Ayat Alkitab yang Popular daripada Hakafilipi 1

Kongsi

Ame na yidimuka thiwana eshi, Nyambi yu gha tangire thirughana thothiwa mumwenu, mbo ghana thi tendi kate paghuhura no mbo ghana thiyaritha, mudiyuwa dyomwiyero waKristus Jesusi.

No karo ho na kukanderera eshi, ruhakitho rwenu ruvure no rukure, thikuma ne mumaghano no muyikara. Kate mbo mu kone kupongora paghuhunga yinu. Ndani po mbo mu pira makoghawero no murandu temba mudiyuwa dyomwiyero waKristusi.

Yoyishi, mughuyumi kukwange ne yoKristusi. Mukufa kwange ne moyo ghororuheya.

Ame na kutumera Nyambi roruhe, pakumuvurukanga.

Thinu thothikuru ne thino eshi, yipara yenu yikununge pofotji nombudhi dhaKristusi. Ngeshi mbo niye, mbo na na yimono nothinda. Ngambi ngeshi mbadi mbo ni kona kwiya, mbo na na yiyuvu mumbudhi eshi, shemwa muna tanara pofotji mukurwera matawero mumbudhi dhodhiwa.

Edi ne dyodirura dyange dyodikuru. No makurupero eshi, mbadiko thi mbo ni tenda ethi mbo thi ni fitha honyi. Ame na himi karo pashan̂anyi‐n̂anyi no thika roruhe no ghutjimapa mumoyo wange ghoghuhe, mukufumaneka Kristusi mumoyo wange no mukufa.

Nyambi gha mu tawedhire mu karere Kristusi. Ene mbadi kutawa muMwendi keho, no pakumunyandera karo.