NAHUMU 1
1
Vutima vwa Yahova ku Nineve
1Yaga na makuva kigira Nineve, amalola gu muporofeti Nahumu kutura Elikoshi.
2Yahova Nyasaye siyikuzilaa ku vaahing'ana naye mba;
ahaanaa mageri ku yavo avahing'anaa naye.
Avanzaa kisaalia mu vutima vwivwe.
3Yahova siavugula vutima vwangu mba,
navuzwa aveeye ni zinguru zinene ligali,
kandi sialekaa vandu vadamanu kuzia vugira
konyoora mageri mba.
Havundu ha Yahova agendaa, kiihi kandi kihuzuzi viveeye ho;
malesi gaveeye luguchi lutulaa mu vilenge vivie!
4Agondokeraa inyanza kandi ikama!
Alomba migera kukama.
Milimi ja Bashani jinialaa.
Kiguru cha Karimeli kigilung'anaa kugwa malova,
kandi vimuli via Lebanoni viniara.
5Vigulu videgera imbiri wa Yahova;
vigulu vikekeke vivunguluka imbiri weve.
Lirova lidegera lwa Yahova alolekaa;
kivala kandi avandu vamenyi mu vadegera.
6Lwaveeye nu vutima, nivwaha unyala kohononoka?
Nivwaha unyala kwikuzira ku vutima vwivwe vululu?
Aviikaa vutima vwivwe ku vandu kuli lomemo lwu muliru,
kandi yatanyia zinyanda imbiri weve.
7Yahova aveeye mulahi;
akingaa vandu veve mu ing'inga yu vudinyu
alindaa yavo avaazaa kuye.
8Adivizaa vasigu veve ligali kuli adivizaa
migera ja mazi manyingi.
Adukizaa vasigu veve ku keheri;
kandi alavalondelera kuduuka mu kisundi.
9Ivi olohizaa kindiki mu vwivisu ku Yahova?
Yahova alakudiviza.
Sialavanza kisaalia ku vasigu veve haali kaviri mba.
10Valagoyanira hagati ha mafwa kuli avandu vaveeye vahambiku;
valasambwa nu muliru kuli amavivi amuumu.
11Kutura mu vandu va Nineve, yaza mundu mulala oveeye ni lilohiza liu vuchamu, alohizaa mu vwivisu kokora vudamanu ku Yahova. 12Yaga nigo ga Yahova avoora ku vandu va Isiraeli. “Kali niiva vandu va Siria vaveeye ni zinguru kandi avanyingi ligali, valakadivizwi kandi valakagote. Avandu vange, ndaamulomba ni musaliraa, navuzwa sindakola ndio kandi mba. 13Kalunu ndaheriza zinguru zia vandu va Siria ku munyi, kandi ndatuliza ku munyi vuliduhu vwavo.”
14Yaga nigo ga Yahova amali kulaga kolondekana na vandu va Asiria. Sivalakave ni visukululwe vilizizagiliza lieta liavo mba. Ndakadivizi vifananyi viveeye mu matemberi ga vanyasaye vaavo. Nombaa kilindwa cha vandu va Siria; sivadukanaa komenya mba!
15Henza, mutumwa yaazaa kutura ku kiguru; aveeye na makuva malahi! Yaazaa kulandiza mirembe! Mulombe amasavo munyi avandu vi Ivuyuda, kunangwa muduuki ku twekiza lilagana lienyu na Nyasaye. Avandu vachamu sivalaza kwingilira kivala chiinyu kandi mba. Vosi vamali kudivizwa ligali!
Terpilih Sekarang Ini:
NAHUMU 1: LOGOOLI
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019