रोमियों 4 मधील लोकप्रिय बायबल वचने

सामायिक करा

वणी परमेसर का वादा में विस्वास बणायो राक्यो। अतरोकीस ने पण विस्वास ने घणो पाका करते तके परमेसर की मेमा किदी। वींने पूरो भरोसो हो के, ज्यो वादो परमेसर वणीऊँ किदो हे, परमेसर वींने पूरो करबा तागत राके हे।

सास्तर बतावे हे के, “में थने घणी जात को बापू बणायो हे।” वीं परमेसर की नजरा में अबराम आपणाँ बापू हे, जणी परमेसर पे विस्वास हे। परमेसर मरिया तका ने जीवन देवे हे अन ज्यो ने हे, वींने हामे लावे हे।

ईसू ने आपणाँ पाप का वाते मरबा दिदो ग्यो अन आपाँने धरमी बणाबा का वाते मरिया तकाऊँ पाछो जिवायो ग्यो।

जटे आस करबा की जगाई ने ही, वटे अबराम आपणाँ मन में आस लेन वींमें विस्वास किदो। अणी मस वो वणी वादा का जस्यान नरी जात को बापू बण्यो, जस्यो सास्तर में लिक्यो तको हे के, “थाँरा घणी ओलाद वेई ज्याँने घणी ने जाई।”

तो आ बात साबत वेवे हे के, परमेसर को वादो विस्वास को फळ हे ज्यो वाँकी करपाऊँ में मले हे। अणीस वजेऊँ परमेसर को वादा अबराम का हाराई लोगाँ पे लागू वेवे हे, अन बेस वाँका वातेईस ने जीं नेमाने माने हे पण वाँ हाराई पे जीं अबराम का जस्यान विस्वास राके हे। वो आपणाँ हाराई को बापू हे।

“धन्न हे वीं ज्याँका अधरम माप किदा ग्या। अन ज्याँका पाप ढाक्या ग्या। धन्न हे वो मनक ज्याँका पाप परबू ने गणे हे।”

सास्तर कई केवे हे के, “अबराम परमेसर पे विस्वास किदो, जणीऊँ वो धरमी केवायो ग्यो।”