Heb 12-ын алдартай Библийн эшлэлүүд

Хуваалцах

Chane'eja da'me qo'mi, queda'me uo'oe naajo' jiyaĝa'u jo'ne qayoĝode' 'me qo'mi dajota'ualo, naqaegaua jo'ne joote daloĝonataĝata da'me lepe'e', qama'le 'noota qom cha'li jaĝanaĝadiñi yema naa'me jo'ne qo'mi nauatapegueta choqonaa'me mach'e qadoeco jo'ne e'n qo'mi lecoñetae's. Qa'a da'me qadadiquiaĝac ena'am ta'le ga'me ñaqalegoĝojoĝoc, qama'le 'noota qom yataqata qo'mi vidiaqayaqa, yataqata 'ñañaĝataĝaguet da'me qomitaĝac jo'ne qo'mi ue'tajopa, da'me jo'ne mach'e jajoqo'tague. 'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Eja da'me qaya'te ne'uaĝanaĝanaĝac jo'ne ja co'yaq, nale qo'mi qoyachalo'te. Eja da'me co'yaq, qalaĝaja qom male qat'amaĝac da'me jo'ne qo'mi qo'yeteque, qama'le da'me chiyaqayi nach'eda da'me qat'oyaĝac jo'ne onaĝaic. 'Uo da'me qat'emaĝac nataq'aen da'me qo'mi chimaqachidiñe.

Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

Chane'eja da'me ami, yataqata auenache'ta da'me napogaĝadenaĝac ñe'me Jesús, queda'me 'uo da'me lachoĝodec let'adaic ca'li uo'oe gaa'me loeco lo'ol jo'ne nautetedapega joñe'me. Auenache'ta da'me dojo' qaedi ja adeliñiñi, nach'e ena'am da'me ena'te aĝañiñi da'me adepi'i.

Joñe'me Dios male qo'mi yanema da'me lejaliaĝa jo'ne ja qoyaqanatet ta'le yitaĝa qonichiyaĝat. Chane'eja 'noota qom janemaĝam da'me qadamaic nataq'aen da'me 'ñonaĝataĝaye joñe'me, nach'e ena'am da'me jauoqo da'me chimaqachiñe jo'ne yataqata yiyamaĝaden.

Chane'eja anapogaĝadeñiyeguet da'me adachoĝodequi, qa'a ñe'me Dios yataqata ami noqopitalo, qama'le ami yapaĝague'n chayovida'a da'me ami yicocha' nale, yajouaĝat da'me e'n ami lec'oqo'te. Qa'a ¿qo'li 'uo ga'me net'a jo'ne ja yapaĝaguen ga'me lec'oĝot?

Qa'a joñe'me mach'e Qanedios nach'eñe jo'ne ena'am ta'le dole' da'me en yema datochiñe.

Ca'li qo'mi ñoqolqapi, gaa'me mach'e qadet'al, da'me cha'li 'uo da'me nejiyaĝauayaĝa'j jo'ne jaqaloq, 'uo da'me jo'ne qo'mi yapaĝagueneque qa'a yepetetedapega qaedi qo'mi 'noote' jo' qomle. Qalaĝaja ñe'me Dios male qo'mi yapaĝagueneque da'me jo'ne yataqatelegue qaedi ñauegaĝala't da'me qo'mi yoqovite', chayovida'a da'me jenaqa'am joñe'me.

Qa'a da'me ami maliaĝa qaya'te 'uo ga'me yovida'a da'me qoyalat yajouaĝat da'me jetaque ja auacoñiyeguet da'me nadiquiyaĝac jo'ne ja no'en.