Ayat Alkitab yang Popular daripada Márcos 11

Kongsi

Jecute yuruode quigode jé u udore ome uaque jnese: cuchade jnese ujetiga atáyoi Dupade enga ca ayáyo uacangoroné ome. Mu ejnáñopise uágaja uacanguretigárigo ome uté yui, ga a jé u jne ujetiga pisi ome cuchárique uté ome uaque gosi.

Enga chojningápome ore rĩ: –Jé ũrepise yu ome yuruode udojo quigode: ujetiga uacuñeque chojningárasa ome cucarãte cuchátique: "Be ga écãre bajogatíguiji bajogadi uté ga bo ga ṍra ua aja yote quedéjnarique," mu qui tu ujetiga ca uaque gosi áyipieraque cho quiyíguiyí ome uté mu chejnápise raja danguretigade enga a jé jogadi u ujetiga uté gosi uruode tocade.

Mu ujetiga qué uacagúsoi uacacatecãraitigade udore gai mu uacuñeque jnusina detétigarigome dojórique ayoré ga jĩrique uaque gosi doi enga chiramurase detétigade udore iji dajei. Ga a jé Dupade chijna uaque gosi jmapié jne enga chĩro uaque gosi isijnaringuéone to.

Mu Jesús chajnai uté uruode ga chojninga: –Beyoi ga anguretáyopise Dupade to.

Enga Jesús chacate ore ga chósi tome udore ore: –Ore urusarane Dupade urúo déji uje quigode chósi te: "A yiguíjna cuchábi udé chise dáringárique ibijoque jne ome ducunirone jnese ujetiga ore gajneque ujetiga ore catecã́ri Dupade iji ajei." Mu oriechoquíode uaque, uacoyo uacacoyapídi iji Dupade iguíjna cuchábi udé, uje uacaráño uacojode ayoréo iji udé ome cuchade oredie udire.

Mu udore ore uje ore déji Jesús iquei iji dajei, jé aja quigaminórone ore rĩ ore tibidája dajei ga ore pijnane chósi te: –Peduguéjna cuchape uté é. Dupade edopi tu uté enga utocaidipísi upo rĩ ome uyóguiji udé jnumi.

Pitijabate opejãre uté enga úringárique yoqueduguéjna e puja yui ujetiga chimate raja. Enga a jé dopísi yocai jnani bajai David jmapiedie jne ome yoque. Beyoi ga yejnángo yógaja ujetiga yicotágo Dupade ome udore yui.