Ayat Alkitab yang Popular daripada Bugna 2

Kongsi

Pero amo ini ang nasawayan ko sa imo: wala ka na nagahigugma sa akon subong sang imo paghigugma sa akon sang una.

Dumdoma kon daw ano kataas sang imo nahulogan! Mag-untat ka sa pagpakasala kag himua ang imo ginhimo sang una. Kon indi ka mag-untat sa pagpakasala, kadtuan ko ikaw kag kuhaon ko ang imo kandelirohan sa iya lugar.

Indi ka magkahadlok sa bisan ano nga madali mo na lang pagaantuson. Pamatii ini! Pagatilawan kamo sang Yawa paagi sa pagpabilanggo sang iban sa inyo. Ang inyo mga pag-antos magalawig sing napulo ka adlaw. Magmatutom ka sa akon, bisan nagakahulogan ini sang kamatayon, kag pagahatagan ko ikaw sang korona sang kabuhi.

“Gani, ang may mga dulonggan, magpamati sa ginasiling sang Espiritu sa mga iglesia! “Sa mga nagdalaog, tugotan ko sa pagkaon sang bunga sang kahoy sang kabuhi nga nagatubo sa Hardin sang Dios.

Nahibaluan ko ang imo mga binuhatan. Nahibaluan ko kon daw ano ang imo pagpangabudlay, kag kon daw ano ang pagpailob mo. Nahibaluan ko nga indi ka makapabaya sang malaut nga mga tawo kag ginatilawan mo ang mga nagapakaapostoles, pero indi sila mga apostoles, kag imo nasapwan nga mga butigon sila.

Mapainulobon ka, nag-antos ka sang mga kabudlayan tungod sa akon, kag wala ka magbiya sa pagsunod sa akon.

“Gani ang may mga dulonggan, magpamati sa ginasiling sang Espiritu sa mga iglesia! “Sa mga nagdalaog hatagan ko sang mana nga tinago. Hatagan ko man ang kada-isa sa ila sang puti nga bato, nga nasulatan sang bag-o nga ngalan, nga wala sing may nakahibalo, kundi ang nakabaton lamang sini.