Ayat Alkitab yang Popular daripada روما 5

Kongsi

والاينّي ربّي ءيملا‑ياغ منشك ا‑س‑گينّغ‑يحنّا، اشكو ءيمّوت فلّانّغ لماسيح لّيغ سول ا‑نتسالا دّنوب.

ءولا رّجا ءور‑راد‑اغ‑يژّيگُراژ، اشكو ربّي ءيعمّر ءولاون‑نّغ س‑لحنانت‑نس س‑تحكيمت ن‑رّوح لقودوس لّي‑اغ‑يفكا.

والاينّي ءورد غير مايان ا‑س‑ا‑نتفراح. ار‑نتفراح ءولا س‑ترفوفنت نّا‑دارنّغ‑يلّان، اشكو نسّن ءيزد س‑ترفوفنت ا‑س‑را‑گينّغ‑يتزاياد صّبر. ءولا س‑صّبر ا‑س‑را‑نتنرو تاسّاست نّا‑يلّان. ءولا س‑تنري ا‑س‑را‑دارنّغ‑ييلي رّجا.

ءيمّا غيلاد تلّا‑ياغ سّلامت غ‑گراتنّغ د‑ربّي ف‑وودم ن‑سيديتنّغ ياسوع لماسيح، اشكو ءيگا‑ياغ د‑ويد‑ف‑يرضا ف‑سّيبت ن‑ما‑سرس‑نومن. ف‑وودم لّماسيح ا‑ف‑اغ‑تلّا لباراكا‑ياد لّيغ سرس نومن. ار‑باهرا‑نتفراح س‑رّجا‑ياد‑اغ‑يفكا، اشكو نسّن ءيس‑راد‑اغ‑يشّكشم س‑لمجد ن‑ربّي.

غاكود لّي‑يقصاد ربّي، لّيغ سول نضعف، ءيمّوت لماسيح اد‑اغ‑يجّنجم نكُّني لّي‑ن‑يرورن تيغوردين‑نّغ س‑ربّي.

ءيمّا غيلاد غ‑يسكر سّلامت غ‑گراتنّغ د‑ربّي س‑لموت‑نس، نسّن باهرا ءيس‑راد‑اغ‑يجّنجم لماسيح زغ‑لغاضاب ن‑ربّي.

غاكود لّيغ ءيفّوغ ادام زغ‑واوال ن‑ربّي، ا‑يرور مدّن گّوتنين فّوغن زغ‑واوال‑نس. غاكود لّيغ ءيسكر ياسوع س‑واوال ن‑ربّي، ا‑يرور مدّن گّوتنين ءيرضو فلّاسن ربّي.

والاينّي ءورد غير مايان ا‑دارنّغ‑يلّان. نكُّني س‑لفرح ءيگّوتن ا‑س‑ا‑نتفراح س‑ربّي، اشكو ءيفكا‑ياغ سّلامت غيلاد غ‑گراتنّغ ديدس ف‑سّيبت ن‑سيديتنّغ ياسوع لماسيح.