Philipiaid 1-ын алдартай Библийн эшлэлүүд

Felly dw i’n hollol sicr y bydd Duw, sydd wedi dechrau gwneud pethau mor wych yn eich plith chi, yn dal ati nes bydd wedi gorffen ei waith ar y diwrnod y bydd y Meseia Iesu yn dod yn ôl.

Yr hyn dw i’n ei weddïo drosoch chi ydy y bydd eich cariad chi’n mynd o nerth i nerth, ac y byddwch chi’n tyfu yn eich dealltwriaeth o’r gwirionedd a’ch gallu i benderfynu beth sy’n iawn. Dw i eisiau i chi ddewis y peth gorau i’w wneud bob amser, a byw yn gwbl onest a di-fai nes i’r Meseia ddod yn ôl.

I mi, y Meseia ydy holl ystyr a phwrpas byw, a dw i’n ennill hyd yn oed os bydda i’n cael fy lladd!

Bob tro dw i’n meddwl amdanoch chi dw i’n diolch i Dduw am bob un ohonoch chi.

Ond beth bynnag fydd yn digwydd i mi, gwnewch yn siŵr eich bod chi’n dal ati i ymddwyn mewn ffordd sy’n dangos fod y newyddion da am y Meseia yn wir. Wedyn, os bydda i’n dod i’ch gweld chi neu beidio, byddwch chi’n sefyll yn gadarn ac yn brwydro’n galed gyda’ch gilydd dros y newyddion da.

Dw i’n edrych ymlaen at y dyfodol yn frwd, ac yn gobeithio na wna i ddim byd i siomi fy Arglwydd. Dw i eisiau bod yn ddewr bob amser, ac yn arbennig felly nawr, fel bod y Meseia yn cael ei fawrygu drwy bopeth dw i’n ei wneud – hyd yn oed petai rhaid i mi farw yma!

Eich braint chi ydy dim yn unig credu yn y Meseia, ond hefyd cael dioddef drosto.