Ayat Alkitab yang Popular daripada Bugna 3

Kongsi

Pamati ka! Nagatindog ako sa pwertahan kag nagapanuktok. Kon may makabati sang akon tingog kag mag-abri sang pwertahan, magasulod ako sa iya balay, kag magakaon upod sa iya, kag sia magakaon upod sa akon.

Nahibaluan ko ang imo mga binuhatan. Nahibaluan ko nga indi ikaw mabugnaw ukon mainit. Luyag ko kuntani nga mabugnaw ka ukon mainit! Pero tungod kay maalabaab ka lang, indi mainit kag indi man mabugnaw, akon ikaw isuka!

Ginasaway ko kag ginasilutan ang tanan nga akon ginahigugma. Gani, magmainit ka, kag mag-untat sa imo pagpakasala.

Nahibaluan ko kon ano ang imo ginahimo. Nahibaluan ko nga may diutay ka nga gahom. Nagtuman ka sang akon pagtulon-an kag nagmatutom ka sa akon. May gin-abrihan ako nga pwertahan sa atubang mo, nga wala sing may makasira.

Ang mga nagadaog papungkoon ko sa akon tupad sa trono, subong nga ako nagdaog, kag karon nagapungko sa tupad sang akon Amay sa iya trono.

Nagasiling ka, ‘Manggaranon ako kag may madamo nga mga pagkabutang. Wala sing nakulang sa akon.’ Pero wala ka makahibalo kon daw ano ikaw ka makaluluoy kag kailo! Imol ka, wala sing bayu kag bulag.

Tungod kay nagtuman ka sa akon sugo nga magbatas sa imo mga kabudlayan, pagaapinan ko man ikaw sa mga kalalat-an nga magaabot sa bug-os nga kalibutan sa pagtilaw sang tanan nga mga tawo sa duta.

Magaabot ako sa labing madali. Hupti ang yara sa imo agod nga wala sing may mag-agaw sang padya nga imo nadaog.

Gani, magmata ka, kag palig-una ang nabilin pa sa imo, sa wala pa ini mapatay sing bug-os. Kay nasapwan ko nga ang imo mga binuhatan indi pa himpit sa panulok sang akon Dios.