लूका 3
3
यूहन्ना बपतिस्मा दींणवलों को सन्देश
(मत्ती 3:1-12; मरक 1:1-8; यूहन्ना 1:19-28)
1रोमी सम्राट तिबिरियुस कैसर का राज्य का पंद्रवां बरस मा जब पुन्तियुस पिलातुस यहूदिया प्रान्त को राज्यपाल छो, अर गलील जिला मा राजा हेरोदेस इतुरैया, अर त्रखोनीतिस मा वेको भैय फिलिप्पुस राजा हेरोदेस इतुरैया अर त्रखोनीतिस का क्षेत्रों पर शासन कनु छो अर लिसानियास अबिलेने का क्षेत्र मा राज्य कनु छो जब हेरोदेस गलील जिला पर राज्य कनु छो। 2अर जब हन्ना अर कैफा महायाजक छा वे बगत मा परमेश्वर कु वचन एकांत जंगल मा जकर्याह का नौंना यूहन्ना मा पौंछि। 3अर उ यरदन गाड का अमणी-संमणी का सभि देशों मा ऐ के पापों तैं माफ कनु को बपतिस्मा कु प्रचार करदो छो। 4जन यशायाह परमेश्वर का तरपां बट्टी बुल्ण वला का बुल्यां वचनों कि किताब मा लिख्युं च
कि एकांत जंगल मा एक पुकारण वला कु शब्द हूंणु च कि
प्रभु का बट्टा तैं तैयार कैरा वेकी सड़कों तैं सीधि बंणा।
5हरेक घाटि भुरे जालि अर हरेक
डांडा अर टीला नीचा करे जाला
अर जु टेढ़ो बंगु च उ सीधो करे जालो अर जु उंचु निसु च
उ सीधो बाटु बंणि जालो।
6उ जै तैं परमेश्वर ल अर सब लुखुं ल देखि, जै तैं परमेश्वर ल ऊं तैं उद्धार कु भिज्युं च।#3:6 यशा. 40:3-5
7जब भीड़ का भीड़ वेमा बपतिस्मा लींणु कु निकली के औंदि छै उ ऊंमा बुल्द छो कि “हे गुरो का बच्चों” तुम तैं कैल जतै कि औंण वला गुस्सा से भागा। 8इलै मन फिराव का योग्य काम कैरा। अर अपड़ा-अपड़ा मन म यु नि सोचा कि हमारो बुबा अब्राहम च, इलै मि तुम बट्टी बुल्णु छौं कि परमेश्वर यूं ढुंगो बट्टी अब्राहम कु सन्तान पैदा कैरी सकद। 9परमेश्वर हर कैकु न्याय कनु कु तैयार च जु पश्चाताप नि करद ठिक उन ही अब कुल्हड़ो डाला का जौड़ा पर रख्युं च इलै जु-जु डालो अच्छो फल नि लौंदु उ कटे जालो इलै हर एक आदिम जु वे डाला का जन च जु अच्छो फल नि लौंदु उ परमेश्वर का द्वारा भंगारी ठैरे जालो अर आग मा फिकें जालो। 10अर लुखुं ल वेमा पूछि, “त हम ल परमेश्वर की सजा से बचणु कु की कन” 11वेल ऊं तैं जवाब दींनि कि “जै मा द्वी कुर्ता छिन? उ एक तैं दे जै मा एक भि नि च, उ बांटि द्यो अर जै मा खांणु नि च उ भि इन ही कैर।” 12अर चुंगी लींण वला भि बपतिस्मा लींणु कु ऐनी अर वे बट्टी पूछि कि “हे गुरु हम क्य करां” 13यूहन्ना ल ऊंमा बोलि, “जु तुम कु अधिकारियों बट्टी ठैरैयुं च वां बट्टी जादा चुंगी नि लियां।” 14अर सिपाहियों ल भि वे बट्टी पूछि कि “हम ल क्य कन” वेल ऊंमा बोलि, “कै पर अन्यो नि करयां अर न झूठो भंगार लगयां अर अपड़ी कमै पर संतुष्ट रयां।” 15जब लोग मसीह का आंणै की आस लगयां छा अर सब अपड़ा-अपड़ा मन मा यूहन्ना का बारा मा विचार कना छा कि “कखि यु ही मसीह त नि च।” 16तब यूहन्ना ल ऊं सभियूं मा बोलि, “कि मेरा बाद उ औंण वलो च जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग से बपतिस्मा दयालो।” 17वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं का बीज तैं अपड़ा भंडार मा कट्ठा करलो पर भूसा तैं वीं आग मा फूंकी दयाला जु कभी नि बुझदि। 18अर उ भौत सी शिक्षा दे के लुखुं तैं शुभ सन्देश प्रचार सुणौंदी रै।
