Matayo 3
3
Yohana Mubadĩĩzia nuutanantia waakue
(Mk 1:1-8; Lk 3:1-18; Yn 1:19-28)
1Pantondo zaasio nũgyelela uYohana Mubadĩĩzia nwitanantia mumbuga ya Uyahũdi, nuũga, 2“Pelĩ, kunsooko uutemi wa kwigyulu wasũgamĩlaa.” 3Uyu wayu alimutambulue numunakĩdagu Yesaya, nuũga,
“Luli lwa muntu lukĩtunta mumbuga,
mĩzĩpĩĩliĩ ĩnzĩla ya kĩShekulu,
Gololĩ pijĩla piakue.”
4Nduyo uYohana alutĩĩte ntiila za maũli ma ngamĩa#3:4 Ngamĩa: Nĩmu nĩmpiani ni ndogue, ĩpa ĩo ĩtiite ikuku ibĩli. numusipi wa ndĩlĩ mukĩĩno kiakue; nindia zaakue alĩ inkumbĩ nuuukĩ wa muuwĩĩ.
5Paapo naĩ kumuagana iYelusalemũ nu Uyahũdi wensi, nĩmatumbĩ miYolidani mensi, 6Naabadĩĩzigua mumongo wiYolidani ninduyo, kunu naikũmuula ĩmĩlandu yaao. 7Pĩna nuaona ĩApalisayo nĩAsadukayo iingĩ auuzĩlĩĩĩle ubadĩĩzo, nuaĩĩla, “Inie wĩleli wa nzoka, waani umusuguĩle muutalame uutaki naukiiiza? 8Pĩĩ gua ĩnkali nizĩjĩpĩĩle uupeli! 9Mulekishĩĩga nukwitambula munkolo zaani, ‘Kutĩĩte utata wĩĩtu, uIbũlahimu;’ luulo gua, namuĩĩla kĩna uNzua usũũmile mumagũe aya kukumũgyelelia uIbũlahimu ĩaana. 10ĩMpoopo yaĩĩkaguaa pamatina mamakota. Luulo gua, ikyota liensi nasika Iyukupĩaa inkali nanziiza Iyukudumulaguaa nukwitaagua mumooto.”
11“Ĩne nukumubadĩĩzagiaa kumaazĩ kunsooko ya upeli; ĩpa uzo nũjile kunũma yaane, utĩĩte uusũũmi kwinkĩla ĩne, sika nijĩpĩĩle sunga kwikenka iilaatu yaakue; uzo ukakumubadĩĩzia kuMuau Muelu nukumooto. 12ĩKĩpeetelo kiakue kiĩlĩ mumukono waakue; ukakukĩpiagula sue ĩkĩuga kiakue; ukiĩĩka uupemba waakue mũshagĩ, ĩpa ĩmapuulĩlo ukakumasonsa mumooto nasika ukudibaa.”
Kwibadĩĩzigua kwa kĩYesu
(Mk 1:9-11; Lk 3:21-22)
13Paapo ũYesu nupũna kũGalilaya, nuuza kũYolodani kwa kĩYohana, wabadĩĩzigue nduyo. 14Nuĩ kumugilia, nuũga, “Ĩne injĩpĩĩle mbadĩĩzigue nunduue, nunduue wanzagaana ĩne.” 15ũYesu numushookeelia, numuĩĩla. Ĩpaino naitũle iio! Kuitĩ yukũjĩpĩĩle kwitimĩĩlia ĩkulukuuluu tũlũ. 16Pĩna ũYesu nubadĩĩzigua, Ĩkamuĩ nupũna mumaazĩ; laaa, igyulu nalĩkũnukuka, numuona uMuau wa kĩNzua witima zĩ nkunda mumuakue; 17Luli kwipũna kwigyulu naluũga, “Uyu wayu Muana waane muloogua, nanumuloeeligue ninduyo.”
Terpilih Sekarang Ini:
Matayo 3: KNT09
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
The New Testament in Kinyiramba © Bible Society of Tanzania, 2009.