Ayat Alkitab yang Popular daripada Marco 6

Kongsi

Mãɨya p'anɨne ẽpẽerã minachia cheepɨrɨsidama. Ãchi k'aripa p'anɨpa p'ue nek'odaé pasima. Mãɨpuru Jesupa jarasima: —Wãtɨma ẽpẽerã newẽmá mãma ɨ̃apaadai k'orea.

Mãɨpuru Jesupa jarasima: —Tachi Ak'õre pari pedeaparí tua awaraɨdepemarãpa wap'eapatama, maamina ara ichi tuadepemarãpa, chi ichi ũpẽarã ara k'ait'apemarãpa mãɨnepa chi ichi tedepemarã pida wap'eadak'ama.

Jesú p'ãp'orrodepa edá batoorude mãɨ ẽpẽerã minachia nɨbɨ unuk'ari, sõchupuriasima, ãchi oveja chi ak'ɨparí newẽa p'anɨ jĩra p'anana pẽra. Mãɨ k'orea ãchiá ne ãarea jaratea beesima.

Mãma Jesupa ne oodak'apɨ́ p'ue ooé pasima. Abapuru chi eda k'ɨdade be ɨ̃rɨ ichi jua bɨrude jɨpa beepik'oasima. Ichi p'uurudepemarãpa ĩjãanaé pada pẽra Jesupa k'awa k'ɨ̃risiawẽa beesima. Jesupa p'uuru chak'e becha jaratea wãsima.

Jesupa p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jedadamẽrá. Beta ume p'anɨ sida teasima jedadamẽrá. Maapae ãareaɨrã nek'odak'ari jãwaasidama. Chi Jesú p'ɨrrɨapataɨrãpa p'ana mãɨnepa beta pichoada jɨrɨp'esidaɨde jabara k'ak'o doce ipirupisidama.