Ayat Alkitab yang Popular daripada Rómà ŋa 12

Kongsi

È máa kɛ́ ìlò-ɔ̀nyà-ayé yèé ŋa. Kà kàa bɛ́ɛ̀, è kɔ ara-ŋɛ́ dzɔ̀ɔ́ fú Ɔ̀ɖáyé, tsí kó tɔ́tse ìsérè-ŋɛ́, tsí kó ɖi titɔ̃, tsí ìtsèntse-ŋɛ́ ŋa kó kpàrɔ̀ kpó. Ńbɛ̀ɛ́, è nákó nyáa wà rí awù-Ɔ̀ɖáyé mà. È nákó ma iŋɛ́ yèé dzɛ́ iŋɛ́-ire#ɛ́ òŋu iŋɛ́ yèé náa dzɔdzú‐ɛ̀#ɛ́ má nára-iŋɛ́ yèé sã̀ dzálɛ̀ kpó#ɛ́.

Ìnàbí-mi ŋa, Ɔ̀ɖáyé rí ànyínɔ́ fú wa tó bɛ́ɛ̀ gbà nɔ́ɔ̀nà ŋa ńǹrɔ́ǹrɔ́. Kíbí ó dzɛ́ bɛ́ɛ̀#ɛ́, ǹ wà ɖáàmí le ŋɛ́ ní e mú ara-ŋɛ́ ŋa bɔwɔ́‐ɛ̀, tsí kó dzɛ́ ɛbɔ yèé è wà mú ara-ŋɛ́ náàyɛ̀ náàyɛ̀, tsí wà ń tse fúu#ɛ́. Ɛbɔ#ɛ́ nákó dzɛ́ tɛ̀ɛ̀ dzálɛ̀ kpó, tsí nákó dzɔdzú‐ɛ̀ gbo. Bí è tse bɛ́ɛ̀, nákó dzɛ́ Ɔ̀ɖáyé ní è wà sɛ̃̀ nóòtítɔ́#ɛ́.

Ayè gbo kó wà tɛ́ ŋɛ́ nára-kíbí è módzú si nɔ́ɔ̀nà si fú Ɔ̀ɖáyé si#ɛ́. Bí ìkparà-kã̀ gbo wá ńǹtá-ŋɛ́, è náa gbódzú, tsí e tɔ́wɔ́ gbàá. È náa wà ńǹre wúwú gbo si fú Ɔ̀ɖáyé ńǹwèrè ɔ̀kã̀lɔ́ɔ̀kã̀.

Mú ire tsítse, tsí ń dzàdzàbɔ́-íbàɖí yèé à tse báɛ#ɛ́.

È náa wà nɛ́ àmúɖɔ̃̀ fú ara-ŋɛ́ ŋa gbo kíbí ìnàbí ŋa náa nɛ́ àmúɖɔ̃̀ fú ara-ŋa gbà#á. È náa wà tsúwádzú, tsí wà bu ìɖì si fú ara-ŋɛ́ ŋa gbo.

Ó ɖi, ńǹrɔ́-kíbí è nákó wà nɛ́ àmúɖɔ̃̀ fúnɛ gbà#á, kó máa dzɛ́ ńǹyɛ̀ ńǹyɛ̀. È nya iŋɛ́-íbàɖí tsítse ɔ̀kã̀lɔ́ɔ̀kã̀ kpó kãdzú. Ó ɖi, è náa tamá-iŋɛ́-ire ɔ̀kã̀lɔ́ɔ̀kã̀ kpó òŋu tsítse si làkóò gé.

Kíbí nákó bèrè ní e tse gbà gé#ɛ́, è tsikpá ɔ̀kã̀lɔ́ɔ̀kã̀ kpó, tsí e wà ɖɔ̃̀ bá ɔ̀nyà kpó.

Àrínódzú-mi ŋa, ɛ̀ŋɛ ká-ŋɛ́ è máa wò ní àŋa kó wà tse àtsesã. Kà kàa bɛ́ɛ̀, è kɔ Ɔ̀ɖáyé dzɔ̀ɔ́, tsí òŋu ká‐ɛ̀ kó wà nya inɔ́ bíbí‐ɛ̀ ɖíre fúnɛ. À ti kɔɔ́ si ńǸwé-Ɔ̀ɖáyé† si ní: “Èmi ní náa tse àtsesã fúnɛ#ɛ́. Èmi ní náa sã ɛŋɛ̀ fú kṹnukṹ òŋu tɛ̀ɛ̀ fú iŋɛ́ yèé ó tse#ɛ́. Èmi, Ɔlɔ́dzɔ́ ní fɔ̀ɔ́#ɛ́.”

