Ayat Alkitab yang Popular daripada Juáán 2

Kongsi

Jesús neꞌne timbá rí phú wáá ríge̱ꞌ ná Kaná, rí ꞌgí ná numbaa Galiléa̱. Xkuaꞌnii nisngájmee̱ rí phú mba̱a̱ tsiakhe̱ gíꞌdoo̱, jamí tsí naꞌsngúu̱n ninimbu̱únꞌ juyáa̱.

Xómáꞌ Jesús niriꞌñuu̱ nánée̱: ―Nána̱, dí lá i̱yo̱o̱ ikhúúnꞌ rúꞌkhue̱n rá. Xóó máꞌ tága̱nú mbiꞌi rí ma̱kujma tsáa ñajunꞌlo̱ꞌ.

Xómáꞌ Jesús niꞌthúu̱n tsí nune̱-mba̱ꞌwu̱un xa̱bo̱ ná ndxa̱a̱: «Gu̱ne̱-majni̱ílaꞌ iya awúun mbámbá daan raya». Jamí tsí nune̱-mba̱ꞌwu̱un xa̱bo̱ nene̱-majníi̱ iya asndo ná rawuun daan raya. A̱ꞌkhue̱n Jesús niꞌthúu̱n tsí nune̱-mba̱ꞌwu̱un xa̱bo̱ ná ndxa̱a̱: «Gu̱ríya̱ꞌlaꞌ tháan iya rúꞌkhue̱n rá, aꞌgua ju̱ya̱ꞌlaꞌ ne̱ ná inuu yumbáá tsí na̱ru̱thuun ñajun ná ndxa̱a̱». Jamí xkuaꞌnii nini̱i̱.

A̱ꞌkhue̱n niriꞌña Jesús: ―Gu̱rngudi̱ilaꞌ guꞌwá dxákuun ríge̱ꞌ, jamí ikhúúnꞌ ma̱ku̱xíi ne̱ mbu̱júꞌ awúun rí atsú mbiꞌi.

Ído̱ ndiꞌyoo Jesús rúꞌkhue̱n, a̱ꞌkhue̱n ni̱smi̱go̱o̱ mbá ñuu, nixkawíi̱n mbá xúgíi̱n gajmíi̱ xu̱kú moguíi̱n jamí xidíi̱n. Nistríguíi̱ mbayíí mbúkhu̱ún tsí nu̱riꞌkhuíí mbúkha̱a̱, jamí nirngáxi̱i̱ xapa nakhú drígúu̱n. Xómáꞌ tsí nu̱ngu̱jwi̱in rigu niꞌthúu̱n: «Gu̱rawíinlaꞌ xu̱kú tsúꞌkhue̱n ge̱jyoꞌ. ¡Mu̱xúne̱laꞌ xuáá ná awúun guꞌwóo Tátéꞌ!».