1
Ruma 7:25
Manobo, Western Bukidnon
mbbNT
Ne utew zekelà is kebpeselemati ku te Megbevayà su pinaag̵i te Nengazen tew he si Jesu Kristu nevelukasan e en! Ne egkesavut niw en is egkeulaula ku. Su sakup is gehinawa ku te Megbevayà, ne is lawa ku, ne sakup mulà te mezaat he kebayè din.
2
Ruma 7:18
Netuenan ku he wazà minsan hengkey he meupiya he zini ebpuun te mezaat he kebayà te lawa ku, su minsan ke egkesuatan ku te ed-ulaula is meupiya, kenè ku egkeulaula.
3
Ruma 7:19
Su is ed-ul-ulahan ku, ne kenà iyan sikan is meupiya he egkesuatan ku, kekenà, iyan is mezaat he igkeepes ku he ed-ul-ulahan ku.
4
Ruma 7:20
Ne emun ed-ul-ulahan ku is kenè ku pezem ed-ul-ulahan, ne kenà a iyan ed-ulaula kayi, kekenà, iyan is mezaat he kebayà te lawa ku he iyan ebpuunan dutun te mezaat he ulaula.
5
Ruma 7:21-22
Ne layun iring kayi is egkehitavù dini te kedì, ne emun ed-ulaula a pezem te meupiya, egkeeg̵en a te mezaat he kebayà he zini te lawa ku. Ne sumalà is egkesuatan te g̵ehinawa ku, utew ku pezem egkesuati is kedtumana te egkesuatan te Megbevayà.
6
Ruma 7:16
Ne emun nekesupak a te kesug̵uan, iyan, kenè ku pezem egkesuatan he mesupak ku, ne heini is kenè ku kegkesuat, ne iyan tuus he zini te isip ku meupiya is kesug̵uan.