हेरोदेस द्वारा यूहन्ना तैं बन्दीगृह मा डलण
(मत्ती 3:13-17; मरक 1:9-11)
19पर जब यूहन्ना ल गलील जिला का इलाका कु राजा हेरोदेस तैं वेका भैय फिलिप्पुस की जनन हेरोदियास का बारा मा अर सब कुकर्मों का बारा मा जु वेल कैरी छा उ सब वे तैं जतलैनि। 20इलै हेरोदेस ल ऊं सभियूं से बढ़ि के यु कुकर्म भि कैरी कि यूहन्ना तैं बन्दीगृह मा डाली दींनि।
यूहन्ना द्वारा यीशु कु बपतिस्मा
21जब यीशु पांणी बट्टी बपतिस्मा लै के परमेश्वर बट्टी प्रार्थना कनु छो त तुरंत वेल स्वर्ग तैं खुल्यूं देखि 22अर पवित्र आत्मा तैं कबूतर का रूप मा अपड़ा मथि औंण देखि। अर या आकाशवाणी हवे, “अर परमेश्वर ल स्वर्ग बट्टी बोलि, कि तु मेरू प्रिय नौंनो छै मि त्वे बट्टी भौत खुश छौं।”
यीशु की वंशावली
(मत्ती 1:1-17)
23जब यीशु अफ उपदेश दींण लगि गै जु कि लगभग तीस बरस को छो अर जन समझे जांदु छो कि उ यूसुफ कु नौंनो च अर उ एली को। 24अर उ मत्तात को अर उ लेवी को अर उ मलकी को अर उ यन्ना को अर उ यूसुफ को। 25अर उ मत्तित्याह को अर उ आमोस कु अर उ नहूम को अर उ असल्याह को अर उ नग्गई को। 26ऊं मात को अर उ मत्तित्याह को अर उ शिमी को अर उ योसेख को अर योदाह को। 27उ यूहन्ना को अर उ रेसा को अर उ जरुबाबेल को अर उ शालतियेल को अर उ नेरी को।#3:27 एज्रा 3:2, नहे. 12:1 28अर उ मलकी को अर उ अद्दी को अर उ कोसाम को अर इलमोदाम को अर उ अर को। 29अर उ येशू को अर उ एलीएजेर को अर उ योरीम को अर उ मत्तात को अर उ लेवी को। 30उ शमौन को अर उ यहूदा को अर उ यूसुफ को अर उ योनान को अर उ एलयाकीम को। 31उ मलेआह को अर उ मिन्नाह को अर उ मत्तता को अर उ नातान को अर उ राजा दाऊद को।#3:31 2 शमू. 5:14 32अर उ यिशै को अर उ ओबेद का, अर उ बोआज का, अर उ सलमोन का अर उ नहशोन का। #3:32 रूत 4:20-22 33उ अम्मीनादाब को अर उ अरनी को अर उ हिस्रोन को अर उ फरिसि को ऐ उ यहूदा को।#3:33 1 इति. 2:1-14 34उ याकूब को अर उ इसहाक को अर उ अब्राहम को अर उ तेरह को अर उ नाहोर को।#3:34 उत्प. 21:3, उत्प. 25:26, 1 इति. 1:28,34 35अर उ सरूग को अर उ रऊ को अर उ पैलेग को अर उ एबेर को अर उ शिलह को। 36उ केनान को अर उ अरफक्षद को अर उ शेम को अर उ नूह को अर उ लेमेक को।#3:36 उत्प. 11:10-26, 1 इति. 1:24-27 37उ मतूशेलह को अर उ हनोक को अर उ यिरिद को अर उ महललेल को अर उ केनान को। 38अर उ एनोश को अर उ शेत को अर उ आदम को अर उ परमेश्वर को नौंनो च।#3:38 उत्प. 4:25-5:32
Terpilih Sekarang Ini:
लूका 3: GHMNT
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
