Ayat Alkitab yang Popular daripada Xa̱bo̱ Róma̱ 8

Kongsi

Jamí nduꞌyáálóꞌ máꞌ rí mbá xúgíí rí naríga̱, nambáñúú ne̱ tsí nandúún juyáá Ana̱ꞌlóꞌ, ikhiin máꞌ tsí Ana̱ꞌlóꞌ nindxaꞌwúún rí ma̱nindxu̱ún xómá niꞌgí-mine̱e̱ꞌ ikhaa̱.

Ikhaa jngó, ikhúúnꞌ nda̱yo̱o̱ mújúnꞌ rí nda̱a̱ nimbá rí ma̱ꞌngo̱o̱ ma̱ꞌne-tsíngua̱ꞌlóꞌ inuu rí nandoo Ana̱ꞌlóꞌ jaꞌyalóꞌ, ni máꞌ rí ma̱ja̱ñálóꞌ, ni máꞌ rí juwa nduꞌyalóꞌ, ni máꞌ ánje̱l, ni máꞌ nimbá inii tsiakhe̱, ni máꞌ rí ríga̱ xúge̱ꞌ, ni máꞌ rí ma̱ri̱gá nda̱wa̱á. Ni máꞌ tsiakhe̱ rí ríga̱ ná i̱tha̱án tsída̱ꞌ, ni máꞌ tsiakhe̱ rí ríga̱ ná me̱jno̱ꞌ, ni máꞌ nimbá rí ni̱gu̱ma-ku̱maa, ma̱xáꞌngo̱o̱ ma̱ꞌne-tsíngua̱ꞌlóꞌ inuu rí nandoo Ana̱ꞌlóꞌ jaꞌyalóꞌ ga̱jma̱á majñu̱u̱ Tátiálóꞌ Krísto̱ Jesús.

Xúꞌkhue̱n máꞌ mangaa nambáyálóꞌ Xu̱u̱ꞌ Ana̱ꞌlóꞌ numuu rí wabáanꞌlóꞌ. Tsíma̱ñalóꞌ gúꞌthán-jáñíí Ana̱ꞌlóꞌ xómá phú jaꞌyoo, xómáꞌ Xu̱u̱ꞌ Ana̱ꞌlóꞌ naꞌthán-kháan ga̱jma̱á numalóꞌ, ga̱jma̱á a̱ꞌwá rí tsíyoo mi̱ꞌthán ga̱jma̱á ajngáa.

Dí gúꞌthánlóꞌ xúꞌkhue̱n rá. Xí Ana̱ꞌlóꞌ xtáa ga̱jma̱á nindxa̱ꞌlóꞌ, tsáa gáꞌngo̱o̱ ma̱ꞌne ga̱jma̱á nindxa̱ꞌlóꞌ xúꞌkhue̱n rá.

Ikhaa jngó rí xúge̱ꞌ rá, nánguá máꞌ mi̱ꞌxná-máꞌíin rí mu̱míni̱í tsí mbá ꞌnduꞌ júwa̱ꞌ ga̱jma̱á nindxu̱u̱ Krísto̱ Jesús, ikhiin tsí na̱nguá júwa̱ꞌ xómá rí nandoo xuñúú, rí júwe̱e̱ꞌ xómá rí nandoo Xu̱u̱ꞌ Ana̱ꞌlóꞌ.

Tsí i̱ndo̱ó máꞌ xtáa ma̱ꞌne rí nandoo xuyuu, ma̱ja̱ñúu̱. Xómáꞌ tsí xtáa ma̱ꞌne rí nandoo Xu̱u̱ꞌ Ana̱ꞌlóꞌ rá, mba̱ꞌyee̱ jámuu jamí ma̱xtáa̱ tsímáá.

Xómáꞌ ikháánꞌlóꞌ, ído̱ rí juwalóꞌ awúun mbá xúgíí gaꞌkho̱ ríge̱ꞌ, i̱tha̱án máꞌ nanújngo-rámuu rí na̱ꞌnga̱ꞌlóꞌ ga̱jma̱á majñu̱u̱ tsí ndiyoo jaꞌyalóꞌ.

Ikhúúnꞌ nda̱yo̱o̱ mújúnꞌ rí ni na̱nguá mba̱a̱ jamínu̱ꞌ rí nanújngalóꞌ xúge̱ꞌ xó rí phú mba̱a̱ rí tsímáá maxnálóꞌ Ana̱ꞌlóꞌ nda̱wa̱á.

