Ayat Alkitab yang Popular daripada Mattheos 24

Kongsi

Hehan wicoḣan śica ota icage kta, heon wicota waśtedake ciqon he sni aye kta. Tuka tuwe owihanke hehanyan najin kinhan he ni kta.

Unkan wokiconze wotanin waśte kin de maka kin owancaya oyakapi kta, oyate owasin en wotanin un kta; qa hehan owihanke kta.

Unkan wicokicize qa kicizapi oyakapi kin nayaḣonpi kta; ihnuhan nihinniciyapi kinhan; hena owasin hecetu kte, tuka owihanke kin hinaḣinke śni.

Oyate wan oyate azuwicaye kta, qa wokiconze wokiconze anatan kta; qa tuktekten wicaakiḣan qa makośikśica qa maka śkanśkan yuke kta. Dena owasin wicoiyokiśice tokaheya kin hee.

Maḣpiya maka ko ihanke kta, tuka mioie kin owihanke kte śni.

Wicota mi caje on upi kta qa, Messiya he miye ce, eyapi kta; qa wicaśta ota wicahnayanpi kta.

Hehan wicokakije en yeniyanpi kta qa niktepi kta; qa micaje on oyate owasin śicenidapi kta. Unkan hehan wicaśta ota śihdapi kta, qa otoiyohi kicihnayanpi kta qa śicekicidapi kta. Qa wicaśta wokcan itonśni ota icagapi kta, qa wicota wicahnayanpi kta.

Unkan Jesus waayupte c̣a hewicakiya; Ihnuhan tuwe nihnayanpi kinhan.

Heon etanhan niś eya wiyeya un po; Wicaśta Cinhintku kin wihiyayedan oape tukte wanji en hi kta, he sdonyayapi śni.

Heon etanhan waktaya un po, wihiyayedan oape tukte en Itancan nitawapi u kta sdonyayapi śni.

Tuka anpetu kin he, qa wihiyayedan oape kin he tuwedan sdionye śni; maḣpiya ohnihde kin hena sdonyapi śni; Ate ecedan sdonya.

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Nowa taanpetu qon hena, Wicaśta Cinhintku kin hi kte cin iyecece kta. Minitan qon isanpa anpetu kin hena en, wotapi qa wayatkanpi, winoḣinca wicayuzapi qa wicaśta hihnawicayapi ece, Nowa wata kin en iyaye cin anpetu kin hehanyan; Qa iyukcanpi śni, ecen minitan aye c̣a iyuḣpaihangwicaya: iho, Wicaśta Cinhintku kin u kte cin he iyecece kta.