ROMANS 3 मधील लोकप्रिय बायबल वचने

Wehs hemajkam at hab juh g pi apꞌekam k pi am hu ais g Jiosh hab elida. K wabshaba g Jiosh ab i s‑t‑hoꞌigeꞌid. T g alidaj Jesus Christ ab moht g s‑koꞌok t‑namkidadag am t‑wehhejed. T hekaj ab i t‑apꞌech g Jiosh e wui.

Jiosh at am wo i ha apꞌech hegam matp hedai ab wo i s‑wohoch g haꞌichu ahgaj k ab wo hiwgad g Jesus Christ, chum as has mahs d wo hemajkamk.

Jiosh at am i apꞌech mat g alidaj wo e muhkid am t‑wehhejed k hekaj gam hu hab wo i juh g pi ap t‑chuꞌijig mattp hedai ab wo i s‑wohoch. Ab o wabsh s‑ha hoꞌigeꞌid hegam heki hu hemajkam mo ab s‑wohochud ch pi chegima g ha‑chuꞌijig nat pi g alidaj wo e muhkid am wehs t‑wehhejed. Bo wa masma am t‑chehgidch g Jiosh mo chum hekid hab wua g s‑apꞌekam ch wo e nako mat am wo i ha apꞌech g pi ap chuꞌijkam mat hekid ab wo bei g Jesus nat pi heg ab moht g s‑koꞌok t‑namkidadag.

Pi at hedai wo e nako mas wehs am hab wo junihid g Jiosh chehanig ch hekaj wo i e apꞌech am Jiosh tahgio. Chehanigaj at am wo i t‑tashogi mach haschu pi apꞌekam hab wua.

An o hab chuꞌig Jiosh oꞌohana ed: Pi o hedai oꞌodham d shaꞌi s‑apꞌekam ch pi hedai amichud mo haschu d s‑apꞌekam ch pi hedai mahchimk g Jiosh. Wehsijj at i e mehkod ab amjed g Jiosh k am hab junihim g pi apꞌekam. Pi o hedai hab shaꞌi wua g s‑apꞌekam. Pi hedai.

Neh, k pi haꞌichu d shaꞌi hegai machs hekaj wo chum si t‑haschudad. Pi att wo shaꞌi t‑nako machs wo i t‑apꞌech am Jiosh tahgio am hab junihidch g s‑apꞌekam. Jiosh at am wo i t‑apꞌech e wui matt hekid ab wo i s‑wohoch g haꞌichu ahgaj.

Chum o hekid ahg g wohokam, chum as wehs hemajkam g iattogi hab wua. Neh, bo chuꞌig an Jiosh oꞌohana ed: Jiosh haꞌichu ahga o d hekia wohokam, chum as haꞌijj hab kaij mo pi woho.