Ayat Alkitab yang Popular daripada Márcos 10

Kongsi

Uacamóño uje jé chuságaja Dupade utocaidipísi uyu. Uje que yise erámi udé gu ujetiga yo yijosipié ome uaque mu yigaidi tu ujetiga yo uacaróguiji yu iji yoquiquitígo erámio. Mu yigaidi tupo rĩ ujetiga yẽra yu ome erámi unirisórone uaque ga a jiépisi yimanitígo uaque jne aja uacáringáringo piquetaque.

Mu Jesús chajire dacadigode ga chósi tome ore: –Que toc ujetiga jnanírique doi ga chiqueta re. Mu que cuchárique piragome Dupade gotique. Jecute uté u ujetiga chiqueta uacuñeque jne.

Enga Jesús chojningame uté: –Bo jne, chamáñaje bangureta yu gu, jecute yiqueta ua.– Jesús urúo udojo ga jé u uje jnani edopari jĩrique chimo dajirigode to rĩ. Enga nóna Jesús aja dajei to.

Jecute a gajnareque ujetiga jnanione ore chejñu cuchárique uje e Dupade oite ore aja ñane que.

Jesús chajire jnani uté mu jé u uje chosõripise ome uru quigode udore. Ga jé u uje chojningame: –Cucha amiri chojmarápise ome ua ujetiga be ga apésu uté. Be ga be bagúchade udore enga ẽra jnese jne. Ga asi ome orérigui ome ayoré jmatágode ore jne. Ga a jé u ujetiga Dupade tẽrája ua ome bacaniratiguei tuté iji gaté, ujetiga ese báringárique ataque jne iji gaté. Mu ujetiga e amate bacaniratiguérigo ome jmatágode ore enga bo ga ca acusu ua ome yiquigade jne.

Jecute Jesús catecã́ri enga chojninga: –¿Jé bajegaitique ujetiga yipésu ome ua?– Mu jnani edopari chojninga: –Ore acadisṍri á, cachi yajegaidi u ujetiga achẽre yedodie gáyode ga yimópo yajiritígo to rĩ.

Mu ca ajnáño udore ore jmapiedie udire ome ñane to go. Mu jé basa ga uacuñeque pota dáringárique ibijoque ga ca uaque gosi chajirape dei ome cuchárique mu uaque gosi doi ga chátaja cuchade aja dojórique ayoréo gatuac.

Jé ũrepise yuruode udore ome uaque: ujetiga ca uacuñeque chosi disatique ome darasitigai ome Dupade yui ujetiga chopise deduguéjnai iji enga a ca toque jne ujetiga chise dáringai Dupade urása.

Mu Jesús qué jno doquigode cucha údi ga chósi tome ore: –A ayoré uásejnaringo déji ujetiga ore cho ibijóguiji raque iji jnumi udé. Jé basa ga a ca ore pijoque to jne iji Dupade idai. Mu jé basa ga uásejnapise ore to uje ayoré gajnareque ore iji jnumi udé mu a ore chise dáringáringo ibijócho jne iji Dupade idai.

Mu uje Dupade pésu cuchade jnese iji taningápisi ga áyipie quigode u nanique ujetiga jnanírique, chequéraque ca ore cho jmíti, jmíti ome ñane. Uje Dupade uruode chósi te: "Dupade pésu jnani nanique ga pésapo chequé rĩ." Dupade uruode uñane dépoji rĩ uje chósi te: "Jecute a ayorérique chirame danique, datéraque ore jne ga uté gosi jno enga jõra a upúsu dacoté aja tijórigo jne. Mu udore a gajnui tu ujetiga e que garapo jnani, chequé ore to gotique, mu e ore nóña ga chopise ujetiga e chojmára ore ome ñane."