Mathi 7-ын алдартай Библийн эшлэлүүд

“Hawuvei! Nangnih nini büniyei. Sui! Nangnih nini bünai. Sätäng khek, nangnih koong sät hong hmueyei.

Iyaäm ulabang hawuvei äm, ükütnilani ini büneyei. Ulabang sui äm äila ha bünai. Awlaw ulabang sätäng khekäm, äi khäl koong sät hong hmueyei.

“Äi koong ula Kei kochok saw khäl khin äm awlaw äi täng chetchonei äm, ani che hngat prengiya mawh huih. Äi prengiya mawh la lung khruäng im sawkei.

Nangnih khrawng känäng ihuih awpawi nini hlü ei äm, khrawng äng äi huih awpawi poei khäl. Iyaäm nidä Mosi käh thung awlaw Hnadaga sidawng hiyawktih khäl käh elensum chok nawk kheu.

Äini nawsawk mäi nawk saw tamkha che echeket, lawm ha dukhah mäi. Khrawng bitchaw la dä äi lawm che sui ula ini bünsaw.”

“Cheketih tamkha dükäng vawng. Iyaäm nakrak nawk saw tamkha la lawm che mawt len. Äi äng mawt chetei pha awlaw awbawng khrawng äi äng ini chetei.

Nangnih pawyahtih khrawng thänei chula nini chaw a pektawn sawla pek tawnah saw nini hmawt khäh. Äihi nang käh hawna käh Paw khäka ula bang hawuvei äm äi thawka anih a vawn pawi pek hmueyei.”

“Nangnih khrawng käh tara biyei chu, äihi nangnih käh tara ha Hnadaga la bi hnawh. Nangnih khrawnga ihuih tara nini bi äm, äi huih Hnadaga la nangnih käh tara biyeih saw. Nangnih khrawnga ihuih nini tünäm, äi huih Hnadaga la nangnih a anang tünaih saw.”

Äini ula äi kochok saw khinah äm awlaw äi täng chet choneiyah äm, äiche mäktih huih. Äi mäktih la de khruäng im sawkei.

Nang nawu mik äng käh obo nuhmuh, äini nang mik äng käh obo iya nang hmueiti saw äm? Iba nang nata nawu a natak datäm, “Lo! Nimik äng käh obo kolouh walaih.” Nupum kantha äng käh obo hmueiti ei?

“Hiyah saw sidawng hiyawktih khäl känäng sidih äng mäi khäl. Anih nangnih khäkä aprang äng che samphomah hmawi äng dä ini loaih saw. Äini udukäng che nget tih toui chaw huih dä. Anih käh bi khrang äng nangnih anih a nini helh hnängai. Nang ihling khak täu a grĕp theih bünti. Awlaw ihling khak känäng khĕu theih bünti.

Äi huih thing pawi äng dä theih pawi theisaw awlaw pawyahti thing äng dä pawyahtih theih thei saw.

Thing pawi äng pawyahtih thei awlaw pawyahtih thing äng awpawi theih thei hnängah.

Mawng thing äng theih pawi theiyah äm, äi thing khru al tila mei äng nawchawh al saw pawi.