Ayat Alkitab yang Popular daripada روما 4

Kongsi

يومن ربّي بلا‑اكُّ ءيشكّا غ‑واوال لّي‑س‑اس‑ينّا. ءيزايد ءيدوس غ‑ليمان‑نس ار‑يتالغ ربّي، ييسّان باهرا ءيس‑يژضار ربّي ا‑يكمّل مايلّي‑س‑اس‑ينّا س‑واوال ءيزگان.

غمكلّي ءيتياران: «گيغ‑ك د‑باباتسن ن‑ايت‑تميزار گّوتنين.» غمكاد ا‑س‑يگا ءيبراهيم باباتنّغ دار ربّي لّي‑س‑يومن، ا‑ت‑يگان د‑والّي ءيسّدّرن غويلّي مّوتنين، ار‑يتامر ما‑ور‑يلّين ا‑ييلي س‑يلّا.

ءيدحي‑ت ا‑يمّت ف‑سّيبت ن‑دّنوب‑نّغ، ءيسّنكر‑ت‑يد ا‑يسكر سّلامت غ‑گراتنّغ ديدس.

ءيمّا ءيبراهيم، واخّا ءور‑تا‑ياس‑يلّي يات غ‑مايلّي ءيترجو، ءيزوويد ار‑سول‑يترجو س‑ليمان ءيگّوتن ايلّيغ‑نّيت يوورّي ءيگا «باباتسن ن‑ايت‑تميزار گّوتنين.» ءينّا‑ياس ربّي: «غونشكاد ا‑راد‑گن تاروا‑نّك.»

ءيمّا غويلّي ءومنّين، نتني ا‑را‑يامژ كولّو ماياد. نتني ا‑مي‑را‑يسّافو ربّي اوال‑نس، باش ا‑ياكّا لباراكا‑نس ءي‑كولّو وينّا گانين تاروا ن‑يبراهيم، ءورد غير ءي‑ويلّي سكارنين س‑شّرع، والاينّي را‑ستّ‑ياكّا ءي‑ويلّي ءومنّين غمكلّي يومن ءيبراهيم. اشكو ءيبراهيم يوورّي ءيگا باباتنّغ كولّواغ،

ييني: «ءيمباركين اد‑گان وينّا مي ءيصامح ربّي ف‑دّنوب‑نسن، ءيسّيتّي فلّاسن غايلّي‑تن‑يشّحشّامن. امباركي ا‑يگا وانّا مي ءور‑يحاسب ربّي لمعصيات‑نس.»

ءيتيارا غ‑وارّا ن‑ربّي: «ءيبراهيم يومن ربّي، مايان ا‑ف‑ت‑يگا ربّي د‑واد‑ف‑يرضا.»