1е Коринфянам 3 मधील लोकप्रिय बायबल वचने

सामायिक करा

Лӣсимакңўа̄ӷаҳси Кияӷныӷым Храмкӣси. Аглыӷналӷӣк Таӷныӷакык кияҳтыңӯқ илюхпысини!

Кияӷныӷым наңлъыхталъық тагивақа̄ атуқлъюку пӣнлиқақақа қыпҳақақ лъпысини. Пыҳқинылӷӣстун тунымиқақақа мыңтыӷақ улимаяҳқақ. Иисус Христосыңина̄гуқ тунымақ, алъя ся̄ӷўакун тунымаҳқӣтуқ. Иляңита улимавикңўа̄т қа̄йңакун. Қамахлъюни пира̄мсилюни улимали.

Ынка̄ңам кина алңунак пӣтысӣӷалӷӣлъю, мыҳқилӷӣлъю укавантуқ. Кияӷныҳӣнақ а̄ңыҳлъяхтуқ нагустикаюгӯқ.

Қыпҳалгуткутукуң Кияӷныӷмун; лъпыси Кияӷныӷым пӣтысиӷаӷвикӣси. Кияӷныӷым мыңтыӷақӣси.

Сяңўа̄ атуқыхкаҳпут ысҳаӷьяҳқақаҳпут ата̄сикаҳта̄мта қамахтыңъўа̄ӷлюта аӷныӷми таўани Христосым нанқихтилъыҳқа̄ни. Кынӷым ысҳаҳтысяҳқақа̄ қыпҳақаҳпут натытуляңа.

Пӣтысиӷаҳталъю, мыҳқисталъю таўатылъкутук. Кияӷныӷым акилыҳтуӷьяҳқақа̄к қыпҳалъҳыхкынкун.

Кина алңунак пӯҳтыфқа̄ми лъңаның пили. Налиҳси сюмыҳтаӷа̄ңукуми лӣтыпахлъяка̄нилюни нунам пыҳқинылъҳаның, йықай малихлъигу Христос, ухпықа̄нӷилңӯт тымңиңуниӷңа̄тху. Таўатын пикуни ынңа̄талъ пыҳқинӷуҳтыпӣхлъықа̄.