Laoidhean 10

LAOIDH 10

Gnàth‑fhac. 1.20-31

1An coimhthional nan iomadh slògh,

is anns na ròidibh tiugh',

Ri cloinn nan daoin' tha Gliocas néimh

a' togail suas a ghuth';

2Cia fhad a ni luchd fanoid tàir

air fìrinn 's gràsa Dhé?

'S a bheir sibh, amadana, spéis

d'ur toil mhi‑chéillidh féin?

3Pillibh air m'earails', air 'ur n‑ais,

is bidh sibh sona chaoidh:

Pillibh, 's a chum bhur beannachadh,

mo spiorad bheir mi dhuibh.

4Ach mur toir sibh mo ghuth fa'near,

's mur éisd sibh ri mo ghlaodh:

Tràth ghlaodhas sibhs' an là 'ur n‑airc,

'ur n‑athchuinge bidh faoin.

5Tràth ghlacas léir‑sgrios sibh 'na cuairt,

mar iom‑ghaoth luath nan speur,

Ni mise fanoid air 'ur caoidh,

's 'ur n‑urnigh chaoidh cha'n éisd.

6O'n ròghnaich sibh roimh bheatha bàs,

's éigin gu bràth bhi truagh;

Oir ciod air hith a chuireas neach,

dheth sin ni 'n neach sin buain.

Terpilih Sekarang Ini:

Laoidhean 10: LSN1987

Highlight

Salin

Bandingkan

Kongsi

Ingin menyimpan sorotan merentas semua peranti anda? Mendaftar atau log masuk

Ayat Alkitab yang Popular daripada
Laoidhean 10