Ayat Alkitab yang Popular daripada Hakafilipi 2

Kongsi

Mwa kutendera yenu mwathinda, ngambi kukununeka, ene mukukumbirupitha, gha kone ghumweya kukutekera muyendhendi kupiterera thinda. Kadi yomuhe ghopapenu yu gha kona kukukutekera thinda. Ene gha kutekere hamweya karo.

Yighayara yenu yi kare pofotji mumwenu, thika di yakara karo mwaKristus Jesusi.

Oyu gha karire muthishwi thaNyambi, yipara yendi yarikanyine kwaNyambi, mbadi gha kupambekire kughunyambi. Ene Aye, gha kumbirupithire apa gha gha karire muthishwi thoghupika no gha karire munu vene. No apa gha hokokire mughunu, thinda gha kumbirupithire pakukara ghutawedhi kate kukufa, kemo, kufa ku kwapathikurushe.

Yoyishi Nyambi yo ghana kurughana mumwenu. Aye yo ghana kumuhimena no kumutenda eshi, mu rughane yihima yendi yokupongoka.

Yodigho Nyambi gha mu kutekerire karo thikuma no gha mu pire Dina dyokupiterera mena ghomahe, eshi muDina dyaJesusi, yomuhe ghomudiwiru no ghopamuve gha kuvame manwi, no kehe rudimi runongonone eshi: “Jesus Kristusi ne Fumu!” kudifumanekero dyaNyambi Wihe.

Mu rughane yoyihe mbadi no ghushivana no ghukanunutha. Mu koneke eshi, mu kupongore mu kare noghuhunga. Mu kare hana Nyambi hokupira murandu mukatji kawanu hohayi no hamango. Mu tende mukatji kawo thinu yira hakamunyenge ghokaye.

Mwahakwa, amwe mwa karire ghutawedhi kehe pano, apa na karire nenu. Thikuma ne mu kare ghutawedhi ngambi mbadipo me. Mu rughanene makomweneno ghenu nodikuto nowoma.