मरकुस 16
16
यीशु को जी उठण
(मत्ती 28:1-8; लूका 24:1-12; यूहन्ना 20:1-10)
1हैंका दिन शाम बगत जब यहूदियों का विश्राम का दिन जु परमेश्वर कु पवित्र दिन च अर जु त्योहार कु दिन छो बीति गै त मरियम जु मगदल गौं की छै अर याकूब कि ब्वे मरियम अर सलोमी यूं सभियूं ल खुशबूदार तेल मोल लींनि अर यहूदियों की रीति का अनुसार कि ऐ के यीशु कि लांश पर लगौन। 2इतवार का दिन सुबेर हूंण से पैली यु जनन कब्र पर ऐनी। 3अर आपस मा बुल्णी छै कि “हम कु कब्र का द्वार पर कु ढुंगो कु जि लमडालो” 4पर जब ऊंल देखि कि कब्र पर बड़ो ढुंगो पैली ही एक तरपां हटियूं च अर यु ढुंगो भौत बड़ो छो। 5पर जब उ कब्र पर पौछिनी अर भितर जै कै ऊं तैं एक जवान आदिम चमकदार सफेद कपड़ोंं मा दैंणि तरपां बैठयूं देखि त तब उ भैचक मा पोड़ि गैनी। 6वे जवान आदिम ल ऊंकु बोलि, “भैचक मा नि पोड़ा तुम यीशु नासरी जै तैं सूली पर चढ़ै गै छो ढुंडणा छा उ ज्यूँदो हवे गै उ इख नि च या व जगा च जख वे तैं रखे गै छो।” 7पर अब तुम जावा अर पतरस मा अर अन्य चेलों मा बोला, कि यीशु ज्यून्दो हवे गै अर उ तुम से पैली गलील जिला म चलि जांण जन वेल तुम मा अपड़ा मुरण से पैली बोलि छो तुम ल उ उखि दिखण। 8अर उ जनन यीशु की कब्र बट्टी भाजि गैनी किलैकि डौर के उ कौंपणी छै अर ऊं पर घबराट छै गै ऊंल रस्ता मा पतरस तैं और कै तैं भि कुछ नि बतै किलैकि उ डरणी छै।
मरियम मगदलीनी को यीशु तैं दिखण
(मत्ती 28:9,10; यूहन्ना 20:11-18)
9इतवार का दिन सुबेर ले के यीशु ज्यूँदो हवे सबसे पैली मरियम जु मगदल गौं की छै ल वे तैं देखि जैं बट्टी यीशु ल पैली सात दुष्टात्मा निकाली छै। 10मरियम ल उख बट्टी जै के यीशु का चेलों तैं जु शोक मा डुबयां छा अर रूंणा बिब्याणा छा या खुशखबरी दींनि। 11पर जब चेलों ल यु सूंणि कि यीशु ज्यूँदो हवे गै अर मरियम मगदलनी ल वे तैं देखि त ऊंल वीं को विश्वास नि कैरी।
द्वी चेलों तैं यीशु दिखै
(लूका 24:13-35)
12यांका बाद यीशु अपड़ा द्वी चेलों तैं जु की यरूशलेम का इनै-उनै की जगह अपड़ा घौर जांणा छा दिखै पर उ वे तैं पैछाणी नि सकिनि। 13जब ऊंल यीशु तैं पैछाणी तब उ द्वी चेला यरूशलेम मा वापिस गैनी अर हौरु तैं यु रैबार दींनि की क्य-क्य हवे पर ऊंकी बातों कु यकीन भि कैल नि कैरी।
ग्यारहों तैं यीशु दिखै
(मत्ती 28:16-20; लूका 24:36-49; यूहन्ना 20:19-23; प्रेरितों 1:6-8)
14बाद मा यीशु अपड़ा ग्यारा चेलों तैं भि दिखै जब उ खांणु खांणा छा यीशु ल ऊंका मन कि निठुरता पर ऊं तैं खिजे कि किलैकि ऊंल वेका ज्यूंदा हूंण पर वे तैं देखि छो पर भरोंसू नि कैरी। 15तब यीशु ल ऊंकु बोलि, “तुम सैरा दुनिया मा हर जगह जै कै सभि रांण वलो तैं शुभ सन्देश कु प्रचार कैरा।” 16जु कुई मि पर विश्वास कैरो वेको चिन्ह च की उ बपतिस्मा ल्यो अर परमेश्वर का द्वारा मि वे तैं पापों का मिलण वला दंड से उद्धार अर वेको जु विश्वास नि करुलु वे तैं परमेश्वर दंड दयालो। 17अर मि पर विश्वास कन वलो मा यु चमत्कार का काम का चिन्ह होला उ मेरा नौं से दुष्टात्मा तैं निकलला अर मि ऊं तैं नई-नई बोलि भाषा बुलौलु। 18जु उ जहरीला गुरो तैं उठै द्याला त गुरो भि ऊं तैं नुकसान नि पौछांला अर उ जु कुई जहरीली चीज भि प्ये द्याला तब भि ऊंकु कुई भि नुकसान नि होलो उ बिमारों पर हथ रखि के परमेश्वर बट्टी प्रार्थना करला अर उ खूब हवे जाला।
यीशु कु स्वर्गारोहण
(लूका 24:50-53; प्रेरितों 1:9-11)
19जब प्रभु यीशु ल चेलों कु यु बात बुलिनि तब वेका बाद स्वर्ग मा उठै गै अर परमेश्वर कि दैंणि तरपां बैठी गये। 20तब यीशु ल चेलों तैं हरेक जगह प्रचार कनै की खुशखबरी द्ये अर प्रभु ऊंका दगड़ा काम कनु रै उ सामर्थ का काम द्वारा जु दगड़ा-दगड़ा हूंद छा अर प्रभु की सामर्थ चमत्कार दिखांणु रै अर वचन की सचै तैं मजबूत कनु रै, आमीन।
Terpilih Sekarang Ini:
मरकुस 16: GHMNT
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
