Ayat Alkitab yang Popular daripada Luka 3

Kongsi

Ka doŋ jo obatija ducu, ame Yecu daŋ obatija, ka en tye ka kwac, polo oyabere. Cuny Acil obino acalo amam i cal me kom, opoto i kome. Dwonnoro oya i polo ni, “Yin woda ame amaro, cunya yom i komi.”

Lakana okobbigi ducu ni, “An abatijawu kede pii, ento ŋattoro tye ame abino, en tek kata oko; an mom aromo gonyo del warrere. En bino batijawu kede Cuny Acil, dok kede mac.

Nyak wunu doŋ nyig a myero me ŋut, kur dok icak tamo wunu ni, ‘Otye kede kwarowa en Iburaim’; pien akobbiwu ni, Obaŋa tye kede te ko me miyo gweŋe magi doko ikwae Iburaim.

Aman doŋ otyeko keto lee oko me toŋo lwit yen; yat acel acel a mom nyako nyige abeco, otoŋo, obolo i mac.”

acalo ocoo i buk me kop adwarpiny Icaya ni, “Dwon dano a redo i tim ni, Ger wunu yo pi Rwot, yik wunu gudo mere cuŋ atira, Luŋ ducu obino toro, kidi kede tur obino odwoko piny, kan ame ogonne obino miyo cuŋ atira, yo obedo popony obino piro oko; jo ducu bino neno lar Obaŋa.”