Ayat Alkitab yang Popular daripada Mattheos 23

Kongsi

Qa tukte wanji iniyotanpi kta hecinhan, he wowidake nitawapi ee kta.

Tuwe yuwankan iyeic̣iye kta hecinhan, he yuhukun eḣpeyapi kta; qa tuwe ihduhukuya hecinhan, he yuwankan iyeyapi kta.

Wowapi kagapi qa Pharisee kin, wananic̣iḣmanpi, woteḣi niciyankapi nunwe; ceyakata waḣpe skuya, wacanga ko, iwikcemna kin waduśnapi ece; qa woope kin en taku tanka, woowotanna, wowaonśida qa wowacinye, hena ayaktapi śni ece; dena e ecanonpi kta, qa unma nakun econ śni yaunpi kte śni tuka.

Wowapi kagapi qa Pharisee kin, wananic̣ihmanpi, woteḣi niciyankapi nunwe; wakśica wiyatke ko akantanhan duskapi ece, tuka mahen wamanonpi qa wicotawacin śica on ojugjudan.

Jerusalem, Jerusalem, wicaśta wokcan wicayakte sa, qa tona niye ekta yewicaśipi qon hena inyan on wiqayakinin ece qon, wahupakoza wan iye cinca ḣupahu ihukuya wicatpahi ece kin, he iyecen wanna ota nicinca wicawapahi kta wacin, tuka niye wicayadapi śni ece.

He iyecen niyepi wicaśta ekta akantanhan owotanna yaunpi seececa, tuka mahentanhan wanaic̣iḣmanpi qa woowotanna śni on onijupidan.