Ayat Alkitab yang Popular daripada اِنجِیل شریف (لُوقا) 5

Kongsi

جِس ویلے اُنہاں اپݨیاں گلاں ختم کِیتیاں تے حضرت شمعُون کی آخیا، ”بیڑی کی ڈُونگے پاݨِیئے وِچ کَھڑ، تے مَچھیاں پوڑݨے واسطے اپݨے جال سٹ!“

حضرت شمعُون جواب دِتا، ”حضُور، اَساں ساری رات بہُوں محنت کِیتی اَے، پر کُجھ وی حاصل نی ہویا۔ پر تُساں نے آخݨے اپر فِر میں جال سٹی شوڑنا آں۔“ جِس ویلے حضرت شمعُون تے اُنہاں نے ساتھیاں جال سٹے، تے اِتنیاں مَچھیاں پغڑیاں کہ اُنہاں نے جال ترُٹݨے شرُوع ہوئی گئے۔

حضرت عِیسیٰ فِر وی دُعا کرنے واسطے ویلا کڈی کِہننے سݨ، تے کُسے پاسے اِیئَے جہئی جغہ ٹُری جاݨے سݨ جِتھے کُسے نا اَچھݨا جاݨا ناں ہووے۔

میں اُنہاں لوکاں واسطے ناں آیا جیہڑے اپݨے آپ کی ایماندار سمجھݨے اݨ، بلکہ اُنہاں واسطے جیہڑے غُنہگار اݨ، تانکہ او اپݨے غُناہواں کی چھوڑی کے توبہ کرݨ۔“

جِس ویلے حضرت شمعُون اے گل تکی، تے حضرت عِیسیٰ نے پَیراں وِچ پئی کے آخیا، ”حضُور! تُساں مہاڑے کولوں ہٹی جاؤ، کِیئانکہ میں بہُوں غُنہگار آں!“

حضرت عِیسیٰ اُنہاں نی گل سُݨی کے آخیا، ”صحت مند لوکاں کی ڈاکٹر نی لوڑ نی ہوݨی، بلکہ بِیماراں ہی کی اُس نی لوڑ ہوݨی اَے۔

اے گل سُݨی کے اُنہاں بیڑی کی کِنارے اپر ہِݨی آندا، تے سب کُجھ اُتھے ہی چھوڑی کے حضرت عِیسیٰ نال ٹُری گئے۔

جیہڑے ویلے حضرت عِیسیٰ اِک شہر وِچ سݨ، تے اُتھے اِک اِیئے جہیا بندہ آیا جِسی کوہڑ نی بیماری سی۔ اُس بندے جُوں ہی حضرت عِیسیٰ کی تکیا، تے اُنہاں نے پَیراں وِچ پئی گیا تے مِنت کرݨ لغا، ”حضُور، تُساں چاہو، تے مِکی شِفأ دیئی کے اِس تُوں پاک کری سکݨے او!“ حضرت عِیسیٰ اپݨا ہتھ اگے کری کے اُس کی لایا تے آخیا، ”میں چاہݨا آں۔ تُوں پاک ہوئی جا!“ اُس بندے نا کوہڑ اُسے ویلے ختم ہوئی گیا۔

حضرت عِیسیٰ نے منع کرنے نے باوجُود اُنہاں نی شُہرت پھیلی گئی، تے بیشمار لوک اُنہاں نی تعلِیم سُݨنے واسطے تے بیماریاں تُوں شِفأ پاݨے واسطے اُنہاں کول اچھݨے رہے۔