Matiu 26
26
Ram Dari Halana be Rav Wehi Jisas
(Mak 14.1-2; Luk 22.1-2; Jon 11.45-53)
1La mahavana be Jisas mwa bagahi vuvuri huri ginau kera geki, mwa bevea lalainira non roronĢtai be, 2āGim iloe be atagun gubwenĢ gairua vi vora samsamwaran HalbisgĢalau. HagĢe vi linĢiau Nitun Atatu be rav vohau vai alun volovolo.ā
3HagĢe ira muai tataroi mai ira bwatmetua ira Jius ram gĢogĢo utegaituvwa la imwan Kaiavas, Muai Tataroi, 4i ram lol taritari be rav hagĢo batugehi Jisas dahuligi ba lol bamatea. 5HagĢe ram bevea be, āTasav lolia tehe baten samsamwara huri HalbisgĢalau, bereva sinombu ram bwalo huria.ā
Mwa Burai Jisas Betani
(Mak 14.3-9; Jon 12.1-8)
6Batena Jisas mwa gĢan ginau lol imwan Saemon gabe lepa lol vanua Betani, 7vavine vwate mwa mai abena mai bwelehu vatu. Alolon bwelehu gea hun wai sasasavi bonboni gabe volina nu marahi maragai. HagĢe vavine gea mwa dadanĢ wai sasasavi gea alun bwatun Jisas. 8Take ira roronĢtai ram gĢitae ram lolhoro maragai, ram bevea be, āHuri hano gom lol sabwelei wai sasasavi uhu kunia? 9Mwa du be si saleiana na wai geki huri homu gaivua i homu gea si vano lalai ira hiru.ā
10Jisas mwa ilo nora binihiva i mwa bevea lalainira be, āHuri hano gim lol bidoi vavine geki? Kea mwa lol ginau tavuha nu hari lalaiau. 11Ira hiru rav togo mai kimiu tagaro, take inau sigai. 12Batena mwa buraiau gin wai sasasavi uhu, mwa lol vatuvwai rebehiku huri nogĢu tavtavigi. 13Nam bev mwasigi lalai kimiu be, halabehe tehe lol ureure duluai be rav toretore huri Roroi Tavuha geki, rai vevuri huri rovoga tavuha geki be vavine uhu nu lolia lalaiau gin binihi mulei huria.ā
Judas mwa Binihi Tuhi be vi LinĢ Jisas Vai Lol Limara Atatu
(Mak 14.10-11; Luk 22.3-6)
14HagĢe tuara vwate ninira hanĢvul domwan gairua, kea gabe ihana Judas Iskariot, mwa bano aben ira muai tataroi, 15mwa bevea be, āGiv lai havanau lalaiau be nav linĢ Jisas lol limamiu?ā Kunia ram bolia gin vatlegiga matotobwai nĢavul gaitolu i ram laira lalainia. 16Ataguna gea Judas mwa higĢe mahavana tavuha be vi linĢ Jisas lalainira.
Ram Lol Vatuvwai Ginaganianan HalbisgĢalau
(Mak 14.12-16; Luk 22.7-13)
17Lol muan Samsamwaran Bereti Vatuga, ira roronĢtai ram mai aben Jisas, ram hudalinia be, āGom doron be gav lol vatuvwai ginaganianan HalbisgĢalau hurigo halabehe?ā
18Jisas mwa bevea lalainira be, āGiv vano lol bwatutun vanua aben atatu vwate, giv vevea lalainia be, āVagahi mwa gĢilon be, Mahavana huriau mwa abena huba. Inau nav gan HalbisgĢalau la imwamwa.ā ā
19Ira roronĢtai ram lol kun gabe Jisas nu vevea lalainira i ram lol vatuvwai ginaganianan HalbisgĢalau.
