HABAKUKI 3
3
Lisaala lia Habakuki
1Yili ni lisaala liu muporofeti Habakuki:
2O, Yahova, inzi mali kuhulira ga umali kokora,
kandi mbeeye nu vuti vunyingi vwi vikolwa vivio.
Kola ndio kalunu mu ing'inga yitu vikolwa vinene viawakolaa.
Okoveere zimbavasi, kali lwa oveeye nu vutima.
3Nyasaye yaazaa kutura Edomu kandi;
Nyasaye mutakatifu yaazaa kutura mu vigulu via Parani.
Vukumi vwivwe voveeye mwigulu;
kandi kivala keveeye ni lizominya lilie linyingi.
4Yaazaa nu vulavu vwo loheni;
vulavu vohemahemaa vuturaa mu mukono gwigwe,
hi zinguru zizie ziaviswa.
5Atumaa vulwaye imbiri weve,
kandi alaangaa likuza limulonde.
6Lwa asingilaa, kivala chinuyaa;
mulihenza lilie, zihiiri zidegera.
Vigulu via kale viatanywa;
vigulu vie mihiga ni mihiga lieyinaa hasi, ha yagendaa mu zing'inga zia kale.
7Ndaalora vandu va Kushani ni vatiiyi,
kandi vandu va Midiani nivadegera.
8Yahova, ni migera jagira ivi nuuva nu vutima?
Yaali inyanza yagira nuuva nu vutima vululu?
Wagenda ku malesi;
amalesi gi kihuzuzi gaali amagare googo,
lwa waleeta liguuta ku vandu vovo.
9Wetegeka kutumikira vuta vuvwo,
wetegeka kulasa mivano ju vuta.
Loheni lulwo lwavukanyia lirova.
10Vigulu viadegera lwa viakolola;
mazi gasunduka kutura mu vwerefu,
mazi gafuuma isi wilirova,
kandi viguvuli via go viazia igulu ligali.
11Mu lilolekiza lie mivano jijo ju vuta ji zimbiru,
kandi ku lihemahema liu vwugi vwi litimu,
liuva nu mweli viasingira.
12Ugendaa mu kivala nu vutima,
waduvaga zihiiri nu vutima vululu.
13Ivi waazia kohonyia vandu vovo,
kohonyia mwami vwovo mutovole.
Wasionolanya mutwi gwu mwimiliri wa vachamu,
kandi wadiviza valondi veve vosi.
14Muvano gugwo gwu vuta gwatumita mwimiliri wi liihi lilie;
lwa gwaza kuli kihuzuzi kukusalanyia,
vasaangala kuli yavo vadambiza vadaka.
15Munyi mwaduvaga inyanza ni zibarasi zienyu,
kandi ziakola mazi gi zinguru gatuliza lufulu.
16Lwa mbulira yaga goosi, ndegeraa ligali,
minwa jange jidegeraa nu vuti.
Muviri gwange gwatanga kuguunda kandi ndikigitara vilenge viange.
Ndaalindilira galaha ku ing'inga iduuki,
lwa Nyasaye ahaanaa mageri ku vandu vakwingilira.
17kali niiva misaala ja makuyu givula kulaviza kimuli,
anoho makuyu gavuli kuva ku muzabibu,
kali ndio mizeituni givuli kwama,
kandi milimi givuli kwama vuswage,
kali niiva viayo viosi via magondi vikuza,
kandi vigo vivuli kuva ni mitugu,
18ndakazizagiliri kuva nu vuyanzi kandi nu vusangali,
kigira Yahova Nyasaye aveeye muhonyi wange.
19Yahova Wuvunyali ambezaa zinguru;
akolaa vilenge viange kuva kuli vie kisusu
angolaa kuzia igulu ku vigulu vugira kwikigalira.
Kandi yasoolaa lwa mbeeye ku vigulu.
Terpilih Sekarang Ini:
HABAKUKI 3: LOGOOLI
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019