Ayat Alkitab yang Popular daripada Mga Hebreo 10

Kongsi

Indi naton pagbayaan ang aton kinabatasan nga pagtililipon, subong sang ginahimo sang iban. Sa baylo, maglinaygayay ang isa kag isa, labi na gid kay nahibaluan ninyo nga malapit na ang Adlaw sang Ginoo.

Magkabalaka kita sa isa kag isa, nga nagabinuligay sa pagpakita sang gugma kag sa paghimo sing maayo.

Magmalig-on kita sa paglaom nga aton ginapabutyag, tungod kay masaligan naton ang Dios sa pagtuman sang iya saad.

Kinahanglan mapinasensyahon kamo, agod nga matuman ninyo ang kabubot-on sang Dios kag mabaton ninyo ang iya ginasaad.

Gani magpalapit kita sa Dios, nga may sinsero nga tagipusoon kag malig-on nga pagtuo, nga may hunahuna nga natinluan sa malaut nga konsensya, kag mga lawas nga nahugasan sang tubig nga matinlo.

Gani indi ninyo pagdulaa ang inyo pagsalig, tungod kay may daku ini nga balos.

Kay wala na sing halad nga makakuha sang mga sala, kon magpadayon kita sing hungod sa pagpakasala sa tapos mapakilala sa aton ang kamatuoran. Sa baylo, ang aton lamang pagahimuon amo ang paghulat nga may kahadlok sang palaabuton nga Paghukom kag masingkal nga kalayo nga magalaglag sang mga nagasumpong sa Dios!