Jisas mwa Bev Luae be Judas vi LinĢia Vai Lol Limara Atatu
(Mak 14.17-21; Luk 22.14,21-23; Jon 13.21-30)
20HagĢe lol ute ravravi Jisas mwa do mahuri mai domwan gairua be ramen gan ginau. 21Lol mahavan ginaganiana Jisas mwa bevea be, āNam bev mwasigi lalai kimiu be, tuamiu vwate nin kimiu vi linĢiau vai lol limara atatu.ā
22HagĢe lolora mwa biaroi mutaigi, ram bavora ram hudalinia vatvatahara be, āGom hav vinihia te be inau, Ratahigi?ā
23Jisas mwa av korora be, āWani gabe mwa ruhu bereti lol disi gaituvwa maiau, kea hagĢea vi linĢiau vai lol limara. 24Inau Nitun Atatu nav mate kun mwa ravae tuai huriau lol Ravrava Sabuga. Take vi hantai maragai lalai wani gea be vi linĢiau Nitun Atatu vai lol limara. Nu tavuha maragai lalai wani gea be si hav vora tehe!ā
25Judas gabe vi linĢia mwa av lua be, āGom hav vinihia te be inau, Vagahi?ā Jisas mwa bevea lalainia be, āGom bevea hagĢea.ā
Ginaganianan Ravravi non Ratahigi
(Mak 14.22-26; Luk 22.15-20; 1Kor 11.23-25)
26Mahavana ram gĢan ginau, Jisas mwa lai bereti, mwa avkari God huria, i mwa biha borae, mwa lai lalainira non roronĢtai, mwa bevea be, āGiv laia ba gania. Geki rebehiku.ā
27HagĢe mwa lai laha, mwa avkari God huria i mwa laia lalainira, mwa bevea be, āGiv mwin, kimiu duluai. 28Geki dagaku be men lol tatauleo non God be men tu. Dagaku gea vi rovo huri be God vi tugu kaburai vuron sinombu ivusi. 29Nam bev mwasigi lalai kimiu be nin kekadogaha nasav mom mwin te waen vava vi votu gubwenĢ higea nai mwin waen gara mai kimiu lol rahuan gara gabe TamagĢu mwa ratahigi alolona.ā
30HagĢe ram lol iboi vuvuri ram hae la vusin gai Oliv.
Jisas mwa Seserainia be Pita vi Tugua
(Mak 14.27-31; Luk 22.31-34; Jon 13.36-38)
31HagĢe Jisas mwa bevea lalainira be, āGarigi bonĢi kimiu duluai giv romaragai niniau i nav togo gaheku, bwatuna lol Ravrava Sabuga mwa bevea be, āGod vi wehi radaigĢoro sipsip, hagĢe vatugi sipsip rai visalsala.ā 32Take ataguna be nav tomare mulei nin mateana, nai vano Kalili amua nin kimiu.ā
33Pita mwa av lua, mwa bevea lalai Jisas be, āInau nasav linĢigo tehe, sonĢo be kera duluai ras lol kunia.ā
34Jisas mwa bevea lalai Pita be, āNam bev mwasigi lalainigo be, toa si hav totoreto te radu garigi bonĢi, gov tuguau vatolu.ā
35Pita mwa bwaliu Jisas be, āNasav tugugo tehe, gaituvwa nĢan be nas mate maigo.ā
I ira roronĢtai duluai ram bevea nĢan kunia.
