OKHURULA 37
37
Okhulomba Lisanduku lie Indakano
(Okhur. 25:10-22)
1Besaleli yalomba Lisanduku lie Indakano okhurula khumusaala kwomusisia; liali noburambi obuhela etsisentimita emia ndala nende likhumi, ne obuchiikha etsisentimita amakhumi kasasaba nachisasaba, khandi oburambi bweikulu etsisentimita amakhumi kasasaba nachisasaba. 2Yatsifunikha nende efetsa isiyikhu mukari nende esioba ma natsibotokhania nende efetsa. 3Yalomba tsingaka tsifetsa tsine khulwo khulichinga ma nachiachikha khubilenje bialio bine, buli olubeka lwali netsingaka tsine. 4Yalomba emisaala tsiokhulichinga echia yalomba okhurula khumusisia ma nachifuunikhakhwo efetsa, 5ma nachinjisia mutsingaka khubuli lubeka lwe Lisanduku. 6Yalomba esifunikho siefetsa isiyikhu esiali noburambi etsisentimita emia ndala nende likhumi, obuchiikha amakhumi kasasaba nachisasaba. 7Yalomba ebilombe bie tsimbaha bibili ebialombwa khufetsa isiyikhu, 8sisilala khulubeka l'lala lwesifuunikho. Yabiongania biosi halala okhuba esitonye silala siesifunikho. 9Ebilombe bietsimbaha biahengana elubeka nelubeka khusifuunikho, ne tsimbaha tsiabio tsibambukhe nitsifuunikha esifuunikho.
Okhulomba emesa yo Mukaati okwahanwa khu Nyasaye
(Okhur. 25:23-30)
10Yalomba emesa khumusisia, ne oburambi bwayo bwali etsisentimita amakhumi munane nende munane, obuchiikha bwali etsientimita amakhumi kane nachine, ne oburambi bwe ikulu bwali etsisentimita amakhumi kasasaba nachisasaba. 11Yachifunikhakhwo efetsa isiyikhu na nabotokhaniakhwo olukhayayi lwefetsa. 12Yalomba olupao oluhela oburambi bwetsimilimita amakhumi kane nakataru nachirano, okhuchibotokhana ma nara efetsa khundulo khwolupao tsana. 13Yalomba tsingaka tsine etsiokhuchinga emesa okhurula khufetsa ma natsira mutsikona tsine ahebilenje biayo biali. 14Tsingaka tsiokhwinjisiamwo emisaala chiokhuchinga emesa tsiarebwa ahembi nende olupao. 15Yalomba emisaala tsana okhurula khumusisia ma nachifunikhakhwo efetsa. 16Yalomba ebindu biokhurumikhilwa khumesa okhurula khufetsa: nabio ne tsisahani, ebikombe, etsihaari, nende tsindaabo etsiokhurumikhila khumusango kwewaini.
Okhulomba esihani sietsitaya
(Okhur. 25:31-40)
17Besaleli yalomba esihani sietsitaya okhurula khufetsa isiyikhu. Yalomba obwikhalo bwasio nende omwambo kwasio okhurula khufetsa isiyikhu; amahwa akasiahwakhwo halala nebimuli nende obwamu biali esindu silala nesihani.
18Tsisaka tsisasaba tsiayaala okhurula mumbeka tsiasio, tsitaru khusiolubeka. 19Khusiolusaka khutsisaka tsisasaba, khwalikhwo namahwa kataru akasiahilwe bulahi singa inzoli yomusaala kwelitunde okulikhwo esimuli nende obwamu. 20Omwambo kwesihani kwali namahwa akokhusiaha kane akasiahilwe singa inzoli yomusaala kwelitunde okulikhwo esimuli nende obwamu. 21Khwaliho nesimuli silala isi wabuli tsisaka tsibili esiakhataru. 22Esimuli, tsisaka nende esihani sietsitaya biosi biali butswa esindu silala esialombwa khufetsa isiyikhu khandi eyatuywa. 23Yalomba etsitaya tsine natsitaru okhureebwa khusihani, ma nalomba ebifumil'lo biasio nende tsindelu okhurula khufetsa isiyikhu. 24Yarumikhila efetsa isiyikhu ehela etsikilo amakhumi kataru natsirano okhulomba esihani nende ebindu bindi biosi ebilikhwo.
Okhulomba olusambwa lwokhusambilakhwo obwali
(Okhur. 30:1-5)
25Besaleli yalomba olusambwa khumusaala kwomusisia olwokhusambilakhwo obwali. Lwali oluhelanu oburambi nende obuchiikha mbu etsisentimita amakhumi kane nachirano oburambi khandi obuchiikha etsisentimita amakhumi kane nachirano, ne oburambi okhutsia ikulu bwali etsisentimita amakhumi karano nakane. Tsinzika tsialwo mutsikona tsine tsiali esindu silala nolusambwa tsana. 26Yafunikha olusambwa yilwo netsahabu isiyikhu ikulu, tsimbeka tsiosi tsine nende tsinzika tsialwo ma nalubotokhania nolukhayayi lwetsahabu. 27Yalomba tsingaka tsibili tsietsahabu khuluchinga ma nachira isi wolukhayayi khutsimbeka tsibili, okhwinjisia mwo emisaala echiokhuluchinga. 28Yalomba emisaala yichio okhurula khumusisia ma natsifunikhakhwo etsahabu.
Okhulomba amafura kokhwemekha nende obwali
(Okhur. 30:22-38)
29Khandi Besaleli yalomba amafura amatsienukhu khulwo okhutsukhil'la khubandu ba Nyasaye yel'le nende obwali obuhunyanga obulahi, obutsokanibwe singa amafura kokhwebakha.
Terpilih Sekarang Ini:
OKHURULA 37: EBAIBO
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019