Filipi 3-ын алдартай Библийн эшлэлүүд

Хуваалцах

Oa' ingkämmu solasohongku, setonganna dai aha kuoatee kulambi'mi yato pebea ang napasadiaingkä' Puang Yesus Kristus. Ampo' ang kubabe diantoo: kupellei asammi ingkänna yato pembabeku ang puha kubabe dolu anna kupengkabela-belaii kupellambi'i yato aka ang kuhannuang. Sihapangngä' mesa to silumba lumumpa'. Noa tuntone' pembabeku, dä' mensaile pano di kuanangku bahtu' kaihingku anna malaä' ullambi' kapataloang, dianto katuhoang lambi' sapano-panona yaho di suruka, aka' dianto suhunna anna natambaimä' Puang Alataala ungngolai yato aka ang nababe Kristus Yesus.

Ang handang kupemala ke la malaä' ungnginsang manahpa Kristus anna kusa'ding toe' yato kakuasaanna ang mampatuho sumule di hoi' mai di kamateang. Kupokahsi ke didahha touä' kodi' sinnoa ang nasa'ding anna mate touä' kodi' sinnoa matena. Anna kuhannuang la ullambi' touä' kodi' katuhoang sumule di hoi' mai di kamateang.

Dai yato supu, ampo' ingkänna siamo yaling inde di lino kuangka' asang mehukiang kale, ke kupasiitai ungnginsang si'da-si'da Kristus Yesus Dehatangku. Ingkänna yato ang aha di lino kuangka' oyo kalane. Anna kupellei asammi anna malaä' mendahi to pentindo'na Kristus

Ingkänna yatoo kuangka' mapia dolu, ampo' dang dinoa, aka' kuoatee mehukiang kale aka' sikentemä' Kristus.