Ayat Alkitab yang Popular daripada اِنجِیل شریف (لُوقا) 4

Kongsi

’اللّٰہ تعالیٰ نا رُوحِ پاک مہاڑے اپر اَے، کِیئانکہ اُس مِکی خاص طور اپر چُݨیا اے تانکہ میں غریباں کی خُوشی نی خبر سُݨاں۔ اُس مِکی پہیجیا اے تانکہ قیدیاں کی رِہائی نا تے اَنّہیاں کی بینائی نا پَیغام سُݨاں۔ مِکی اِس واسطے وی پہیجیا گیا اَے کہ مظلُوماں کی ظُلم تُوں چھڑاں، تے اِس گل نی خبر دیاں کہ او ویلا آئی گیا اے جدُوں اللّٰہ تعالیٰ اپݨے بندیاں اپر فضل کرسی۔‘

تے فِر حضرت عِیسیٰ اُسی آخیا، ”کلامِ پاک وِچ لِخیا اَے کہ ’صِرف ربّ نے اگے سجدہ کرو جیہڑا تُساں نا خُدا اَے، تے اُسے نی عِبادت کرو۔‘ “

حضرت عِیسیٰ جواب دِتا، ”کلامِ مُقدس وِچ لِخیا اَے کہ ’اِنسان صِرف روٹی کھاݨے نال ہی نی زِندہ رہݨا۔‘ “

فِر حضرت عِیسیٰ رُوحِ پاک نال پہرے وے دریائے اُردن تُوں واپس مُڑی گئے۔ او رُوحِ پاک نی ہدایت نال چالی دیہاڑے بیابان وِچ رہے،

پر حضرت عِیسیٰ آخیا، ”کلامِ پاک وِچ اے وی لِخیا اَے کہ ’تُساں ربّ نا اِمتحان ناں کِہنو، جیہڑا تُساں نا خُدا اَے۔‘“

جیہڑے ویلے شیطان حضرت عِیسیٰ کی سارے طریقیاں نال آزمائی رہیا، تے کُجھ دیر واسطے اُتھوں ٹُری گیا۔

فِر شیطان، حضرت عِیسیٰ کی اِک بہُوں اُچّے پہاڑ اپر ہِݨی کھڑیا، تے اِک لَمحے وِچ اُنہاں کی دُنیا نیاں ساریاں بادشاہتاں دَسسیاں، تے آخݨ لغا، ”اے سارا کُجھ میں تُکی ہی دیساں، کِیئانکہ اے سَب کُجھ مہاڑے حوالے ہوئی گیا اَے تے میں جِسی چاہاں دیئی سکݨا آں۔ کدے تُوں مہاڑے اگے جُھکیں، مہاڑی تعظیم کریں، تے اے سارا کُجھ میں تُکی دیئی شوڑساں!“ تے فِر حضرت عِیسیٰ اُسی آخیا، ”کلامِ پاک وِچ لِخیا اَے کہ ’صِرف ربّ نے اگے سجدہ کرو جیہڑا تُساں نا خُدا اَے، تے اُسے نی عِبادت کرو۔‘ “

فِر شیطان اُنہاں کی یرُوشلم شہر وِچ بڑے عِبادت خانے نی سب تُوں اُچّی جغہ اپر کھڑیا، تے آخݨ لغا، ”کدے تُوں اللّٰہ تعالیٰ نا پُتر ایں، تے اِتھوں تھَلے چھال مار، کِیئانکہ کلامِ پاک وِچ اے لِخیا اَے، ’اللّٰہ تعالیٰ تُہاڑی حِفاظت کرنے واسطے اپݨے فرِشتیاں کی حُکم کرسی، تے او تُکی اپݨے ہَتھاں وِچ چائی کِہنسݨ، تانکہ تہاڑے پَیراں اپر کُسے بَٹّے نی وی چوٹ ناں لغے۔‘ “ پر حضرت عِیسیٰ آخیا، ”کلامِ پاک وِچ اے وی لِخیا اَے کہ ’تُساں ربّ نا اِمتحان ناں کِہنو، جیہڑا تُساں نا خُدا اَے۔‘“