GAMLAK VAKNA 20-ын алдартай Библийн эшлэлүүд

Хуваалцах

Ahi zongin TOPA in Moses le Aaron kiangah, “Israel mite’ mai-ah kei hong um lo, hong siangthosak lo na hih uh ciangin amaute ka piaksa leitangah hih mihonte na tunpih kei ding uh hi,” a ci hi.

“Ciangkhut la-in, nang le na sanggampa Aaron in mihonte khawm un la, suangpi in amau’ muhin tui a piak ding sawl un. Tua bangin mihonte le amau’ ganhingte tui na ngahsak ding uh hi,” a ci hi.

Moses in a khut laamto-in a ciangkhut tawh tua suangpi nihvei sat a, tui tampi phulkhia-in mihonte le amau’ ganhingte in a dawn uh hi.

Moses le Aaron in suangpi mai-ah mihonte kaikhawmin amah in amaute kiangah, “Tu-in za un, a lehdo mite aw; hih suangpi panin note a’ ding tui hong phulkhiasak ding ka hi uh hiam?” a ci hi.