Ayat Alkitab yang Popular daripada Lúkà 8

Kongsi

Tsí ɔma dzídzɛ yèé ŋa káà dzì ńlɛ̀-ire#ɛ́ ní dzɛ́ ɛnɛ yèé ŋa nɛ́ ìlò-ire, tsí inɔ́-ŋa má, tsí à gbɔ́ afɔ̀-Ɔ̀ɖáyé, tsí gbàá, tsí múu si ńǹsérè, tsí wà ń tsitsɛ́ tse#ɛ́. À wà kíbí ɔma dzídzɛ bɛ́, tsí à wù, tsí so rere, iŋɛ́ yèé tse#ɛ́, à wà tsikpá.

Tsí ɔma dzídzɛ yèé ŋa gbo dzì nágúgú#ɛ́, àŋa gbo ní dzɛ́ ɛnɛ yèé ŋa gbɔ́ afɔ̀-Ɔ̀ɖáyé, tsí ìsérè-iŋɛ́-ayé ŋa lárè ŋá, tsí à náa dzáfɔ̀-owó òŋu ɖíɖɔ̃̀-ayé#ɛ́ lárè#ɛ́. À wà kíbí ɔma dzídzɛ yèé wù, tsí agúgú ŋa fà múu, tsí kpaá, tsí ɔma‐ɛ̀ kà gbó láyé#ɛ́ ni.

Tsí ńlɛ̀-òkúta yèé ɔma dzídzɛ ìrɔ́ kã̀ŋa gbo káà dzì#ɛ́, òŋu ní dzɛ́ ɛnɛ yèé ŋa gbɔ́ afɔ̀-Ɔ̀ɖáyé, tsí gbàá òŋu ayè títɛ́#ɛ́. Ó ɖi, à kò tse tsí kó ta ogùgù múlɛ̀ rere. Ɛnɛ nyɛ̀ŋɛ̀ ŋa#á, à nɛ́ àkaralé si ńǹtá-Ɔ̀ɖáyé fú ìwèrè-kã̀ gé, tsí kíbí àɖã́wò wáa wá ńǹtá-ŋa#á, à kò nyáa gbódzú, à tòkpì náànyì.

Tsí ó wà bèrè ŋá ní: Kí tse tsí à kò nɛ́ àkaralé si ńǹtá-òŋu ná? Ó ɖi, iŋɛ́ yèé à rí ŋa#á, ó mù ŋá, tsí odzo kpé ŋa tsítse, tsí à wà bere ara-ŋa ní: Bí ɛnɛ yèé wà fáà ńnɛ̀ɛ́, tsí ó wà kã́rũ awu òŋu omi gìɖì gbo, tsí à wà mú éwo dzó fúu ná?

Ɛnɛ yèé ŋa dzɛ́ odzú-ɔ̀nà ńbí ɔma dzídzɛ kã̀ŋa káà dzì#ɛ́ ní dzɛ́ ɛnɛ yèé ŋa wà gbɔ́ afɔ̀-Ɔ̀ɖáyé, tsí múu si néwo, tsí Ètsù† wáa tó, tsí wáa nyàá ǹɖe néwo-ŋa ní ká máa gbàá gbɔ́#ɛ́. Iŋɛ́ yèé tse#ɛ́, bí à gbàá gbɔ́, Ɔ̀ɖáyé nákó gbà ŋá là.

Bɛ́ɛ̀ ké ní, iŋɛ́ ɔ̀kã̀lɔ́ɔ̀kã̀ yèé wà ńǹɖúkù si báàyí#ɛ́, à nákó wáa nyàá fùɖá si ńgbaŋgba#á. Tsí iŋɛ́ ɔ̀kã̀lɔ́ɔ̀kã̀ gbo yèé wà nóòkùkù si báàyí#ɛ́, à nákó múu si ńmímá, tsí ɔ̀nyà ŋa nákó màá á.

Tsí ɔnɔbɛ̃̀ɛ̃#ɛ́ rí ní òŋu kàkó nyáa mú ara-òŋu ɖúkù ró, tsí ó nya ara‐ɛ̀ fùɖá náàŋírĩ-ɔ̀nyà ŋa ńwádzú-Yèésù. Ó wà ŋá kpó, tsí ó káà kálɛ̀ nábɛ́-Yèésù. Tsí nódzú-ɔ̀nyà ŋa kpó#ɛ́, ó fɔ iŋɛ́ yèé tse tsí ó mɔ́wɔ́ kã̀ã́#á, òŋu kíbí àrɔ̃̀#ɛ́ tùú gbo gbòkã́#á. Tsí Yèésù fɔ̀ fúu ní: Ɔma, àtsùgbée kíbí ó nɛ́ àkaralé si ńǹtá-òŋu#ɛ́ ní Ɔ̀ɖáyé bɔɔ́#ɛ́. Ó ɖi, kó tó ńlé ire fòò.

Tsí ɔmatsɛ́‐ɛ̀ ŋa sɔ́ tìmá‐ɛ̀, tsí wà dzíi, tsí wà ɖúgbe fúu ní: Akɔ́nɛ, Akɔ́nɛ! Àŋa bòkó tsɛ̀rá. Tsí ó dzí, tsí ǹɖe, tsí gbãdzú fefe bá awu#ɛ́ òŋu omi#ɛ́ ní: È tsikó! È ɖá ɖóro! Tsí awu#ɛ́ gbo, omi#ɛ́ gbo, à ɖá ɖóro kpó gbòkã́, tsí ìɖì kíìɖì kpa kpó tíyɛ̃ tíyɛ̃ tíyɛ̃.