Jisas mwa Dataro Ketsemeni
(Mak 14.32-42; Luk 22.39-46)
36Jisas mwa bano maira non roronĢtai lol ute mwa uloinia gi Ketsemeni, i mwa bevea lalainira be, āGiv togo teti, nai van kahagĢa ba dataro.ā 37HagĢe Jisas nu lai Pita mai ira nitun Sebedi gairua i ram bano. Binihin Jisas mwa bavora mwa marahia i mwa ronĢ mwahantai. 38HagĢe mwa bevea lalainira be, āRonĢ mwahantai alolon nogĢu binihiva mwa ibi maragaiau, mwa abena be namen mate. Gitol to teti ba mamata maiau.ā
39HagĢe mwa mom bano, mwa hiv bahudui, mwa dataro, mwa bevea be, āTata, be si dumwi, lai dagai lahan ronĢgĢagarasi geki niniau! Take nogĢu doroniva vina ta nomwa nĢano.ā
40HagĢe mwa dabagilu mulei huri ira roronĢtai gaitolu i mwa habwera be ram maturu, mwa bevea lalai Pita be, āKun hanigi? Gitol si hav mamata te dum maiau huri mahavana gaituvwa? 41Giv mamata ba dataro, bere gim hovi lol kalkaliana. Binihiva mwa rihumaragai, take vihogoi nu mandamanda.ā
42Jisas mwa mom bano mulei varuana mwa dataro, mwa bevea be, āTata, be gosav lai te dagai laha geki niniau vai votu be nai mwin aluna, nom doroniva nĢan vi tu.ā 43HagĢe mwa mai mulei mwa gĢitara ram dol maturu, huri matara mwa bulu.
44Jisas mwa derainira, mwa mom bano mulei vatoluna, mwa dataro gin avoana mulei nĢan gea. 45HagĢe Jisas mwa dabagilu hurira roronĢtai, mwa bevea be, āMatu gimdol maturu i gimdol mambuharai radu? Gita, mahavana mwa mai be men linĢiau Nitun Atatu vai la limara atat hantai. 46Gitol tomare ba tamen vano. Gita, wani be mwa linĢiau mwa mai!ā
Ram HagĢo Batugehi Jisas
(Mak 14.43-50; Luk 22.47-53; Jon 18.3-12)
47Jisas mwa avo radu batena be Judas, vwate ninira hanĢvul domwan gairua mwa bisirai. HagĢe vatugin sinombu gaivua ram huria mai buan bwaloana i irubwi. Sinombu geki ira muai tataroi mai ira bwatmetua ata Judia ram horara. 48Wani gabe mwa linĢ Jisas nu vev dovonĢana lalai sinombu huba, mwa bevea be, āWani gabe nav rimrimia, kea hagĢea. Giv hagĢo batugehia!ā
49HagĢe Judas mwa mai darihou aben Jisas, mwa bevea be, āBonĢ tavuha, Vagahi,ā i mwa rimrimia.
50Jisas mwa bwaliua be, āTua, goi vilvilehi huri ginau be gom mai huria!ā
HagĢe kera ram mai, ram bwirihi Jisas, ram hagĢo batugehia. 51HagĢe tuara vwate ninira be ran la mai Jisas mwa rav lua non buan bwaloana, mwa dai turin rovoga non Muai Tataroi, mwa dai kaburai bwerona. 52Take Jisas mwa bevea lalainia be, āSogai mulei nom bua vai lol tanĢana, bwatuna irahei ram hagĢo bua rav mate gin bua. 53Matu gim hav iloe tehe be nav hudali dum TamagĢu huri buluiana i kea vi hora darihou vatugi enjel hanĢvul domwan gairua gi atatun bwaloana? 54Take be nav lolia kunia, si hav loliana te seserai dum na avoana mwa bevea alolon Ravrava Sabuga be mwa bevea be vi vora kunia.ā
55La mahavana gea Jisas mwa bevea lalai sinombu be, āMatu giv mai huriau mai buan bwaloana i irubwi be gimen vwirihiau, kun gabe inau atatun wehi surai vwate? Vataha gubwenĢi nam dogo mai kimiu, nam bagahi lol Imwa Tataro, take gim hav hagĢoau tehe. 56Take mwa loli kungeki be vi lol seserai avoana nora atatun vevsera be ran ravae.ā
HagĢe ira roronĢtai duluai ram bis dagai ninia, ram romaragai.