Ńnɔ́-itsɛ́ yèé è wà tse fú Ɔlá-wa#á, è máa tsɔ̀gɛ̃. Kà kàa bɛ́ɛ̀, è múgírí, tsí ara-ŋɛ́ kó gboná si ńtsɛ́#ɛ́ tsítse.

Ɔ̀ɖáyé tse ore-ɔ̀fɛ́‐ɛ̀ fú mi. Ti nára-bɛ́ɛ̀#ɛ́, ǹ wà wò ní ɛ̀ŋɛ kpó, ɔ̀nyà-kã̀ kpókpó kó máa wà rí ara‐ɛ̀ kadzá. Kà kàa bɛ́ɛ̀, ìsérè-ŋɛ́ ŋa tsítse kó wà ɖé bá ti ɔ̀nyà. Ó ɖi, kíbí à náa kpurã iŋɛ́ fúnɛ bɛ́#ɛ́, bɛ́ɛ̀ ní Ɔ̀ɖáyé fú kṹnukṹ òŋu tɛ̀ɛ̀ ńkpá ti nára-ká nɛ́ àkaralé si ńǹtá-Yèésù Kírísítò#ɛ́.

È máa tse íbàɖí si ńǹɖì-íbàɖí. Kà kàa bɛ́ɛ̀, ire tsítse kó kpã́ ŋɛ́ nódzú si nódzú-ɔ̀nyà kpó.

Ǹ ní fòò ǹ ní ɛ̃ɛ̃ kó wà náàŋírĩ-ɛ̀ŋɛ kpó. Kó máa wà nódzú-ŋɛ́ ní itsɛ́ kã̀ŋa tsítse kò dzɔ ŋɛ́. Kà kàa bɛ́ɛ̀, è dzɛ́, tsí e wà tsitsɛ́ ɔ̀kã̀lɔ́ɔ̀kã̀. Tsí kó máa wà nódzú-ŋɛ́ gbo kíbí ɛnɛ yèé fɔ̀ ní ɔ̀nyà-kã̀ kò màá tó ŋɛ́.

Ó ɖi, à ti kɔɔ́ si ní: “Bí ebi wà kpa ɔ̀tɛ̀-ɛ̀ɛ, ìwɔ òŋu nàa fúu ńdzídzɛ, tsí kó dzɛ. Bí àŋgbɛ̃ wà gbɛ̃ɛ̃́, nà fúu nómi, tsí kó mɔ. Bí ò wà tse fúu bɛ́ɛ̀#ɛ́, ó wà kíbí ìyɛná kɛ̀wùù ní ò wà kó ɖà néwo‐ɛ̀#ɛ́.”

Bí ɔ̀nyà ŋa wà tsoró bá ŋɛ́, ɛ̀ŋɛ òŋu, è náa bere kùsɛ̀ɛ̀-Ɔ̀ɖáyé fú ŋa. Kà kàa e ré fú ŋa#á, è náa bere kùsɛ̀ɛ̀-Ɔ̀ɖáyé fú ŋa. Bí ɔ̀nyà-kã̀ wà náyè títɛ́ si, ɛ̀ŋɛ gbo, è náa wà táyè báa. Bí ɔ̀nyà-kã̀ gbo wà sɔkṹ, ɛ̀ŋɛ gbo, è náa sɔkṹ báa.

Bí iŋɛ́-kã̀ gbo wà hã́ ɛnɛ yèé ŋa dzɛ́ ti Ɔ̀ɖáyé#ɛ́, è náa wà mɔ́wɔ́ gbè fú ŋa. È máa dzɛ́ ńǹɖì-àledzò gbo gbígbà.

Àwa kpó, ara ɔ̀kã̀ntso ní wà fú wa#á. Ó ɖi, ara#á kpɛ̃́ ńǹɖì ńǹɖì, tsí ìɖì kã̀kã̀ yèé ŋa wà nára#á, kṹnukṹ náa wà tsitsɛ́‐ɛ̀ ńǹrɔ́ tɛ̀ɛ̀. Bɛ́ɛ̀ ké ní ó wà fú àwa olí-Yèésù ŋa gbo#ɛ́. Àa kpɔ̀ gbɛ̃̀ɛ̃̀. Ó ɖi, kíbí Kírísítò tse ɔ̀kã̀ntso bá wa si#ɛ́, àwa kpó, àa wà kíbí ɔ̀nyà ɔ̀kã̀ntso bɛ́, tsí àa wɔ̀ má ara-wa ŋa si kíbí ìɖì kã̀kã̀-ara gbo náa wɔ̀ má si#ɛ́ ni.