Ayat Alkitab yang Popular daripada Kulonga 32

Kongsi

Lino bantu nibakabona kuti Mozesi wakkala ciindi cilamfu kucilundu akuti taakwe naakapiluka, bakabungana kuzinguluka Aloni, bakati kulinguwe, “Yebo tubumbile baleza batusolwede. Nkaambo tatuzi cacitika kuli Mozesi ooyu wakatugwisya munyika ya Ijipiti.”

Lino Mwami Leza wakaambila Mozesi kuti, “Fwambaana, useluke ubweede nkaambo bantu bako mbookagwisya mu Ijipiti batalika kulisofwaazya lwabo beni. Basiya kale nzila njendakabalailila kuti baitobele. Babumba moombe wangolida, bamukomba akupaizya kulinguwo. Baamba kuti, ‘Nobaisilayeli, ngooyu Leza wesu wakatugwisya mu Ijipiti.’”

Naakamvwa boobo Aloni wakayaka cipaililo kumbele lyamoombe. Mpoonya wakaambilizya kuti, “Ijunza kuzooba pobwe lyakulemya Mwami Leza.” Nibwakaca cifumo-fumo bakapaizya zipaizyo zyakutenta alimwi bakaleta zituuzyo zya lumvwano. Eelyo bantu bakali kulya akunywa, bamane bakatalika kucita zisofweede.

Nibwakaca Mozesi wakaambila bantu kuti, “Mwakacita cinyonyoono cipati ciyoosya. Pele ndilabweeda mucilundu ku Mwami Leza. Ambweni inga ndaakumukombelezezya mulandu wanu.”