Jisas mwa Du Lolmatan Nora Muai Kansel
(Mak 14.53-65; Luk 22.54-55,63-71; Jon 18.13-14,19-24)
57HagĢe kera gabe ran hagĢo batugehi Jisas ram lagoinia vai lol imwan Kaiavas, Muai Tataroi. Aia be ira vagahin Silo matora bwatmetua ram gĢogĢo utegaituvwa abena. 58Pita mwa huri dagutagunai Jisas ban hautu vai lol saran Muai Tataroi. HagĢe mwa dalinĢoro, mwa do mahuri abera atatun bwaloana be vi gita nogonogoi hano be vi loli. 59HagĢe ira muai tataroi maira Kansel duluai ram higĢe halana be rav tul tenteneana alun Jisas huri be rav lol bamatea. 60Take ram hav habwe te dum non vahalana, sonĢo be kera ivusi ran tu i ran tul tenteneana aluna. Nogonana atatu gairua ramuru mai, 61ramuru bevea be, āWani geki mwa bevea be, āNav salanĢai dum Ute sabuga non God i atagun gubwenĢ gaitolu nav lol huri muleinia.ā ā
62HagĢe Muai Tataroi mwa domare, mwa bevea lalai Jisas be, āMatu gosav vwaliu te gĢorora huri hano be ram dul bonogai vai alumwa?ā 63Take Jisas mwa buhiga. HagĢe Muai Tataroi mwa mom bevea mulei lalainia gin avoan garagara be, āLa ihan God rahu nam hudalinigo be goi vev mwasigi lalai kamai be gigĢo Kraes, Nitun God sa sigai.ā
64Jisas mwa bevea lalainia be, āGom bevea hagĢea. Ta nam bev mwasigi lalai kimiu be, nin kekadogaha giv gitau Nitun Atatu nav togo la mwatuan Mwasin RoronĢo, i nav mai alun ten lanĢi lol ute atamare.ā
65Bwatuna gea Muai Tataroi mwa hera gaisagana hurin alenĢara batena mwa ronĢ avoan hantai vai alun God, mwa bevea be, āWani uhu mwa av hantai vai alun God. Tasav mom higĢe te halana mulei. Gim ronĢoe sibomiu be mwa av hantai vai alun God. 66Gim binihi haninia?ā
HagĢe ram bwaliua haragaituvwa be, āNu dadariha be vi mate.ā
67HagĢe ram lodov lolmatana, ram wehia, i kera gabe ram rabasia 68ram bevea be, āVisia, Kraes, be ihei mwa rabasigo!ā
Pita mwa Dugu Jisas
(Mak 14.66-72; Luk 22.56-62; Jon 18.15-18,25-27)
69Pita mwa dogo radu avare lol aran imwa, batena daulato vwate atatun rovoga non Muai Tataroi mwa mai abena, mwa bevea be, āGigĢo mulei gon togo mai Jisas ata Kalili.ā
70Take Pita mwa bisigai lol matara duluai, mwa bevea be, āNam hav ilo te ginau gabe gim bevea.ā 71HagĢe mwa lago vai votu gatavan aran imwa gea. Atatun rovoga vavine vwate mulei mwa gĢitae, mwa bevea lalainira ram do bul maia be, āWani geki mulei nu togo mai Jisas ata Nasaret.ā
72Take Pita mwa mom bisigai waswasigi mulei, mwa bevea be, āNam lenĢai wani gea!ā
73Tiri gĢalia kera gabe ram du aben Pita ram mai abena, ram bevea be, āMwasigi hagĢea, be gigĢo tuara vwate ninira, huri be gom avo kunira ata Kalili.ā
74Pita mwa dau bwatuna mwa av garagara be, āGod na vevegiau be nam hav vev te mwasigi! Nam hav ilo te wani gea.ā
HagĢe toa mwa dotoreto darihou, 75i Pita mwa binihi mulei avoana gabe Jisas nu vevea lalainia be, āTao si hav totoreto te radu, gov tuguau vatolu.ā HagĢe mwa bute avare, mwa dei mamaragai.
Bible Society of the South Pacific