Ayat Alkitab yang Popular daripada Eksodɔs 32

Kongsi

Na aber a ɔman no hun dɛ Moses ekyinkyim dɛ obesian efi bepɔw no do aba no, ɔman no boaa hɔn ano wɔ Aaron nkyɛn, na wɔsee no dɛ, Soɛr, yɛ enyame ma hɛn, ma wondzi hɛn enyim; na Moses yi, nyimpa a ɔdze hɛn fi Egypt asaase do bae no dze, yennyim dza ayɛ no.

Na EWURADZE kaa kyerɛɛ Moses dɛ, Sian famu, kɔ; na wo man a edze hɔn fi Egypt asaase do bae no, asɛɛ hɔnho: wɔadan efi kwan a mekyerɛɛ hɔn no do ntsɛmara afa nkyɛn: wɔayɛ nantwiba a woegu ama hɔn ho, na wɔasɔr no, na wɔabɔ afɔr ama no, na wɔase dɛ, Israel, iyinom nye w’enyame a woyii wo wɔ Egypt asaase do bae.

Na aber a Aaron hun hɔn enyigye wɔ ho no, osii afɔrmbukyia wɔ n’enyim; na Aaron bɔɔ dawur, na ɔsee dɛ, Ɔkyena nye EWURADZE afahyɛ. Na wɔsoɛɛr ahanamakye, na wɔbobɔɔ ɔhyew afɔr, na wɔdzedze asomdwee afɔr bae; na ɔman no tsenaa famu dzidzii, na wɔnomee, na wɔsoɛree goree.

Na ɔbaa dɛ adze kyee no, Moses see ɔman no dɛ, Hom afom mfom kɛse: na afei mobɔfow akɔ EWURADZE nkyɛn; gyangyanbiara mubotum mapata wɔ hom bɔn no ho.