रोम 4 मधील लोकप्रिय बायबल वचने

सामायिक करा

परमेसर का करार म बिस्वास जगायो राख्यो। आई नइ पण बिस्वासनै ओर बी मजबूत कर परमेसरनै मेमा दि। बिनै पक्‍को बिस्वास हो क जखो करार परमेसर बिऊँ कर्यो ह बिनै बो पूरो करबा की ताकत राखै ह।

जंय्यां क पबितर सास्तर म मंडर्यो ह, “म तनै बोळा कूणबा को बाप बणायो।” बि परमेसर क सामै जिपै बो बिस्वास कर्यो जखो मरेड़ानै ओज्यु जीवावै ह अर जखी बात आथई कोनी बानै परगट करै ह बो अब्राहम आपणो बाप ह।

ईसुनै आपणा पाप ताँई मरबानै दिओ गयो अर आपानै धरमी बणाबा ताँई मरेड़ा मऊँ ओज्यु जीवायो गयो।

जठै आस करबा की गुंजाईस कोनी बठै आपका मन म आस लेर अब्राहम बिपै बिस्वास कर्यो, आई बजे ही क बो कह्या गेल बोळा कूणबा को बाप बण्यो जंय्यां पबितर सास्तर म मंडर्यो ह, “तेरै बोळी ओलाद होसी जखी गिणी कोनी जासी।”

जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।

“भागहाळो ह बो जिका अधरम माफ कर्या गया, अर जखा का पापनै ढक्यो गयो! भागहाळो ह बो मिनख जिका पाप परबु कोनी गिणै!”

पबितर सास्तर काँई खेवै ह? “अब्राहम परमेसर प बिस्वास कर्यो, जिकी बजेऊँ बो धरमी खुवायो।”