Ayat Alkitab yang Popular daripada Къанун 5

Kongsi

Дурго инсулги эбелалъулги адаб-хъатир гьабе, БЕТӀЕРГЬАН Аллагьас дуе кьураб ракьалда дурго гӀумру халатаб ва баракатаб букӀине.

Нужерго БЕТӀЕРГЬАН Аллагьас нужеда бихьизабураб нухккун хьваде. Гьебмехалъ нужер гӀумруги халалъила, баракатги букӀина нужее щвезе бугеб ракьалда.

Гьезие суждагун тӀагӀат-гӀибадат гьабуге; Дун дур БЕТӀЕРГЬАН Аллагьлъидал – хилиплъи хӀехьоларев, умумузул мунагьазе гӀоло, лъабабилеб ва ункъабилеб наслуялде щвезегӀанги гьезул лъималазул лъималазеги, Дун риханщиназе жаза гьабулев, амма Дун вокьулезул ва Дир амраби тӀуразарулезул наслабазе, гьезул азарабилел гӀелазде гӀунтӀунги, рахӀматал рикьулев.

Дуего ханлъи-лагълъиялъе гьересиаллагь гьабуге – тӀад зобалазда бугелъул яги гӀодоб ракьалда бугелъул, ралъдалъ яги ракьулъ бугелъул кинабгӀаги сипат-сурат гьабуге.

Дун тун батӀиял аллагьзаби дур рукӀине бегьуларо.

БЕТӀЕРГЬАНАСУЛ, Дурго Аллагьасул, цӀар бахъуге гӀадада кӀвар гьечӀого, кӀвар гьечӀого Жиндир цӀар бахъулев чиясе БЕТӀЕРГЬАНАС жаза гьабичӀого толарелъул.

Унго-унголъунги гьел кидаго хӀинкъулелани Дикьан, Дир амрабиги гьез тӀуразарулелани, гьезиеги гьезул лъималазеги миркалъго лъикӀ букӀинаан!

Шаматкъоялъул адаб гьабе – БЕТӀЕРГЬАН Аллагьасул амруялда рекъон, гьеб хирияб къолъун цӀуне.

Чияр лъадуде хьул лъоге, чияр рукъалде хьул лъоге, гьесул лагъасде яги лагъалде, чияр оцалде ялъуни хӀамиде – щибгӀаги чияр жоялде хьул лъоге“.

Зина гьабуге.

ГьересинугӀлъи гьабуге.

Чи чӀваге.

ЦӀогь гьабуге.

КӀочонге мунгоги Мисриялъул ракьалда лагълъун вукӀараблъи ва БЕТӀЕРГЬАН Аллагьас Жиндирго къудраталдалъун ва хӀалкӀолъиялдалъун мун гьениса нахъе вачараблъи. Гьединлъидал БЕТӀЕРГЬАН Аллагьас амру гьабулеб буго шаматкъоялъул къимат гьабеян.

Анлъго къоялъ хӀалтӀе ва тӀолалго дурго ишал тӀуразаре, амма анкьабилеб къо – гьеб ккола БЕТӀЕРГЬАН Аллагьасе батӀа гьабураб шаматкъо. Гьеб къоялъ дуца кинаб бугониги хӀалтӀи гьабуге – я дуца, я дур васас яги ясалъ, я дур лагъас яги лагъалъ, я дур хӀайваналъ, я дур шагьаралда чӀел гьабурав къватӀиса вачӀарав чияс. Биччанте дуцаго гӀадин хӀалхьи гьабизе дур лагъасги гъаравашалъги.

„Дун вуго дур БЕТӀЕРГЬАН, лагълъун мун вукӀараб ракьалдаса, ай Мисриялдаса, мун къватӀиве вачарав дур Аллагь.