VAROMA 8-ын алдартай Библийн эшлэлүүд

Khwamanya ndi mu shia shindu shiosi, Nyasaye akholelanga vandu vamuyaanza vindu vilahi, khushila muno yavo vayalaanga khulondokhana khu lienya lielie.

Ni kilikali, manyi ndi shindu shiosi shivulakhuho shinyala khukhwahula haluveka khurula khu vuyaanzi vwevwe: khali likhutsa inoho vulamu, khali tsinjelosi inoho vamihi vandi vu mwikulu inoho vi tsingulu, khali matukhu kanu inoho matukhu kaliitsa khuvaho. Khali ikulu wi likulu inoho hasi mulilova, shindu shiosi khurula mu vindu vialoongwa viosi, shivula tsingulu tsiu khukhwahula haluveka khurula khu vuyaanzi vwa Nyasaye vwa khuli navwo mu Mwami weru Yesu Kristo.

Khali ndio, Roho akhukhonyanga, lwa khuli vateteshele; shichila khwakorwa khuli khunyala khusaala. Navutswa Roho mwene, neye ukhureevelanga khu Nyasaye makhuva keru ka khwenyanga khukholelwi khuvirila mulilila lia khunyala khuvula khwivaalakhu na makhuva.

Ni shina shia khunyala khuvoola khurulana khu kenako koosi? Niiva Nyasaye ali na khutsi, ni viina unyala khukhukwana?

Khulwa yako, vandu vali mwoyo nunundi mu Yesu Kristo, valiitsa khuvula khukhalachilwa

Khuvikha tsinganakani khu liiva liu mmbili khuleranga likhutsa; navutswa khwimililwa na Roho khuleranga vulamu nende milembe.

Shikali kario tawe, navutswa khuli ni tsingulu tsiatoto tsiu khukuura khuvirila mu vukhonyi vwa woyo wa khuyaanza!

Mbukulanga linyakhana lia khunyakhananga mumatukhu kanu, khuli ni li shikhaya nusasanyinye khu vukhumi vwa khutsitsanga khumanyinywa.

Ni viina unyala khukhwahula haluveka khurula khu vuyaanzi vwa Kristo? Toto, kanyala khuva vutiinyu inoho linyakhana inoho khutambitswa inoho inzala inoho vumanani inoho maraava inoho likhutsa?

Nyasaye, ulolanga kali mu mioyo chieru, wamanya ka Roho yenyanga kakholwi; shichila Roho areevelanga vandu va Nyasaye khu Nyasaye khulondokhana khu lienya lia Nyasaye.

Vandu va Roho wa Nyasaye yimililanga, navo vaana va Nyasaye.

Yavo vamenyanga khulondokhana khu liiva liavo liu mmbili, vavikhanga tsinganakani tsiavo khu liiva liu mmbili lienelo; navutswa yavo vali mwoyo mu Roho, vavikhanga tsinganakani tsiavo khu vindu via Roho ahaananga.

Nyasaye, shikali yavelela Mwana wewe tawe, navutswa yamuhaana shichila khutsi voosi. Niiva yakhukholela kenako, khali aliitsa khukhuha naye shia shindu shiosi.

Roho wa Nyasaye ahaambananga ni mioyo chieru khuhaana vushiahidi ndi khuli vaana va Nyasaye. Lwa khuli vaana veve, khuliitsa khunyola tsikhaavi tsia yavishila vandu veve. Khuliitsa khunyola halala na Kristo shia Nyasaye yamuvishila. Niiva khulasanga mulinyakhana lia Kristo yanyakhana, khuliitsa khusanga khali naye mu vukhumi vwevwe.

Mundu wimililwangwa ni liiva lielie liu mmbili, avetsanga mutsiku wa Nyasaye; shichila avula tsingulu tsiu khulonda malako ka Nyasaye. Ni kilikali, akhaywangwa khukalonda.

Shia shindu shiosi shialoongwa, shilindililanga ni likomba linyishi, khulola Nyasaye naloleshitsi vaana veve.

Khwamanya ndi khutukha nunundi shia shindu shiosi shialoongwa shililanga ni isalila indulu, isalila khuli yu mukhali wenyanga khwivula mwana.