Tsáa gáꞌngo̱o̱ ma̱ꞌne-tsíngua̱ꞌlóꞌ inuu rí nandoo jaꞌyalóꞌ Krísto̱ róꞌ. Á ma̱ꞌngo̱o̱ jamínu̱ꞌ dxe̱ꞌ, o gaꞌkho̱ dxe̱ꞌ, o rí nune̱-ngínáaꞌlóꞌ xa̱bo̱ dxe̱ꞌ, o rí na̱xki̱dxa̱ꞌlóꞌ dxe̱ꞌ, o rí nda̱a̱ xtíñalóꞌ dxe̱ꞌ, o rí ngamí ma̱ja̱ñálóꞌ dxe̱ꞌ, o rí ma̱ja̱ñálóꞌ dxe̱ꞌ.

Xómáꞌ Ana̱ꞌlóꞌ, tsí naꞌne-nuwiin máꞌ a̱kia̱nꞌlóꞌ rá, ndaꞌyoo̱ máꞌ dí ñajuun naꞌthán Xu̱u̱ꞌ, numuu rí Xu̱u̱ꞌ Ana̱ꞌlóꞌ naꞌthán kháan numalóꞌ xómá rí nandoo Ana̱ꞌlóꞌ.

Numuu rí mbá xúgíin tsí jiꞌyá ikhúún eꞌne Xu̱u̱ꞌ Ana̱ꞌlóꞌ, tsúꞌkhue̱n ñajúún i̱ji̱in Ana̱ꞌlóꞌ.

Tsí júwa̱ꞌ xómá rí nandúún ikhiin, i̱ndo̱ó máꞌ nu̱ndxa̱ꞌwa̱-mijnée̱ rí muni̱i̱ rí nandoo xuñúu̱. Xómáꞌ tsí júwa̱ꞌ xómá rí nandoo Xu̱u̱ꞌ Ana̱ꞌlóꞌ rá, nu̱ndxa̱ꞌwa̱-mijnée̱ rí muni̱i̱ rí nandoo Xu̱u̱ꞌ Ana̱ꞌlóꞌ.

Ana̱ꞌlóꞌ táꞌne xtándúu̱ ni máꞌ ga̱jma̱á numuu asndo jmína̱a̱ꞌ A̱dée̱, a̱ꞌkhue̱n gakon nixnáxi̱i̱ kajngó ma̱ja̱ñúu̱ ga̱jma̱á numalóꞌ mbá xúgiáanꞌlóꞌ. Á ma̱xáxnálóꞌ ga̱jma̱á nindxu̱u̱ Krísto̱ mbá xúgíí rí gíꞌdoo̱ mangaa rá.

Jmína̱a̱ꞌ máꞌ Xu̱u̱ꞌ Ana̱ꞌlóꞌ naꞌthúun a̱kia̱nꞌlóꞌ rí i̱ji̱in Ana̱ꞌlóꞌ ñajwanlóꞌ. Ga̱jma̱á numuu rí i̱ji̱in Ana̱ꞌlóꞌ ñajwanlóꞌ, mu̱ꞌda̱alóꞌ rí gíꞌdoo̱ xómá rí magu̱u ne̱ Krísto̱ mangaa. I̱ndo̱ó máꞌ numuu rí xúge̱ꞌ, ndaꞌyóo rí mu̱míni̱ílóꞌ ga̱jma̱á nindxu̱u̱ Krísto̱, kajngó ma̱juwalóꞌ mangáanꞌlóꞌ ga̱jma̱á nindxu̱u̱ ná phú tsímáá xtáa̱ ikhaa̱.

Numuu rí Ana̱ꞌlóꞌ xtáa sia̱nꞌ ga̱jma̱á rí nu̱ndxa̱ꞌwa̱-mijná xa̱bo̱ mune̱, numuu rí tsíndxa̱ꞌwa̱-mijnée̱ rí mune̱-mbáníi̱ xtángawoo Ana̱ꞌlóꞌ, ni máꞌ tsíꞌngúu̱n gúne̱-mbáníi̱ ne̱.

Mbá xúgíí rí ni̱gu̱ma-ku̱maa ná numbaa ríge̱ꞌ maphú gíꞌthu̱u̱n mba̱ꞌyoo mbiꞌi ído̱ rí Ana̱ꞌlóꞌ masngájmii tsí phú gakon rí ñajúún i̱jii̱n.

Numuu nduꞌyáálóꞌ rí asndo xúge̱ꞌ, mbá xúgíí rí ni̱gu̱ma-ku̱maa ná numbaa ríge̱ꞌ naguwan ne̱. Naꞌkhui̱i̱ ne̱ xómá naꞌkho̱ awúun mbáa a̱ꞌgo̱ tsí inu ma̱ꞌne-xuajen.