Ayat Alkitab yang Popular daripada Rómà ŋa 11

Kongsi

Iŋɛ́ yèé tse#ɛ́, òŋu ní ɖá iŋɛ́ ɔ̀kã̀lɔ́ɔ̀kã̀ kpó#ɛ́. Òŋu ké ní gba iŋɛ́ ɔ̀kã̀lɔ́ɔ̀kã̀ gbo kpó ɖóro si#ɛ́. Tsí iŋɛ́ ŋa#á gbo kpó#ɛ́, òŋu ké ní à wà si fú#ɛ́. Ká wà nyɛ̀ɛ́ títí lɔ náàrìtã́. Ɛ̀tsɛ!

Ɛ̃ɛ̃! Ɔ̀ɖáyé lákṹ ìɖéǹɖè. Ifɛ̀ɛ́nɔ́‐ɛ̀ gbo, iŋɛ́ mímà-ɛ̀ gbo, à kpɔ̀ tó bɛ́ɛ̀. Iŋɛ́ yèé náa ɖé fúu, tsí náa tse#ɛ́, nɛ̀ɛ́ tútú nákó nyáa gbɔ́ òkpì‐ɛ̀? Ètò‐ɛ̀ yèé náa tse ŋa#á, ɔ̀nyà-kã̀ kpókpó kà màá.

À ti kɔɔ́ si ńǸwé-Ɔ̀ɖáyé si ní: “Nɛ̀ɛ́ wà, tsí kó nyáa ma ìsérè-Ɔlɔ́dzɔ́? Nɛ̀ɛ́ nákó nyáa fɔ̀ ní òŋu tó bɛ́ɛ̀ títí kó nyáa fúu ńfɛ̀ɛ́nɔ́? Ɔlá‐ɛ̀ kò wà.”

Bɛ́ɛ̀ ké ní ó wà si ńǹwèrè yèé àa wà si báàyí gbo#ɛ́. Ɔ̀nyà ìmarũ-kã̀ tɔ́ bɔ̀ si náàŋírĩ-ɔma-Ìsàràyɛ́lì ŋa si ró, tsí Ɔ̀ɖáyé gbà ńǹtá-ore-ɔ̀fɛ́‐ɛ̀, tsí tsã̀ ŋá si. Kíbí ó dzɛ́ ní Ɔ̀ɖáyé gbà ńǹtá-ore-ɔ̀fɛ́‐ɛ̀, tsí tsã̀ ŋá#á, ó wà nyà ɖíre ní Ɔ̀ɖáyé kò tse àtsùgbé-iŋɛ́ yèé à tse ŋa#á tã́ná ó tsã̀ ŋá. Ó ɖi, ó má dzɛ́ bɛ́ɛ̀ ní ó dzɛ́#ɛ́, ni kò tsi afɔ̀-ore-ɔ̀fɛ́-Ɔ̀ɖáyé ró ńnɛ̀ɛ́.

Ɔma-Ìsàràyɛ́lì ŋa#á, à wà kíbí egi-òlífì†-ilé bɛ́, tsí à rɛ́ akpá‐ɛ̀ kã̀ŋa ǹɖe. Ó ɖi, ìwɔ òŋu, ò wà kíbí akpá-egi-òlífì-kóko, tsí à rɛ́ɛ ǹɖe, tsí wáa ń tamá si ńǹɖì-akpá-òlífì-ilé yèé ŋa à rɛ́ ǹɖe#ɛ́. Báàyí#ɛ́, ìwɔ gbo, ò wà gba omi-egi-òlífì-ilé#ɛ́ ti ńɖi-ogùgù‐ɛ̀ ŋa. Kíbí ó dzɛ́ bɛ́ɛ̀#ɛ́, máa mú akpá-egi-òlífì-ilé yèé à rɛ́ ǹɖe ŋa#á, tsí wà ń kpe kí ŋa ńnɛ̀ɛ́. Kó yéɛ si ní fee, ìwɔ òŋu, ò dzɛ́ akpá-egi#ɛ́ gé ni. Kò tsi ìwɔ ní dzɛ́ ogùgù‐ɛ̀, tsí gbàá ɖóro si#ɛ́. Kà kàa bɛ́ɛ̀, ogùgù#ɛ́ ní gbàɛ́ ɖóro si#ɛ́.