Pangngitanna Yohanes 5-ын алдартай Библийн эшлэлүүд

Хуваалцах

Sika umpopenani mesa penaniang bakahu, ang naoatee, ”Sihatangngo ungngala ne suha' anna ullohka'i katahpena. Aka' puhamo dipatei. Anna kamateammu puhang ungngalliing Puang Alataala yato hupatau di hao mai di ingkänna bohto di lino.

Sika menani napekäyyängngi naoatee, ”Änä' Domba ang puha dikehe' ma'kuasa anna sihatang untahimbo katomakakaang, kamanähängang anna kamatohoang; Sihatang dipakeangka', dipamatande anna dipudi!”

Puhang sika umpakamesa tama di mesa kapahentaang ang napatani la untahiai Dehatanta, sibaha ma'pahenta yaling di lino.”

Mane unghingngiä' ingkänna ang menanaha ang aha yaho di langi', di lino, di hoi' di apa' tampo anna ang aha yaling di le'bo'. Ingkänna indee menani asang naoatee, ”Ke la malai Ang mohko' yaho di ongeang kamatandeang, anna yato Änä' Domba dipudi anna dipakeangka' sibaha dipamatande anna ma'kuasa lambi' sapano-panona!”

Ampo' naoamingkä'te yato mesa to dipakeangka', ”Mahtangngo! Itai! Ang disangai ‘Singa sule yaling mai di alla'-alla'na to Yehuda’ anna ‘Peänä'anna Tomaraya Daud ang lele sau tama,’ puhang patalo. Sihatanne' ullo'bä'i yato pitu katahpena suha' anna nabuhkeii.”