शाद, की मेरे घरा री दिबारा भरी होए। 24किबेकि हाऊं तमावै बोलदा, जासू वै माई छांदअ लाऊदअ त्याहवै एकी वै भी खाणा नांई दीणा।
चेले बडने रा मूल्य
(मत्ती 10.37,38)
25होर जेबा बड़ी भीड़ तेऊ संघे ईन्दी लागी, तेबा तेऊ त्याह वै पीछे फिरी करे बोलू। 26जेबा कोई महा सेटा इहणे आले होर आपणे आमा होर बापू होर लाडी होर शोहरू, भाई बहीण होर आपणे प्राणे संघा बैर नांई करे तेबा सह मेरअ चेलअ नांई होई सकदअ। 27होर जोह कोई आपणे क्रुसा नांई चकलअ होर महा पीछे नांई इहलअ, सह, मेरअ चेलअ नांई होई सकदअ। 28तमामें कूण साहा एडअ कि मीनार बनाऊणा चाहदा होर पहिले वैशी करे खरचा नांई ज़ोड़दअ, कि तेऊ पुरा करने री हिम्मत सहा कि नांई। 29कंही एडा नांई हो कि सह कुणे रअ पाथर त्यार होई करे काम पूरा लायक नांई होई सका, तेबा सवै हेरन आले यह हेरी करी तेतका ठठा करदे लागणे। 30कि यह मणश बनाऊंदअ तअ लागअ पर त्यार नांई करी सका। 31यह एढअ कूण राजा साहा, कि जोह दूजे राजा संघे लड़ाई करदअ नाठअ होर पहिले वैशी करे यह नांई सोचु कि जो महा पैंदे बीह हज़ार सैनिक संघे तेऊरा मुकावला करी सका कि नांई? 32नांई ताह सह पहिले ही आपणे दूता भेजी करे बिनती करी करे मिलाप करना चाहन्दा। 33एडी तरहा तमा मेजा का जोह कोई आपणा सब कुछ-छाडी दे। तेबा सह मेरअ चेलअ नांई होई सकदअ।
लूणा रा सुआद बिगड़ना
(मत्ती 5.13; मरकुस 9.50)
34लूण राबडा साहा, पर जेबा लूणा रा सुआद बिगडू तेबा सह कासु चीजा संघे लूणा करणा। 35सह ना धरती रे होर ना सह खादी रे कामा इंदा; तेबा लोका तेऊ बागे फेका जासके कणेट हो त्या शुणा।
Terpilih Sekarang Ini:
लूका 14: ISJNT
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
