Ayat Alkitab yang Popular daripada Mga Hebreo 11

Kongsi

Ang pagtuo amo ang pagsalig sang mga butang nga aton ginalauman, ang kasigurohan sang mga butang nga indi naton makita. Tungod sang ila pagtuo, ang mga katawhan sadtong una nga mga panag-on ginpakamaayo sang Dios.

Wala sing tawo nga makapahamuot sa Dios kon wala sia sing pagtuo. Kay ang bisan sin-o nga nagapalapit sa Dios dapat magtuo nga may Dios, kag nagahatag sia sing balos sa mga nagapangita sa iya.

Tungod sa pagtuo, mahangpan naton nga ang kalibutan gintuga paagi sa pulong sang Dios. Aton man nahibaluan nga ang mga butang nga sarang makita nahimo halin sa mga butang nga indi makita.

Tungod sa pagtuo, si Abraham nagtuman sang pagtawag sang Dios sa iya, kag nagkadto sia sa duta nga ginsaad sang Dios nga ihatag sa iya. Ginbayaan niya ang iya kaugalingon nga duta nga wala makahibalo kon diin sia makadto. Paagi sa pagtuo nag-estar sia nga daw isa ka dumoluong sa duta nga ginsaad sang Dios sa iya. Nag-estar sia sa mga tolda subong nga si Isaac kag si Jacob amo man. Nagbaton man sila sang amo man nga saad sa Dios.

Tungod sa pagtuo, si Noe nakabati sang mga paandam sang Dios nahanungod sang palaabuton nga mga butang nga indi niya makita. Gintuman niya ang Dios, kag naghimo sia sang arka nga paagi sini, sia kag ang iya panimalay naluwas. Sa sini nga paagi, ginkondenar ang kalibutan, kag si Noe ginbaton sang Dios paagi sa pagtuo.

Tungod sa pagtuo, si Enoc wala mapatay kundi gindala sia sa Dios, kag wala na sing may nakakita sa iya, tungod kay ang Dios nagdala sa iya pa ibabaw. Ang kasulatan nagasiling nga sang wala pa si Enoc gindala pa ibabaw, nakapahamuot sia sa Dios.

Tungod sa pagtuo, si Abel nagdulot sa Dios sang halad nga mas maayo pa sang sa kay Cain. Paagi sa iya pagtuo, ginkilala sia sang Dios subong nga matarong nga tawo, tungod kay ang Dios gid amo ang nagbaton sang iya mga dulot. Paagi sa iya pagtuo, si Abel bisan nga patay na, nagahambal pa gihapon.

Tungod sa pagtuo, si Abraham nangin-amay, bisan pa nga tigulang na gid sia kag si Sara mismo indi naman makapamata. Nagsalig sia nga ang Dios magatuman sang iya ginsaad.

Kay si Abraham nagpaabot sang isa ka siudad nga ginplano kag ginpatindog sang Dios, ang siudad nga ang iya mga sadsaran malig-on.

Tungod sa pagtuo, sang daku na si Moises, wala sia magpasugot nga tawgon sia nga bata sang anak nga babayi sang hari. Ginpasulabi niya ang pag-antos upod sa mga tawo sang Dios sang sa magpangalipay sa sala sa malip-ot lamang nga tion. Ginkabig niya nga ang pag-antos tungod sa Cristo mas maayo pa sang sa tanan nga mga manggad sa Ehipto, kay ginapaabot niya ang palaabuton nga balos. Tungod sa pagtuo, ginbayaan ni Moises ang Ehipto nga wala mahadlok sa kaakig sang hari. Indi na gid sia magbalik, subong nga daw nakita niya ang indi makita nga Dios.

Tungod sa pagtuo, si Abraham naghalad sang iya anak nga si Isaac, sang gintilawan sia sang Dios. Bisan sia ang ginsaaran sang Dios, si Abraham handa sa paghalad sang iya bugtong nga anak.

Tungod sa pagtuo, si Rahab, ang babayi nga nagbaligya sang iya dungog, wala mapatay upod sa mga wala magtuman sa Dios, kay ginbaton niya sing mainabyanon ang mga espiya sang Israel.

Tungod sa pagtuo, nakatabok ang mga taga-Israel sa Mapula nga Dagat nga daw pareho lang sang mamala nga duta. Sang magpangahas ang mga Ehiptohanon sa pagtabok, ginlapawan sila sang tubig, kag nagkalalumos.

Tungod sa pagtuo, ang mga pader sang Jerico narumpag, sa tapos makamartsa ang mga Israelinhon sa palibot sini sa sulod sang pito ka adlaw.

Tungod sa pagtuo nagsugod sia sa paghiwat sang Piesta sang Pascua kag nagsugo sa pagwisik sang dugo sa mga pwertahan, agod nga ang Anghel sang Kamatayon indi magpatay sang panganay nga mga lalaki sang mga Israelinhon.

Tungod sa pagtuo, sang madali na lang mapatay si Jose naghambal sia nahanungod sang paghalin sang mga taga-Israel sa Ehipto, kag nagpamilinbilin sia nahanungod sang ila pagahimuon sa iya mga tul-an.

Tungod sa pagtuo, sa wala pa mapatay si Jacob ginbendisyunan niya ang tagsa ka anak ni Jose, kag nagsimba sia sa Dios nga nagapanukod sa iya sungkod.

Tungod sa pagtuo, si Isaac nagsaad sing palaabuton nga mga kaayuhan kay Jacob kag kay Esau.